តាមប្រភពពីAljazeera បានឲ្យដឹងថា ក្រុមអ្នកពន្លត់អគ្គិភ័យ និងទាហានរាប់ពាន់នាក់ បានតតាំងនឹងភ្លើងកំពុងឆាបឆេះក្រហមច្រាលនៅកូរ៉េខាងត្បូង ដែលបានសម្លាប់មនុស្សម្នាក់ និងបង្ខំឱ្យមនុស្សជាង ៤០០០នាក់ ត្រូវភៀសខ្លួនចេញពីទីលំនៅឋានជាបន្ទាន់ ។…
តាមប្រភពពីAljazeera បានឲ្យដឹងថា ក្រុមអ្នកពន្លត់អគ្គិភ័យ និងទាហានរាប់ពាន់នាក់ បានតតាំងនឹងភ្លើងកំពុងឆាបឆេះក្រហមច្រាលនៅកូរ៉េខាងត្បូង ដែលបានសម្លាប់មនុស្សម្នាក់ និងបង្ខំឱ្យមនុស្សជាង ៤០០០នាក់ ត្រូវភៀសខ្លួនចេញពីទីលំនៅឋានជាបន្ទាន់ ។
អគ្គិភ័យបានឆាបឆេះ នៅក្នុងខេត្ត Gangwon (ភាគខាងកើត) កាលពីល្ងាចថ្ងៃទី០៥ មេសា នៅជិតរមណីយដ្ឋានមួយកន្លែង ។ នេះបើយោងតាមលោក Choi Jin-ho ប្រធានក្រុមពន្លត់អគ្គិភ័យនៅការិយាល័យកណ្តាលអគ្គិភ័យ Gangwon។
រដ្ឋាភិបាលបាននិយាយថា ភ្លើងបានឆេះរីករាលដាលដល់ទីក្រុង Sokcho និង Gangneung ដោយ
ដុតបំផ្លាញប្រហែល៥២៥ហិកតា ផ្ទះ ឃ្លាំង និងអគារផ្សេងៗទៀត ប្រហែល១៩៨ខ្នង ។ មនុស្សប្រហែល ២២៦៣នាក់ ត្រូវបានគេជម្លៀសចេញ និងសាលារៀនចំនួន៥២កន្លែង ត្រូវបានបិទដោយសារភ្លើងឆេះ។
រដ្ឋាភិបាលបាននិយាយថា អគ្គិភ័យនៅតំបន់ Sokcho ត្រូវបានគ្រប់គ្រង ខណៈពេលដែលភ្លើងឆេះប្រហែល៥០% នៅក្នុងតំបន់ Gangneung ត្រូវបានទប់ស្កាត់ ។ ទីភ្នាក់ងារពន្លត់អគ្គិភ័យជាតិបាននិយាយថា មានរថយន្តពន្លត់អគ្គិភ័យចំនួន៨៧២គ្រឿង និងអ្នកពន្លត់អគ្គិភ័យចំនួន៣២៥១នាក់ មកពី
ទូទាំងប្រទេស ដើម្បីមកទប់ស្កាត់ភ្លើងឆេះព្រៃ ។
ក្រសួងការពារជាតិបាននិយាយដែរថា មានទាហានជិត១៦៥០០នាក់ ឧទ្ធម្ភាគចក្រយោធា៣២គ្រឿង និង រថយន្ដយោធាចំនួន២៦គ្រឿង ត្រូវបានដាក់ពង្រាយផងដែរ ជាមួយនឹងផែនការផ្តល់អាហារដល់មនុស្ស ៦៨០០នាក់ ។
វីដេអូដែលបានបង្ហោះនៅបណ្តាញសង្គម នៅក្នុងប្រទេសកូរ៉េខាងត្បូង បានបង្ហាញនូវអណ្ដាតភ្លើងដែលមានកម្ពស់កើនឡើងពីតំបន់ធំៗ នៃព្រៃឈើ ។
មន្ត្រីពន្លត់អគ្គីភ័យម្នាក់ផ្សេងទៀតនៅ Gangwon បាននិយាយក្រៅផ្លូវការថា មានមនុស្សយ៉ាងហោចណាស់១១នាក់កំពុងតែត្រូវបានព្យាបាលរបួស ។
ចែករំលែកព័តមាននេះ