ប្រទេសអុីស្រាអែល-រុស្ស៊ី ៖ រុស្ស៊ីប្រកាសកាលពីថ្ងៃទី៤មេសាថា កងទ័ពរបស់ខ្លួនបានរកឃើញក្នុងប្រទេសស៊ីរី សាកសពទាហានអុីស្រាអែលម្នាក់ ដែលបាត់ខ្លួនចាប់តាំងពីឆ្នាំ១៩៨២មក ក្នុងសង្គ្រាមនៅលីបង់ហើយប្រគល់ឲ្យអីុស្រាអែល ដែលយកទៅបញ្ចុះខណៈសល់ពេលប៉ុន្មានថ្ងៃទៀតដល់ការបោះឆ្នោតសភា ដែលនាយករដ្ឋមន្ត្រីលោកបេនចាមីននេតាន់យ៉ាហ៊ូ កំពុងស្ថិតក្នុងស្ថានភាពលំបាក។
ទីភ្នាក់ងារព័ត៌មានស៊ីរីSANAរាយការណ៍ថា ក្រុងដាម៉ាស់ពុំមានព័ត៌មានណាមួយពីការរកឃើញសាកសពទាហានអុីស្រាអែលនោះឡើយ។ ដោយទទួលនាយករដ្ឋមន្ត្រីអុីស្រាអែល នៅវិមានក្រឹមឡាំង ប្រធានាធិបតីរុស្ស៊ីលោកវ្ល៉ាឌីមៀរពូទីន បានលើកពីអាថ៌កំបាំងនៃប្រតិបត្តិរុករកនោះដោយថា អាចរកឃើញសាកសពទាហានរូបនេះ ដែលមានឈ្មោះថា ZACHARY BAUMEL ជាមេបញ្ជាការកងរថក្រោះមួយ ដែលបាត់ខ្លួនរវាងថ្ងៃទី១០មក១១មិថុនាឆ្នាំ១៩៨២ ក្នុងសង្គ្រាមនៅលីបង់។ លោកពូទីនថាសាកសពរបស់ទាហាននោះស្ថិតនៅប្រប្រទេសយើង ហើយយើងនឹងបញ្ជូនទៅកាន់អុីស្រាអែល។
យោងតាមអាជ្ញាធរអុីស្រាអែលថាបានដឹង ពីការរកឃើញសាកសពទាហានរូបនោះចាប់តាំងពីច្រើនថ្ងៃមកហើយ រួចសពរបស់គេដាក់ក្នុងមឈូសមួយគ្របទង់ជាតិអុីស្រាអែល។ មឈូសសពនោះត្រូវបានប្រគល់កាលពីថ្ងៃទី៤មេសា ក្នុងពិធីមួយដែលរៀបចំធ្វើនៅក្រសួងការពារប្រទេសរុស្ស៊ី ដោយមានវត្តមានរបស់លោកនេតាន់យ៉ាហ៊ូ និងនាយសេនាធិការកងទ័ពរុស្សុី លោកវ៉ាឡេរីហ្គេរ៉ាស់ស៊ីម៉ូវ៕
ចែករំលែកព័តមាននេះ