លោកត្រាំដករដ្ឋមន្ត្រីសន្តិសុខផ្ទៃក្នុងចេញ
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ ប្រកាសកាលពីថ្ងៃទី៧ មេសា ពីការចាកចេញរបស់រដ្ឋមន្ត្រីសន្តិសុខផ្ទៃក្នុង លោកស្រី KIRSTJEN NIELSON ដែលនោះជាការបង្ហាញជាថ្មី…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ ប្រកាសកាលពីថ្ងៃទី៧ មេសា ពីការចាកចេញរបស់រដ្ឋមន្ត្រីសន្តិសុខផ្ទៃក្នុង លោកស្រី KIRSTJEN NIELSON ដែលនោះជាការបង្ហាញជាថ្មី…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ ប្រកាសកាលពីថ្ងៃទី៧ មេសា ពីការចាកចេញរបស់រដ្ឋមន្ត្រីសន្តិសុខផ្ទៃក្នុង លោកស្រី KIRSTJEN NIELSON ដែលនោះជាការបង្ហាញជាថ្មី ពីឆន្ទៈរបស់លោកពង្រឹងនយោបាយអន្តោប្រវេសន៍ ខណៈចំនួនជនអន្តោប្រវេសន៍លួចលាក់ ត្រូវចាប់ខ្លួននៅព្រំដែនជាមួយម៉ិកស៊ិកមានការកើនឡើង។
តាម TWITTER លោកត្រាំអះអាងកាលពីយប់ថ្ងៃទី៧ មេសាថា លោកស្រីរដ្ឋមន្ត្រីសន្តិសុខផ្ទៃក្នុង KIRSTJEN NIELSON នឹងចាកចេញពីតំណែង ហើយខ្ញុំអរគុណចំពោះបណ្ដាការងារដែលលោកស្រីធ្លាប់បានបំពេញ។ លោកបន្តថា លោកដាក់លោក KEVIN MCALEENAN ឲ្យកាន់តំណែងនោះជំនួស។ លោកKEVIN MCALEENANជាប្រមុខផ្នែកគយនិងការពារព្រំដែន ហើយសម្រាប់ពេលនេះលោកនឹងកាន់តំណែងរដ្ឋមន្ត្រីសន្តិសុខផ្ទៃក្នុងស្ដីទី។
ប្រធានាធិបតីអាមេរិក កាលពីថ្ងៃទី៥ មេសា បានទៅកាន់ព្រំដែនរវាងសហរដ្ឋអាមេរិក និងម៉ិកស៊ិក ដែលនៅទីនោះលោកចាប់ផ្ដើមសាងសង់ជញ្ជាំងព្រំដែនមួយ ដើម្បីរារាំងពួកអន្តោប្រវេសន៍ខុសច្បាប់។ លោកតែងលើកជាប់រដឹកពីភាពទន់ខ្សោយនៃច្បាប់អាមេរិក លើអន្តោប្រវេសន៍ ហើយខិតខំតស៊ូមតិក្នុងសភា ដើម្បីឲ្យទទួលបានថវិកាគ្រប់គ្រាន់កសាងជញ្ជាំងព្រំដែននោះ ដែលជាការសន្យាសំខាន់មួយ របស់លោកក្នុងអំឡុងពេលនៃការឃោសនាបោះឆ្នោតប្រធានាធិបតីរបស់លោក កាលពីឆ្នាំ២០១៦។
ប៉ូលិសព្រំដែនវាយតម្លៃថា ក្នុងខែមីនាចំនួនជនអន្តោប្រវេសន៍ដែលធ្វើដំណើរឆ្លងកាត់ម៉ិកស៊ិក មកកាន់សហរដ្ឋអាមេរិកត្រូវចាប់ខ្លួនមានជាង១០០.០០០នាក់។ ពួកនោះភាគច្រើនមានប្រភពមកពីប្រទេស៣នៅអាមេរិកកណ្ដាល គឺហុងឌូរ៉ាស់ សាល់វ៉ាឌ័រ ហ្គាតេម៉ាឡា៕
ចែករំលែកព័តមាននេះ