ប្រទេសបួគីណាហ្វាសូ ៖ រដ្ឋមន្ត្រីគ្រប់គ្រងដែនដីរបស់បួគីណាហ្វាសូ លោកSIMEON SAWADOGO ប្រកាសតាមទូរទស្សន៍កាលពីថ្ងៃទី៣មេសាថា រវាងពីថ្ងៃទី៣១មីនាមកថ្ងៃទី២មេសា ឃុំមួយនាភាគខាងជើងប្រទេសគឺឃុំអាប៊ីដាជិតព្រំដែនម៉ាលី មានផ្ទុះអំពើហិង្សា២ប្រភេទ ដោយមួយប្រភេទការវាយប្រប្រហាររបស់ពួកជីហាដ ហើយមួយប្រភេទទៀតការប៉ះទង្គិចបង្ហូរឈាមគ្នារវាងបណ្ដាសហគមន៍ ដែលបណ្ដាលឲ្យមនុស្សស្លាប់យ៉ាងតិច៦២នាក់។
រដ្ឋមន្ត្រីរូបនោះរៀបរាប់ថា មានមនុស្សស្លាប់៦២នាក់ ដោយ៣២នាក់មកពីការវាយប្រហារភេរវកម្ម ហើយ៣០នាក់ដោយសារជម្លោះសហគមន៍ដែលសងសឹកគ្នា រវាងសហគមន៍KOUROUMBA សហគមន៍ PEULS និងMOSSIS ។ល។
ដែលផ្ដើមមកពីពួកជនប្រដាប់អាវុធលុកចូលភូមិមួយ ហើយសម្លាប់មេដឹកនាំសាសនាឃុំ កូនប្រុសគេម្នាក់និងក្មួយប្រុសម្នាក់។ ពួកជីហាដបានដេញតាមពួកអ្នកវាយប្រហារ ហើយប្រព្រឹត្តការសម្លាប់មនុស្ស។ ការវាយប្រហារនោះបន្ទាប់មកនាំឲ្យផ្ទុះការប៉ះទង្គិចគ្នា ក្នុងផ្ទៃសហគមន៍នានានៅឃុំអាប៊ីដា ព្រមទាំងការសងសឹកគ្នា៕
ចែករំលែកព័តមាននេះ