ឆ្នាំនេះសង្ក្រាន្តសមុទ្រខេត្តព្រះសីហនុនឹងសប្បាយរីករាយ
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ឆ្នាំនេះខេត្តព្រះសីហនុនឹងរៀបចំសង្ក្រាន្ត ដើម្បីទាក់ទាញ និងទទួលភ្ញៀវទេសចរណ៍ ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ឆ្នាំនេះខេត្តព្រះសីហនុនឹងរៀបចំសង្ក្រាន្ត ដើម្បីទាក់ទាញ និងទទួលភ្ញៀវទេសចរណ៍ ។ សម្តេចតេជោបានសរសេរលើបណ្តាញសង្គមនៅថ្ងៃទី០៤ មេសានេះ ថា ខេត្តព្រះសីហនុសព្វថ្ងៃកំពុងទាក់ទាញភ្ញៀវទេសចរណ៍យ៉ាងច្រើន ទាំងភ្ញៀវជាតិ និងអន្តរជាតិ ព្រោះមានឆ្នេរសមុទ្រធម្មជាតិស្រស់ស្អាត ។
សម្តេចបន្តថា បច្ចុប្បន្ននេះការធ្វើដំណើរពីខេត្តមួយទៅខេត្តមួយក៏កាន់តែងាយស្រួល ដោយសារផ្លូវថ្នល់ និងស្ពានរបស់យើងធំទូលាយល្អ ។ សម្តេចបញ្ជាក់ថា«នៅពេលចូលឆ្នាំខាងមុខនេះខេត្តព្រះសីហនុនឹងមានរៀបចំសង្ក្រាន្តសមុទ្រចាប់ពីថ្ងៃទី១៤-១៦មេសា ដើម្បីអបអរសាទរពិធីបុណ្យចូលឆ្នាំថ្មី សង្ឃឹមថា បងប្អូននឹងទៅកម្សាន្តនៅទីនេះច្រើនជាមិនខាន»។
ទន្ទឹមនឹងនេះដែរសម្តេចក៏បានអំពាវនាវកុំឲ្យបងប្អូនអាជីវករ ជាពិសេសផ្ទះសំណាក់ និងសណ្ឋាគារសុំកុំតម្លើងថ្លៃ ដើម្បីបងប្អូនប្រជាពលរដ្ឋមានឱកាសបានមកស្នាក់នៅកម្សាន្ត និងប្រើប្រាស់សេវាកម្មនៅទីនេះបានដូចធម្មតា ៕
ចែករំលែកព័តមាននេះ