រាជធានីភ្នំពេញ៖ សម្តេច តេជោ ហ៊ុនសែន នាយករដ្ឋមន្ត្រីបានបានសម្តែងក្តីសង្ឃឹមថាសម្រាប់ចញលឆ្នាំប្រពៃណីជាតិខ្មែរដែលនឹងចូលមកដល់នៅពេលខាងមុខនេះ ប្រជាពលរដ្ឋនឹងធ្វើដំណើរកម្សាន្តសប្បាយទាំងក្នុង និងក្រៅប្រទេសច្រើន។ សម្តេចតេជោបានសរសេលើកបណ្តាញសង្គមសម្តេចផ្ទាល់ថ្ងៃទី០៤ ខែមេសាយ៉ាងដូច្នេះថា” សុខសប្បាយជាទេបងប្អូនជនរួមជាតិ?។…
រាជធានីភ្នំពេញ៖ សម្តេច តេជោ ហ៊ុនសែន នាយករដ្ឋមន្ត្រីបានបានសម្តែងក្តីសង្ឃឹមថាសម្រាប់ចញលឆ្នាំប្រពៃណីជាតិខ្មែរដែលនឹងចូលមកដល់នៅពេលខាងមុខនេះ ប្រជាពលរដ្ឋនឹងធ្វើដំណើរកម្សាន្តសប្បាយទាំងក្នុង និងក្រៅប្រទេសច្រើន។ សម្តេចតេជោបានសរសេលើកបណ្តាញសង្គមសម្តេចផ្ទាល់ថ្ងៃទី០៤ ខែមេសាយ៉ាងដូច្នេះថា” សុខសប្បាយជាទេបងប្អូនជនរួមជាតិ?។
ក្រោយពីឆេងម៉េងហើយ ចូលឆ្នាំខ្មែរក៏នឹងមកដល់ឆាប់ៗខាងមុខនេះ។ សង្ឃឹមថាឆ្នាំនេះបងប្អូនមានជម្រើសច្រើនសម្រាប់ដំណើរកំសាន្តទាំងក្នុងនិងក្រៅប្រទេស ព្រោះប្រទេសជាតិមានសុបនខសន្តិភាព បងប្អូនអាចធ្វើដំណើរទៅទីជិតឆ្ងាយដោយគ្មានការព្រួយបារម្ភអ្វីទាំងអស់”។ សម្តេចបញ្ជាក់ថា”ចំពោះខ្ញុំ គឺរវល់នឹងការងារប្រទេសជាតិដូចសព្វមួយដង។ ទោះមិនមកជួបភ្ញៀវនៅវិមានរដ្ឋាភិបាល ក៏មានកម្មវិធីជួបភ្ញៀវនៅផ្ទះជាប្រចាំ។ រីឯការពិនិត្យលើឯកសារក្រដាសស្នាមការងារក្រសួងមន្ទីរវិញ គឺមានជារៀងរាល់ថ្ងៃ”។ ជាមួយគ្នានោះដែរសម្តេចតេជោក៏បានឲ្យដឹងថានៅល្ងាចថ្ងៃទី ៤ មេសា នេះខ្ញុំនឹងហូបបាយសាមគ្គីជាមួយបងប្អូនកីឡាករកីឡាការិនីនៅកោះពេជ្រ ដែលធ្វើក្នុង១ឆ្នាំម្តងៗ។
សូមជូនពរបងប្អូនជនរួមជាតិជួបតែសេចក្តីសុខ និងមានសំណាងល្អក្នុងឆ្នាំថ្មីនេះ។ សុំអរគុណដែលបងប្អូនបានជូនពរខ្ញុំនៅក្នុងថ្ងៃទី០៤ មេសា នេះ៕
ចែករំលែកព័តមាននេះ