រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាស្តីពីវិធានការដោះ ស្រាយបន្ទាន់ ចំពោះផលប៉ះពាល់គម្រោងខ្សែបញ្ចូន២៣០គីឡូវ៉ុល និង៥០០គីឡូវ៉ុលពីភ្នំពេញ-ព្រះសីហនុជាបន្ទាន់ ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាស្តីពីវិធានការដោះ ស្រាយបន្ទាន់ ចំពោះផលប៉ះពាល់គម្រោងខ្សែបញ្ចូន២៣០គីឡូវ៉ុល និង៥០០គីឡូវ៉ុលពីភ្នំពេញ-ព្រះសីហនុជាបន្ទាន់ ។ យោងតាមលិខិតរបស់រាជរដ្ឋាភិបាលចេញផ្សាយ នៅថ្ងៃទី០៥ ខែមេសា ឆ្នាំ២០១៩ ស្តីពីវិធានការដោះស្រាយបន្ទាន់ ចំពោះផលប៉ះពាល់គម្រោងខាងលើ បានលើកឡើងថា រាជរដ្ឋាភិបាលសង្កេតឃើញថា មានផលប៉ះពាល់ដល់គម្រោងខ្សែបញ្ជូន២៣០គីឡូវ៉ុល និង៥០០គីឡូវ៉ុល ដែលជាខ្សែបញ្ជូនអាទិភាពដែលរាជរដ្ឋាភិបាលយកចិត្តទុកដាក់យ៉ាងខ្លាំង ដើម្បីបញ្ជូលថាមពលពីប្រភពភាគខាងត្បូងមកប្រើប្រាស់ក្នុងប្រព័ន្ធបណ្តាញជាតិទាំងមូល ។
ជាពិសេសនៅក្នុងរាជធានីភ្នំពេញ ហើយត្រូវបញ្ចប់ឲ្យបានមុនចុងខែមករា ឆ្នាំ២០២០ ខាងមុខនេះ ។ ក្នុងលិខិតដែលចុះហត្ថលេខាដោយសម្តេចតេជោ ហ៊ុន សែន បានលើកឡើងថា ដោយខ្សែបញ្ជូននេះ មានបង្គោលសរុប៤២១បង្គោល ហើយបានដោះស្រាយរួចរាល់ចំនួន៣៤៩ បង្គោលនៅសល់៧១បង្គោល ដែលមានចំនួនធំជាប់ពាក់ព័ន្ធជាមួយនឹងដីរបស់បណ្តាក្រុមហ៊ុនធំៗ នឹងអ្នកមានតួនាទីក្នុងរាជរដ្ឋាភិបាលមួយចំនួន ស្ថិតនៅក្នុងភូមិ សាស្ត្រនៃរាជធានីភ្នំពេញ -ខេត្តចំនួន៤រួមមាន រាជធានីភ្នំពេញ ខេត្តកណ្តាល ខេត្តកំពង់ស្ពឺ និងខេត្តព្រះសី ហនុ ។
លិខិតបានលើកឡើងទៀតថា ដើម្បីធានាឲ្យការសាងសង់គម្រោងខ្សែបញ្ជូន២៣០គីឡូវ៉ុល និង៥០០គីឡូវ៉ុល បញ្ចប់ការសាងសង់ និងដាក់ឲ្យដំណើរការតាមផែនការរាជរដ្ឋាភិបាលសូមដាក់ចេញនូវបញ្ជាដល់ក្រសួង -ស្ថាប័នពាក់ព័ន្ធ និងអាជ្ញាធររាជធានី-ខេត្តទាំង៤ដូចជា ១- អភិបាលរាជធានីភ្នំពេញ ខេត្តកណ្តាល ខេត្តកំពង់ស្អឺ ខេត្ពព្រះសីហនុ ត្រូវធ្វើជាប្រធានដឹកនាំកាងារដោះស្រាយផលប៉ះពាល់ដោយផ្ទាល់តែម្តង ។ ២- ក្រុមការងារពិសេសថ្មីខាងលើនេះ ត្រូវបញ្ចក់ការដោះស្រាយផលប៉ះពាល់ និងប្រគល់ដីមកឲ្យក្រុមហ៊ុនសាងសង់ខ្សែបញ្ចូន២៣០គីឡូវ៉ុល និង៥០០គីឡូវ៉ុល ភ្នំពេញ ព្រះសីហនុ ក្នុងរយៈពេលប្រាំខែ ចាប់ពីពេលនេះទៅ ។
៣-ក្នុងករណីចាំបាច់អភិបាលរាជធានី -ខេត្តត្រូវប្រើវិធានការរដ្ឋបាលស្របតាមច្បាប់ស្តីពីអស្សាមិករណ៍ជាធរមាន ក្នុងករណីសំណងសមស្របមិនត្រូវបានទទួលយកដោយម្ចាស់ដី ដើម្បីធានាថា គម្រោងដែលជាប្រយោជន៍ជាតិនេះពុំត្រូវបានអូសន្លាយជាបន្ត ។ ៤- អភិបាលរាជធានី – ខេត្តទាំង៤ខាងលើត្រូវធ្វើរបាយការណ៍រៀបរាល់ខែ អំពីវឌ្ឍនភាពនៃការដោះស្រាយផលប៉ះពាល់ខាងលើមករាជរដ្ឋាភិបាល ៕
ចែករំលែកព័តមាននេះ