ស្ត្រីតែងតែមានបំណងរៀបចំឲ្យមានការថ្នាក់ថ្នមបន្ថែមទៀតក្រោយពីរួមភេទរួច ប៉ុន្តែអ្វីដែលគួរឲ្យឆ្ងល់នោះគឺបុរសច្រើនតែបោះបង់ឱកាសនេះហើយទុកស្ត្រីនៅតែម្នាក់ឯងទៅវិញ។ ស្ត្រីភាគច្រើនយល់ថា វាគឺជាសញ្ញាមួយនៃការបាត់បង់ចំណង់របស់បុរសក្នុងទំនាក់ទំនងស្នេហា។ ប៉ុន្តែមានហេតុផលបែបជីវសាស្ត្រមួយដែលថា មនុស្សប្រុសមាននិន្នាការងងុយដេកក្រោយពីរួមភេទរួច ។
ការដេកក្រោយពីរួមភេទរួចមិនមែនជាជំនឿមិនត្រឹមត្រូវឡើយ ប៉ុន្តែមានការស្រាវជ្រាវមួយដែលអះអាងថា មនុស្សប្រុសតែងតែអស់កម្លាំង និងត្រូវការដេកតែម្តងក្រោយពីរួមភេទរួច ។ អអ៊័រម៉ូន និងសារធាតុគីមីខុសៗគ្នាដែលត្រូវបានបញ្ចេញក្នុងរាងកាយក្រោយពីបាញ់ទឹកកាមរួច មាននាទីជំរុញឲ្យងងុយគេង ព្រមទាំងបន្ថយឱកាសបុរសអាចបន្តទៅតង់ទីពីរថែមទៀត។ មានសារធាតុគីមី និងអ័រម៉ូនច្រើនណាស់ដែលត្រូវបានបញ្ចេញក្រោយពីបាញ់ទឹកកាមរួចដែលធ្វើឲ្យបុរសងងុយដេក
១-ប្រូឡាក់ទីន ៖ ការសប្បាយខាងផ្លូវភេទនឹងបញ្ចេញអ៊័រម៉ូនមួយនេះ សម្រាប់ជម្រុញការងងុយដេក។ បើសិនជាអ្នកចង់ជំនះអ៊័រម៉ូនមួយនេះ អ្នកគួរតែជ្រើសរើសប្រើសារធាតុដូប៉ាមីនវិញ (Dopamine)។ ដូប៉ាមីនគឺជាសារធាតុបង្កើនអារម្មណ៍ព្រមទាំងជួយបន្ថយប្រសិទ្ធភាពរបស់ប្រូឡាក់ទីនក្នុងរៀងកាយទៀតផង។
២-អុកស៊ីតូស៊ីន ៖ អ៊័រម៉ូនស្នេហាមួយនេះក៏ត្រូវបានបញ្ចេញដែរ ព្រមទាំងជួយរាងកាយឲ្យសម្រាក។ វាធ្វើឲ្យបុរសមានអារម្មណ៍ងងុយដេកក្រោយពីទទួលបានពិសោធន៍សប្បាយខាងផ្លូវភេទរួច។
៣-វ៉ាសូប្រេសស៊ីន (Vasopressin) ៖ អ៊័រម៉ូនមួយនេះធ្វើឲ្យសរសៃឈាមតឹង និងដើរតួនាទីយ៉ាងសំខាន់ក្នុងការថែរក្សាចរន្តក្នុងរាងកាយឲ្យមានស្ថេរភាព។ អ៊័រម៉ូនមួយនេះត្រូវបានបញ្ចេញដោយផ្ទាល់ក្នុងខួរក្បាល និងមាននិន្នាការធ្វើអោយរាងកាយសម្រាក ។
៤-សារធាតុបញ្ចូនសញ្ញាសរសៃប្រសាទ៖ Serotonin, Norepinephrine និង Nitric Oxide
អ៊័រម៉ូនទាំងនេះគឺជាសារធាតុបញ្ជូនសញ្ញាសរសៃប្រសាទដ៏សំខាន់សម្រាប់ធ្វើឲ្យរាងកាយសម្រាក។ សារធាតុ Nitric Oxide ត្រូវបានបញ្ចេញទៅក្នុងលិង្គ ។
៥-លំហាត់ប្រាណលើរាងកាយ ៖ ជាទូទៅបុរសប្រើប្រាស់ថាមពលរបស់រាងកាយក្នុងពេលរួមភេទខ្លាំងជាងស្ត្រីទៅទៀត។ ដូច្នេះមនុស្សប្រុសខ្លួនឯងត្រូវតែអស់កម្លាំងច្រើនជាងមិនខាន (ប្រភពពី៖ Health.com.kh) ៕
ចែករំលែកព័តមាននេះ