ប្រទេសអាហ្វ្រិកខាងត្បូង ៖ បុរសម្នាក់ ត្រូវបានគេប្រទះឃើញនៅសល់តែលលាដ៏ក្បាល និងខោជើងវែង នៅក្នុងឧទ្យានជាតិ KRUGER អាហ្វ្រិកខាងត្បូង។ បុរសនោះបើតាមប្រភពជាច្រើនបានឱ្យដឹងថា ត្រូវដំរីមួយក្បាលជាន់ស្លាប់…
ប្រទេសអាហ្វ្រិកខាងត្បូង ៖ បុរសម្នាក់ ត្រូវបានគេប្រទះឃើញនៅសល់តែលលាដ៏ក្បាល និងខោជើងវែង នៅក្នុងឧទ្យានជាតិ KRUGER អាហ្វ្រិកខាងត្បូង។ បុរសនោះបើតាមប្រភពជាច្រើនបានឱ្យដឹងថា ត្រូវដំរីមួយក្បាលជាន់ស្លាប់ រួចបន្ទាប់មកត្រូវពួកតោចាប់ហែកស៊ី។
កាលពីថ្ងៃទី៧ មេសា សារព័ត៌មានជាច្រើនក្នុងនោះមាន BBC បានរាយការណ៍ពីការស្លាប់យ៉ាងរន្ធត់របស់បុរសរួបនេះ ដែលអះអាងជាដំបូង តាមរយៈសេចក្ដីប្រកាសមួយរបស់ឧទ្យាន KRUGER។ យោងតាមសេចក្ដីប្រកាសនោះថា បុរសរូបនេះនិងអ្នករួមគំនិតជាច្រើននាក់ បាននាំគ្នាចូលក្នុងឧទ្យានដើម្បីបរបាញ់សត្វរមាស កាលពីថ្ងៃទី២មេសា។ បន្ទាប់ពីនោះមកគ្រួសាររបស់ជនរងគ្រោះ ពុំឃើញគេវិលត្រឡប់មកវិញ ហើយបានទាក់ទងជាមួយពួកអ្នកការពារឧទ្យានដើម្បីតាមរក។
មនុស្ស៤នាក់ត្រូវចាប់ខ្លួន ប៉ុន្តែមនុស្សទី៥បានបាត់។ រហូតដល់ថ្ងៃទី៤មេសាតាមតម្រុយរបស់ពួកអ្នកទៅជាមួយគ្នា គេប្រទះឃើញបុរសនោះនៅសល់តែលលាដ៏ក្បាលនិងខោជើងវែង។ ពួកអ្នកទៅជាមួយរៀបរាប់ថា បុរសនេះត្រូវដំរីមួយក្បាលជាន់ស្លាប់។ នៅកន្លែងរកឃើញលលាដ៏ក្បាល ពួកអ្នកតាមរុករកប្រទះឃើញដាននានា ដែលបញ្ជាក់ថារូបគេត្រូវពពួកតោហែកស៊ី។
ឧទ្យានជាតិKRUGERដែលជាកន្លែងអភិរក្សសត្វព្រៃដ៏ធំបំផុតមួយ ល្បីថាមានដំរី ខ្លា តោ រមាស។ល។ នេះពុំមែនជាលើកដំបូងទេ ដែលមនុស្សម្នាក់ត្រូវពពួកសត្វព្រៃសម្លាប់។ កាលពីឆ្នាំ២០១៨ ព្រានព្រៃម្នាក់ក៏ត្រូវពួកតោសម្លាប់ហែកស៊ីដែរ ដោយនៅសល់តែក្បាលនិងសំណល់ខ្លួនតិចតួចប៉ុណ្ណោះ៕
ចែករំលែកព័តមាននេះ