លោកហ៊ុន ម៉ាណែត ប្រគល់ផ្ទះជូនអតីតយុទ្ធជន
- បាត់ដំបង
ខេត្តបាត់ដំបង ៖ កាលពីវេលាម៉ោង១និង៤០នាទីរសៀលថ្ងៃទី៦ ខែមេសា ឆ្នាំ២០១៩ ផ្ទះទី១១៨, ទី១១៩, ទី១២០, ទី១២១, ទី១២២,…
ខេត្តបាត់ដំបង ៖ កាលពីវេលាម៉ោង១និង៤០នាទីរសៀលថ្ងៃទី៦ ខែមេសា ឆ្នាំ២០១៩ ផ្ទះទី១១៨, ទី១១៩, ទី១២០, ទី១២១, ទី១២២, ទី១២៣ និងទី១២៤ ជាអំណោយដ៏ថ្លៃថ្លារបស់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ត្រូវបានប្រគល់ជូនអតីតយុទ្ធជនចំនួន៧ខ្នងនៅក្រុងបាត់ដំបង១ខ្នង, ស្រុកសំឡូតចំនួន២ខ្នង, ស្រុកគាស់ក្រឡចំនួន២ខ្នង, ស្រុកសង្កែចំនួន១ខ្នង និងស្រុកឯកភ្នំចំនួន១ខ្នង ដោយមានលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក អគ្គលេខាធិការរង គណៈអចិន្ត្រៃយ៍ នៃគណៈកម្មាធិការកណ្តាលសមាគមអតីតយុទ្ធជនកម្ពុជា អញ្ជើញចូលរួមជាអធិបតីក្នុងពិធី ។
នៅក្នុងពិធីនោះដែរ ក៏មានការអញ្ជើញចូលរួមពីអស់លោកជាប្រតិភូអមដំណើរ, លោកឧត្តមសេនីយ៍ឯក ង៉ែត ចាន់ថុន នាយរងសេនាធិការចម្រុះនៃកងយោធពលខេមរភូមិន្ទ, លោក ណាំ ទុំ សមាជិក គណៈកម្មាធិការកណ្តាល គណបក្សប្រជាជនកម្ពុជា អនុប្រធានគណបក្សខេត្ត សមាជិក ព្រឹទ្ធសភា, លោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥, លោក ឧត្តមសេនីយ៍ទោ អ៊ុក ឃ្នួច មេបញ្ជាការ តំបន់ប្រតិបត្តិការសឹករងបាត់ដំបង ជាប្រធាន ស.អ.ក ខេត្ត, លោក កែវ ហន ក្រុមការងារចលនាមន្ត្រីរាជការចូលនិវត្ត និងអតីតយុទ្ធជន, អស់លោក ប្រធានមន្ទីរអង្គភាពជុំវិញខេត្ត ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ