២-៣ថ្ងៃទៅហើយ​ខ្សែភ្លើងរញ៉េរញ៉ៃ​ពេញផ្លូវ​ តើពលរដ្ឋមានអារម្មណ៍បែបណា​? (មានវីដេអូ​)


រាជធានីភ្នំពេញ ៖ តាមសេចក្តីរាយការណ៍​បឋម​បាន​ឱ្យ​ដឹង​ថា មានករណី​ទុស្សេខ្សែភ្លើងនេះកើតឡើង​រយៈពេល​២ទៅ៣ថ្ងៃ​មកហើយ ត្រូវបាន​មន្ត្រីអគ្គិសនី​ចុះ​មក​​កាត់ខ្សែ​ភ្លើង​ និង​ខ្សែកាបទម្លាក់ពេញផ្លូវ ​ធ្វើ​ឱ្យ​អ្នក​ដំណើរដែល​បើកបរនៅ​តាម​ដងផ្លូវ​បើក​ទៅ​ទាក់​ខ្សែភ្លើងដែ​លព័ទ្ធជុំវិញ​​បង្គោលភ្លើងថ្ម និងបង្គោលភ្លើង​គោម​បំភ្លឺ​ផ្លូវ​ បណ្តាលឱ្យ​បង្គោលភ្លើងគោម​បំភ្លឺផ្លូវ​បាក់​ទ្រេត​អស​់​មួយដើម និងបង្ក​ឱ្យ​មានការ​ស្ទះចរាចរណ៍នៅលើ​ដង​ផ្លូវ ​ត្រង់​ចំណុច​ខាងជើង​រោង​ចក្រ QMI ក្នុ​ងភូមិត្រពាំង​ពោ សង្កាត់​ចោមចៅ៣ ខណ្ឌពោធិ៍សែន
ជ័យ​។

បើ​តាម​អាជ្ញាធរមូលដ្ឋាន​បាន​ឱ្យ​ដឹង​ថា កាលពី​វេលាយប់រំលងអធ្រាត្រ​ថ្ងៃទី​​២ មេសា មានករណីទុស្សេខ្សែភ្លើង​បណ្តាល​ឱ្យ​ដាច់ចរន្តអគ្គិសនី ខណៈ​នោះ​ត្រូវបាន​មន្ត្រីអគ្គិសនី​បានចុះមក​កន្លែងកើតហេតុ​ដើម្បីកាត់ខ្សែភ្លើង ខ្សែកាប និង​បណ្តាញខ្សែភ្លើង​ផ្សេងៗទៀតដែលព័ទ្ធជុំវិញបង្គោលភ្លើង និង​បង្គោល​ភ្លើងគោម​បំភ្លឺផ្លូវ​នោះ​ ​ធ្វើ​​ឱ្យខ្សែភ្លើង​​ធ្លាក់​រាយប៉ាយ​រញ៉េរញ៉ៃនៅតាម​ដងផ្លូវ​ទុកចោល​អស់រយៈពេល២ទៅ​៣ថ្ងៃមក​ហើយ ជាហេតុ​ធ្វើ​ឱ្យ​អ្នក​ដំណើរបើកបរ​មកទាក់​ ហើយ​កាលពីវេលាយប់មិញ​មានរថយន្ត​កុងតឺន័របើកមកទាក់ខ្សែភ្លើងបណ្តាល​ឱ្យ​ទាញ​ទាំង​បង្គោលភ្លើងគោមបំភ្លឺផ្លវបាក់ទ្រេត​អស់​មួយដើម​ ។

តាម​ប្រភពដដែលបាន​បន្ត​ថា ដោយ​ឡែក នៅព្រឹកថ្ងៃទី​​​៥ មេសា នេះ ពេលធ្វើ​ដំណើរ​តាមផ្លូវត្រង់​ចំណុ​ចខាងលើគេសង្កេតឃើញ​​មានការ​​កកស្ទះចរាចរណ៍​ដោយសារ​ខ្សែភ្លើង​ធ្លាក់​រាយប៉ាយ​រញ៉េរញ៉ៃ​នៅ​តាម​ផ្លូវ ។​

បើ​តាមអាជ្ញាធរ​មូលដ្ឋាន​បាន​ឱ្យ​​ដឹងទៀត​​ថា ពាក់ព័ន្ធនឹងករណីខ្សែភ្លើង​ធ្លាក់រាយប៉ាយ​​រញ៉េរញ៉ៃ​នៅ​តាម​ដងផ្លូវ​ខាងលើនោះ គឺ​ពួកគាត់​ពុំ​​មានលទ្ធភាពរៀបចំខ្សែ​ភ្លើង​​ឱ្យ​មាន​សណ្តាប់ធ្នាប់​នោះទេ ព្រោះខ្លាចមានគ្រោះថ្នាក់ដោយសារចរន្តអគ្គិសនី​ គឺមានតែ​សំណូមពរ​ដល់មន្ត្រីអគ្គិសនី​ក៏ដូចជា​មន្ត្រី​ពាក់ព័ន្ធ​ចុះមក​រៀបចំខ្សែភ្លើង​ ដើម្បី​ឱ្យ​មាន​សណ្តាប់ធ្នាប់​ឡើងវិញ កុំ​ទុក​ឱ្យនៅ​ធ្លាក់​រាយប៉ាយនៅ​តាម​ដងផ្លូវដែល​​អាចបង្ក​ឱ្យកើតមានគ្រោះថ្នាក់​ផ្សេងៗជា​យថាហេតុ​ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕​

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ