តាមប្រភពពីMetroបានឱ្យដឹងថា ប្រទេសអង់គ្លេស អាមេរិក អាល្លឺម៉ង់ និងបារាំង សុទ្ធតែស្នើសុំឱ្យ
ប្រ៊ុយណេដកច្បាប់ចេញ លើការចេញច្បាប់ដាក់ទោសមនុស្សស្រឡាញ់ភេទដូចគ្នា ដោយគប់ដុំថ្មរហូតដល់ស្លាប់ ។ ច្បាប់នេះ គឺមានឥទ្ធិពលទៅលើក្មេងៗ និងជនបរទេសផងដែរ ។ បើទោះបីជាពួកគេមិនមែនជាអ្នកគោរពសាសនាមូស្ល៊ីមក៏ដោយ ពោលគឺឱ្យតែដឹងថា មានការរួមភេទលើភេទដូចគ្នា គឺត្រូវតែស្លាប់ ដោយការគប់ដុំថ្ម ។ គេក៏បានចេញច្បាប់មួយទៀត សម្រាប់ចោរដែលលួចរបស់ផងដែរ ។
ប្រសិនបើគេចាប់បានចោរ គេនឹងចាប់កាត់ដៃខាងស្តាំ ចំពោះការលួចលើកទីមួយ ។ ប្រសិនបើគេចាប់បានលើកទីពីរ គេនឹងចាប់កាត់ជើងខាងឆ្វេង ។ ការដាក់ទោសបែបនេះ ត្រូវបានយកមកអនុវត្តនៅក្រោមមាត្រារបស់ច្បាប់ Shariah។
វាត្រូវបានអនុម័តនៅឆ្នាំ២០១៤ សម្រាប់ប្រើប្រាស់ទៅលើប្រជាជន ក្នុងប្រទេសដែលមាន៤៣០ពាន់នាក់ ដែលមាន២ភាគ៣ គឺជាអ្នកកាន់សាសនាមូស្លីម ។ ខណៈពេលនេះ គេមិនទាន់ឃើញមានការប្រឆាំងចំពោះការចេញច្បាប់នេះនៅឡើយទេ ដោយសារតែវាពិតជាកម្រយ៉ាងខ្លាំង ចំពោះការបញ្ចេញមតិផ្ទុយនឹងអ្នកដឹកនាំប្រទេស ។
លោក Phil Robertson នាយករងអង្គការឃ្លាំមើលសិទ្ធិមនុស្សប្រចាំអាស៊ី បានអំពាវនាវដល់ជនជាតិស៊ុលតង់ ឱ្យផ្អាកជាបន្ទាន់នូវការកាត់ផ្តាច់ការគប់ដុំថ្មនិងសិទ្ធិដទៃទៀត ដោយរំលោភបំពានបទប្បញ្ញត្តិនិងការផ្តន្ទាទោស ។ លោកបានលើកឡើងថា «ក្រមព្រហ្មទណ្ឌថ្មីរបស់ប្រ៊ុយណេគឺជាទង្វើដ៏ព្រៃផ្សៃដល់កំពូល ដោយដាក់ទោសទៅលើអ្វីដែលមិនគួរជាទង្វើព្រហ្មទណ្ឌ» ។
ចែករំលែកព័តមាននេះ