ប្រទេសអង់គ្លេស ៖ បណ្ដាសមាជិកសភាអង់គ្លេសកាលពីយប់ថ្ងៃទី៣មេសា បានអនុម័តសំណើច្បាប់មួយ ដែលសំដៅចាប់បង្ខំនាយករដ្ឋមន្ត្រីលោកស្រីTHERESA MAY ពន្យារពេលBREXIT ដើម្បីចៀសវាងការចាកចេញពីសហភាពអឺរ៉ុបដោយគ្មានកិច្ចព្រៀង ខណៈលោកស្រីMAYខិតខំស្វែងរកការសម្របសម្រួលគ្នាមួយជាមួយពួកប្រឆាំង។ សំណើច្បាប់នោះត្រូវបានអនុម័តដោយ៣១៣សំឡេងគាំទ្រនិង៣១២សំឡេងប្រឆាំង…
ប្រទេសអង់គ្លេស ៖ បណ្ដាសមាជិកសភាអង់គ្លេសកាលពីយប់ថ្ងៃទី៣មេសា បានអនុម័តសំណើច្បាប់មួយ ដែលសំដៅចាប់បង្ខំនាយករដ្ឋមន្ត្រីលោកស្រីTHERESA MAY ពន្យារពេលBREXIT ដើម្បីចៀសវាងការចាកចេញពីសហភាពអឺរ៉ុបដោយគ្មានកិច្ចព្រៀង ខណៈលោកស្រីMAYខិតខំស្វែងរកការសម្របសម្រួលគ្នាមួយជាមួយពួកប្រឆាំង។
សំណើច្បាប់នោះត្រូវបានអនុម័តដោយ៣១៣សំឡេងគាំទ្រនិង៣១២សំឡេងប្រឆាំង ត្រូវបានលើកឡើង ដោយលោកស្រីYVETTE COOPERសមាជិកាសភានៃគណបក្សការងារ ដែលពន្យល់ថា នោះគឹដើម្បីរារាំងការចាកចេញដែលច្របូកច្របល់ នាំឲ្យមានការខូតខាតច្រើនដល់សហភាពអឹរ៉ុប។
សំណើច្បាប់នោះមានគោលបំណងចាប់បង្ខំលោកស្រី MAY ឲ្យពន្យារពេលBREXITហួសពីកាលបរិច្ឆេទកំណត់ថ្ងៃទី១២មេសា ប្រសិនបើបណ្ដាសមាជិកសភាអង់គ្លេសមិនអាចឈានទៅសម្រេចបានកិច្ចព្រមព្រៀង ដែលអង់គ្លេសត្រូវចាកចេញពីសហភាពអឺរ៉ុបតាមរបៀបណា។ សំណើច្បាប់នោះនៅត្រូវឆ្លងកាត់ព្រឺទ្ធសភា ដែលនឹងពិនិត្យវានាថ្ងៃទី៥មីនា។ បន្ទាប់មកទៀតសំណើពន្យារពេលនៅត្រូវអនុម័តដោយបណ្ដាមេដឹកនាំសហភាពអឺរ៉ុប៕
ចែករំលែកព័តមាននេះ