ការញៀននឹងការរួមភេទអាចជារឿងពិបាកសម្គាល់អាការៈរបស់វាខាងក្រៅណាស់។ការញៀនភាគច្រើនអាចនឹងមើលមិនឃើញតាមរយៈអាកប្បកិរិយារបស់មនុស្សទេ ហើយក៏អាចនឹងមិនអាចឲ្យប្តីប្រពន្ធ ឬដៃគូ និងសមាជិកគ្រួសារដឹងថែមទៀត។ ប៉ុន្តែ ពេលខ្លះ អាការៈរបស់វាអាចនឹងសម្គាល់ដឹងបានដែរ។ មនុស្សម្នាក់ដែលអាចគិតថាញៀននឹងការរួមភេទទំនងជាបង្ហាញអាការៈខាងក្រៅដូចខាងក្រោមនេះ៖
១-មានការគិត និងស្រមៃអំពីការរួមភេទជ្រាំដែលៗ ឬរ៉ាំរ៉ៃ
២- មានទំនាក់ទំនងស្នេហាជាមួយដៃគូច្រើននាក់ដោយរួមភេទទាំងមនុស្សចម្លែកផងដែរ
៣- ចេះតែរកវិធីកុហកដើម្បីលាក់បាំងភាពញៀនរបស់ពួកគេ
៤- ចេះតែចង់បានការរួមភេទ ទោះបីជាសកម្មភាពនោះរំខានដល់ជីវិតប្រចាំថ្ងៃ ការងារ ឬធ្វើអ្វីមួយផ្លូវការក៏ដោយ
៥- មិនអាចឈប់ ឬគ្រប់គ្រងអាកប្បកិរិយាខ្លួនឯងបាន
៦- ធ្វើឲ្យខ្លួនឯង ឬអ្នកដទៃស្ថិតក្នុងសភាពគ្រោះថ្នាក់ដោយសារតែសកម្មភាពផ្លូវភេទរបស់ខ្លួន
៧- អាចនឹងមានបទល្មើសរួមភេទជាញឹកញាប់
៨- មានអារម្មណ៍ថាខ្លួនឯងមានកំហុសក្រោយពីរួមភេទរួច
៩-មានផលវិបាកផ្ទាល់ខ្លួនបែបអវិជ្ជមានច្រើនថែមទៀត។
ការញៀននឹងការរួមភេទអាចជារឿងមួយពិបាកកំណត់រោគវិនិច្ឆ័យណាស់។ យកល្អគួរតែចាំថា ការរីករាយនឹងសកម្មភាពផ្លូវភេទមិនមែនធ្វើឲ្យមនុស្សម្នាក់ញៀនឡើយ តែគឺជារឿងធម្មតា។ ពេលខ្លះ ការចាប់អារម្មណ៍ខាងផ្លូវភេទប្រហែលអាចជារឿងមិនត្រូវគ្នារវាងដៃគូស្នេហាម្នាក់ៗ ប៉ុន្តែមិនមែនមានន័យថាជាការញៀននឹងការរួមភេទឡើយ។ (អាន:ថ្នាំងងុយគេង ពេលអ្នកគួរប្រើ)
ជាធម្មតា ការញៀននឹងការរួមភេទគឺជាមនុស្សម្នាក់ដែលតែងតែត្រូវការធ្វើសកម្មភាពផ្លូវភេទជាប់ និងមិនអាចគ្រប់គ្រងវាបាន។ និយាយរួម ចំណង់ផ្លូវភេទរបស់អ្នកជំងឺបែបនេះ គឺមិនចេះគ្រប់គ្រាន់ឡើយ ហើយ តែងតែចង់បន្ថែមជាប់រហូត៕ (ប្រភពពី៖ Health.com.kh)
ចែករំលែកព័តមាននេះ