រាជធានីភ្នំពេញ ៖ អតីតនគរបាលប៉ុស្តិ៍ ទឹកថ្លាដែលចូលនិវត្តន៍ រួមជាមួយនគរបាលប៉ុស្តិ៍ ដែលទើបត្រូវបានផ្លាស់ចេញ បានមានប្រតិកម្ម និងតូចចិត្តយ៉ាងខ្លាំង បន្ទាប់ពីស្នងការរងនគរបាលរាជធានីភ្នំពេញម្នាក់ បានយកប្រាក់…
រាជធានីភ្នំពេញ ៖ អតីតនគរបាលប៉ុស្តិ៍ ទឹកថ្លាដែលចូលនិវត្តន៍ រួមជាមួយនគរបាលប៉ុស្តិ៍ ដែលទើបត្រូវបានផ្លាស់ចេញ បានមានប្រតិកម្ម និងតូចចិត្តយ៉ាងខ្លាំង បន្ទាប់ពីស្នងការរងនគរបាលរាជធានីភ្នំពេញម្នាក់ បានយកប្រាក់ ដែល បានមកពីការលក់ស្នាក់ការប៉ុស្តិ៍ទឹកថ្លា ទៅចែកជួនដល់នគរបាលប៉ុស្តិ៍ ចំនួន ១៥នាក់ ដែលម្នាក់ៗបានចំនួន ១៥០០ដុល្លារទៅ២០០០ដុល្លារ ទៅតាមអ្នកចាស់និងថ្មី ព្រោះតែពួកគេពុំមានចំណែកនោះ។
ការប្រតិកម្មនោះ បន្ទាប់ពីលោកស្នងការរងនគរបាលរាជធានីភ្នំពេញ ទទួលផែនហិរញ្ញវត្ថុ បានយកប្រាក់ទៅប្រគល់អោយនគរបាលប៉ុស្តិ៍ កាលពីព្រឹកថ្ងៃទី៦ ខែមេសា ឆ្នាំ ២០១៩ និងបានណែនាំអោយនគរបាលប៉ុស្តិ៍ចាប់ផ្តើមរើអីវ៉ាន់ចេញចាប់ពីថ្ងៃច័ន្ទ ទី៨ ខែមេសា នេះតទៅ។
ទន្ទឹមនោះ នៅអធិការដ្ឋាន ខណ្ឌសែនសុខ ក៍បានធ្វើពិធីជប់លៀងយ៉ាងសប្បាយគគ្រឹកគគ្រេង ផងដែរ ដែលគេអះអាងថា បន្ទាប់ពីទទួលបានប្រាក់ខ្លះៗបានមកពីការលក់ស្នាក់ការប៉ុស្តិ៍ នគរបាលរដ្ឋបាលទឹកថ្លា ក្រោមរូបភាពដោះដូរ«យកឆ្នាំមាសដូរយកឆ្នាំងដី»។
ដីស្នាក់ការប៉ុស្តិ៍នគរបាលរដ្ឋបាលទឹកថ្លា នោះ ត្រូវបានគេដឹងថា ក្បាលមានទំហំប្រមាណ២៥ម៉ែត្រ គុណ៣០ម៉ែត្រ ស្ថិតនៅតាមផ្លូវ ភ្នំពេញហាណូយ ខាងជើង ស្ពានអាកាសផ្សារដីហុយ ប្រមាណជាង២០០ម៉ែត្រ ។ដីនេះ ត្រូវគេដឹងថា ជាដីត្រូវប៉ាន់នៅផ្លូវធំ មានតម្លៃ ប្រមាណជិត២លាន់ ដុល្លារ ដែល ក្រុមហ៊ុន និងអ្នកមានទ្រព្យស្តុកស្តម្ភបានព្យាយាមរកខ្សែពួររត់ការលេបត្របាក់យកជាយូរមកហើយ តែមិនបានសម្រេច ប៉ុន្តែពេលនេះត្រូវបានគេលក់បាត់ក្រោមរូមភាពដោះដូរ និងចែកគ្នាតិចតួចបិទមាត់ ។
តាមព័ត៌មានបានអោយដឹងថា ស្នាក់ការប៉ុស្តិ៍ទឹកថ្លាថ្មី មានទំហំប្រមាណ១០ម៉ែត្រគុណ២០ម៉ែត្រ មានតម្លៃ ប្រមាណ១០ម៉ឺនដុល្លារនៅក្រលៀតផ្លូវចូលប្រមាណជាង២ម៉ែត្រនិង ផ្លូវទល់ស្ថិតផ្ទះលេខ៣៣៨ផ្លូវលំភូមិចុងថ្នល់ខាងលិច សង្កាត់ទឹកថ្លា ព្រមទាំងធ្វើអាគារ អស់ប្រមាណជិត១០ម៉ឺនដុល្លារដែលសរុបប្រមាណមិនដល់២០ម៉ឺនដុល្លារនោះទេ ដែលទីតាំងចាស់តម្លៃជិត២លានដុល្លារ។
តាមព័ត៌មានអោយដឹងទៀតថា នៅព្រឹកថ្ងៃទី៦ ខែមេសា ស្នងការរង នគរបាលរាជធានីភ្នំពេញម្នាក់ក៍បានយកប្រាក់ទៅចែកជួន ដល់មន្ត្រីនគរបាល ប៉ុស្តិ៍ ចំនួន ១៥នាក់ ដែលអ្នកចាស់បានចំណែក២០០០ដុល្លារ និងអ្នកថ្មីបាន១៥០០ដុល្លារ ជាហេតុធ្វើអោយអតីតនគរបាលប៉ុស្តិ៍ទឹកថ្លា ដែលចូលនិវត្តន៍ ព្រមទាំងនគរបាល ដែលទើបតែចាក់ចេញមានប្រតិកម្មយ៉ាងខ្លាំងផង ដែរ។
តាមមន្ត្រីនគរបាលមួយរូបសូមមិនបញ្ចេញឈ្មោះ បានអោយដឹងថា ស្នាក់ការនគរបាលប៉ុស្តិ៍ទឹកថ្លា ត្រូវបានគេ រត់ការលក់តាមរយះក្រសួងមហាផ្ទៃហើយ ត្រូវគ្នា នៅក្នុងកំឡុងដើមឆ្នាំ ២០១៨ ហើយ ក៍បានរៀបចំទិញដីថ្មីនិងធ្វើស្នាក់ការថ្មី ។
តាមព័ត៌មានអោយដឹងទៀតថា កាលពីលក់ មន្ត្រីនគរបាលមួយចំនួន មិនទាន់ផ្លាស់ចេញនិងមួយចំនួន ទៀត មិនទាន់ចូលនិវត្តិន៍នោះទេ គួរ ក្រុមហ៊ុន ក៍ដូចថ្នាក់លើមើលមិនឃើញ នោះទេព្រោះពួកគាត់ បានធ្វើការ ថែរក្សានៅប៉ុស្តិ៍ ទឹកថ្លា ទាំងពីកំឡុង ឆ្នាំ ១៩៩៣មកម្ល៉េះ ពេលនេះកំពុងមុខក្រហមគ្រប់គ្នាហើយ ព្រោះចែកគ្នាអត់ស្មើភាព ។
លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានអោយដឹងនៅព្រឹកថ្ងៃទី៨ ខែមេសា នេះថា ស្នាក់ការប៉ុស្តិ៍ថ្មី ត្រូវបានគេប្រគល់អោយនគរបាលប៉ុស្តិ៍ទឹកថ្លាហើយ ត្រូវតែដូរចេញ ។
ទាក់ទិននឹងប្រាក់ ដែលបានពីការលក់ប៉ុស្តិ៍ នេះ ប្រគល់ជួនដល់មន្ត្រីនគរបាល លោកអធិការ អោយទៅសួរមេប៉ុស្តិ៍ ទឹកថ្លា តែទោះបីជាយ៉ាងណាលោក ហាក់ដូចជាពុំហ៊ាននិយាយច្រើននោះទេ ព្រោះហាទៅខ្លាចស្លាក់។
គួរបញ្ជាក់ថា ដីស្នាក់ការប៉ុស្តិ៍នគរបាលរដ្ឋបាលទឹកថា ដើមឡើយ ជាដីស្នាក់ការភូមិ ទឹកថ្លា ។ នៅកំឡុងឆ្នាំ១៩៨៩ លោកប៊ី សំហេង ដែលជាអតីតមេប៉ុស្តិ៍ទឹកថ្លា គាត់ក៍បានសុំទៅស្នាក់នៅបណ្តោះអាសន្នក្រោយមកអតីតមេប៉ុស្តិ៍ក៍បានធ្វើបញ្ជីទៅក្រសួងមហាផ្ទៃដាក់ដីនោះជាទ្រព្យសម្បត្តិក្រសួង ។ កាលនោះ លោកណុប ណន អតីតមេភូមិ ក៏បានតវ៉ា ទាមទារមកវិញបានមួយចំណែកទំហំក្បាល៥ម៉ែត្រ តែគាត់បានស្លាប់ទៅដីនោះក៍ធ្លាក់ទៅជាដីរបស់ប៉ុស្តិ៍ ទឹកថ្លារហូតមក តែពេលនេះត្រូវបានគេលក់បាត់ហើយ ចែកប្រាក់ដល់មន្ត្រីប៉ុស្តិ៍បានម្នាក់ៗចំនួន១៥០០ដុល្លារទៅ២០០០ដុល្លារ។ ចំណែកថ្នាក់លើបានច្រើនបង្កអោយផ្ទុះបាតុភាពនិងប្រតិកម្មពីអ្នកអត់បាន នៅសល់ប៉ូលិស២នាក់ទៀតដែលអវត្តមានពេលគេចែកនោះ អត់មានឈ្មោះទទួលទេ ។ ម្ល៉ោះហើយរឿងបែងចែកនេះសង្ស័យផ្ទុះដូចគ្រាប់បែកមិនខាន ៕
ចែករំលែកព័តមាននេះ