តាមប្រភពពីShanghaiist បានឱ្យដឹងថា បុរសម្នាក់ត្រូវបានបុគ្គលិកនៅព្រលានយន្តហោះឃាត់ខ្លួន ដោយសារតែបោះកាក់ប្រាក់ទៅក្នុងម៉ាស៊ីនយន្តហោះ មុនពេលធ្វើការហោះហើយ ។ គេបានឃើញបុរសម្នាក់អាយុ៣១ឆ្នាំ ត្រកូល Xia បោះកាក់ចូលទៅក្នុងម៉ាស៊ីនយន្តហោះក្រុមហ៊ុនអាកាសចរណ៍…
តាមប្រភពពីShanghaiist បានឱ្យដឹងថា បុរសម្នាក់ត្រូវបានបុគ្គលិកនៅព្រលានយន្តហោះឃាត់ខ្លួន ដោយសារតែបោះកាក់ប្រាក់ទៅក្នុងម៉ាស៊ីនយន្តហោះ មុនពេលធ្វើការហោះហើយ ។ គេបានឃើញបុរសម្នាក់អាយុ៣១ឆ្នាំ ត្រកូល Xia បោះកាក់ចូលទៅក្នុងម៉ាស៊ីនយន្តហោះក្រុមហ៊ុនអាកាសចរណ៍ Hainan ។
លោក Xia ពេលនោះត្រៀមនឹងឡើងធ្វើដំណើរជាមួយប្រពន្ធ និងកូនស្រីអាយុ៤ឆ្នាំម្នាក់ ។ ក្រោយពីការពន្យារពេលហោះហើរ៣០នាទី គេបានរកឃើញកាក់បីនៅក្នុងនោះ មុនសម្រេចចិត្តហោះហើរដោយសុវត្ថិភាពទៅកាន់ Urumqi។
នៅពេលប៉ូលិសធ្វើការសាកសួរពីមូលហេតុនៃការបោះកាក់ លោក Xia បានប្រាប់ថា លោកធ្វើតាមគំនិតរបស់ម្តាយក្មេក ដែលជឿថា វានឹងនាំមកនូវសំណាងល្អ និងសុវត្ថិភាពតាមផ្លូវហោះហើរ ។ លោក Xia បានប្រាប់ពីដំណើរដើមទងថា ពេលលោកមកដល់ព្រលានភ្លាម លោកមានកាក់មួយយន់តែមួយប៉ុណ្ណោះ។
ដោយខ្លាចសុខមិនបានច្រើនពេលធ្វើដំណើរ លោកក៏ទៅដូរលុយយកកាក់ឱ្យបានច្រើន ដើម្បីបោះចូលឱ្យបានភាពសុខសាន្តឱ្យបានកាន់តែច្រើន ។ ក្រោយមក បុរសរូបនេះត្រូវបានគេឃុំខ្លួនរយៈពេល១០ថ្ងៃ ។ គេមិនទាន់ច្បាស់នៅឡើយថា លោកត្រូវទទួលការពិន័យអ្វីបន្ថែមទៀតនោះទេ ។ តែប្រពន្ធនិងកូនស្រីរបស់លោកបានទៅ Urumqi ចោលលោកបាត់ ពេលដែលយន្តហោះនោះចេញទៅដោយសុវត្ថិភាព ។
ចែករំលែកព័តមាននេះ