សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី៩មេសាបានគំរាមសហភាពអឺរ៉ុបពីការបង្កើនពន្ធគយថ្មី ប្រសិនបើសហភាពអឺរ៉ុបពុំបញ្ឈប់ ឧបត្ថម្ភកធន(ប្រាក់ជំនួយ)ដល់ក្រុមហ៊ុនAIRBUSទេនោះ។ បែបនេះជាការគំរាមកំហែងដល់បទឈប់បាញ់ខាងពាណិជ្ជកម្មដ៏ផុយស្រួយ។ អង្គការពាណិជ្ជកម្មពិភពលោកWTO គូសបញ្ជាក់ថា របបឧបត្ថម្ភកធនរបស់សហភាពអឺរ៉ុប…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី៩មេសាបានគំរាមសហភាពអឺរ៉ុបពីការបង្កើនពន្ធគយថ្មី ប្រសិនបើសហភាពអឺរ៉ុបពុំបញ្ឈប់ ឧបត្ថម្ភកធន(ប្រាក់ជំនួយ)ដល់ក្រុមហ៊ុនAIRBUSទេនោះ។ បែបនេះជាការគំរាមកំហែងដល់បទឈប់បាញ់ខាងពាណិជ្ជកម្មដ៏ផុយស្រួយ។
អង្គការពាណិជ្ជកម្មពិភពលោកWTO គូសបញ្ជាក់ថា របបឧបត្ថម្ភកធនរបស់សហភាពអឺរ៉ុប មានផលប៉ះពាល់់់អវិជ្ជមាន លើអាមេរិក ដែលនឹងនាំឲ្យមានការយកពន្ធ១១ពាន់លានដុល្លារលើផលិតផលអឺរ៉ុប។ ប្រធានាធិបតីអាមេរិកបានសរសេរតាមTWITTERថា សហភាពអឺរ៉ុបកេងយកចំណេញពីសហរដ្ឋអាមេរិកខាងពាណិជ្ជកម្ម ចាប់តាំងពីច្រើនឆ្នាំមកហើយ។ រឿងនោះនឹងត្រូវបញ្ចប់ក្នុងពេលឆាប់ៗ។
ជម្លោះរវាងBOEINGនិងAIRBUSមានចាប់តាំងពី១៤ឆ្នាំមកហើយ។ សហរដ្ឋអាមេរិកនិងអឺរ៉ុបបានចោទប្រកាន់គ្នាទៅវិញទៅមកនៅមុខWTO និងថាជួយផ្ដល់ជំនួយខុសច្បាប់ដល់គ្រុមហ៊ុនផលិតយន្តហោះរបស់ពួកគេរៀងៗខ្លួន។ តំំណាងពាណិជ្ជកម្មអាមេរិកបានចេញផ្សាយកាលពីថ្ងៃទី៨មេសា បញ្ជីបណ្ដាផលិតផលដែលអាចបង្កើនពន្ធ ប្រសិនបើសហភាពអឺរ៉ុបពុំបោះបង់ចោល របបឧបត្ថម្ភកធនមួយចំនួនដល់AIRBUSទេនោះ។ តាមតំណាងនោះថារបបឧបត្ថម្ភកធនអឺរ៉ុបដល់AIRBUS ប៉ះពាល់ដល់សហរដ្ឋអាមេរិក ក្នុងកម្រិត១១ពាន់លានដុល្លារ នៃការផ្លាស់ប្ដូរពាណិជ្ជកម្មក្នុងមួយឆ្នាំៗ និងថាអាមេរិកត្រៀមចាត់បណ្ដាវិធានការតបតវិញ ចាប់តាំងពីរដូវក្ដៅនេះទៅ។ បណ្ដាផលិតផលអឺរ៉ុបដែលអាចរងការបង្កើនពន្ធគយរបស់អាមេរិក មានដូចជាផ្នែកយន្តហោះ សាច់ ត្រីសូម៉ុន ហ្វ្រូម៉ា ផ្លែឈើ ប្រេងអូលីវឬស្រាជាដើម។ ប្រភពមួយរបស់គណៈកម្មាធិការអឺរ៉ុបមានប្រតិកម្មកាលពីថ្ងៃទី៩មេសាថា វិធានការតបតនោះដូចជាជ្រុលពេកហើយ៕
ចែករំលែកព័តមាននេះ