ប្រទេសម៉ាឡេស៊ី ៖ ទីក្រុងជាប់មាត់សមុទ្រ PENANG ម៉ាឡេស៊ី កាលពីថ្ងៃទី២ មេសា ជួបប្រទះនឹងប្រមោយទឹកកួចឡើងលើដ៏ចម្លែកមួយ រយៈពេលដល់ទៅ៤០នាទី ដោយប្រជាជននាំគ្នាមើលនិងថតបាតុភូតដ៏កម្រនេះ ដែលធ្លាប់កើតមាន នៅទីក្រុងPENANGរួចហើយកាលពីឆ្នាំ២០១៧។
បាតុភូតឧតុនិយមនោះកើតឡើងពេលលក្ខណៈធាតុអាកាសប្រែប្រួល ហើយខ្យល់ត្រជាក់បក់ពីលើខ្យល់ក្ដៅ។ វាកកើតជាខ្យល់កួចទឹកឡើងលើមួយក្នុងសមុទ្រ រួចរំកិលមកមាត់ច្រាំងនិងរលាយបាត់ទៅវិញពេលប៉ះដី ព្រោះអស់ទឹកកួច។ នៅក្បែរប្រមោយទឹកនោះ ខ្យល់ដែលកួចមានល្បឿនដល់ទៅ១២០គីឡូម៉ែត្រក្នុងមួយម៉ោង តែក៏បាត់ទៅវិញភ្លាមៗពេលដល់មាត់ច្រាំង។
យោងតាមសារព័ត៌មាននានាថា ក្នុងបាតុភូតនោះ ពុំមានមនុស្សណាម្នាក់រងរបួសឡើយ តែផ្ទះមួយចំនួនរងការខូតខាត។ ប្រមោយទឹកកួចនោះបានរំកិលមកមុខរហូតដល់អគារខ្ពស់ៗជាប់មាត់សមុទ្រ មុនពេលវារលាយបាត់ទៅវិញ៕ ប្រភពវីដេអូ ៖ Keraunos
ចែករំលែកព័តមាននេះ