ខេត្តព្រះសីហនុ ៖ ក្នុងគោលបំណងរួមសម្រួលដល់ការនាំចេញផលិតផលកសិកម្មកម្ពុជា រួមមាន្ម្ទេចឈើអាកាស្យា ដីឡូមីស្ងួត និងឆ្លើយតបជាពិសេសទៅនឹងយុទ្ធសាស្ត្រពង្រីកទីផ្សារសម្រាប់ការនាំចេញអង្កររបស់រាជរដ្ឋាភិបាលកម្ពុជានិងសេវាភស្តុភាកម្មសម្រាប់ការរុករកប្រេងក្នុងដែនសមុទ្រកម្ពុជាក៍ដូចជាសម្រាប់ការរីកចំរើនសេដ្ឋកិច្ចរបស់ប្រទេសកម្ពុជាជប៉ុនបានផ្តល់កម្ចីហិរញ្ញប្បទានអភិវឌ្ឍផ្លូវការចំនួន៧១៧៦លានយ៉េនសម្រាប់អភិវឌ្ឍចំណតផែពហុបំណងក្រុងព្រះសីហនុ។
តាមអង្គការJICAបានឲ្យដឹងថាជំនួយនេះមានបំណងកែលម្អសមត្ថភាពកំពង់ផែស្វយ័តក្រុងព្រះសីហនុដែលជាកំពុងផែសមុទ្រទឹកជ្រៅតែមួយគត់របស់កម្ពុជា តាមរយៈការសាងសង់ចំណតផែពហុបំណង រួមមានចំណតផែទូទៅនិងចំណតផែប្រេងនិងការអភិវឌ្ឍហេដ្ឋារចនាសម្ព័ន្ធចំណតផែផ្សេងៗទៀត។លទ្ធផលរំពឹងទុកចំណតផែពហុបំណងនេះនឹងអាចដោះស្រាយបញ្ហាចំពោះការកើនឡើងចំនួនកុងតេន័រឆ្លងកាត់ប្រមាណ៧០០,០០០TEUsក្នុងមួយឆ្នាំនិងអាចឲ្យនាវាចំណុះ៥០,០០០តោនចូលចតបាន។
បន្ទាប់ពីបានបញ្ចប់ការសាងសង់នាខែសីហាឆ្នាំ២០១៨ចំនួនទំនិញឆ្លងកាត់បានកើនឡើង២២.០៨%កុងតេន័រឆ្លងកាត់កើនឡើងពី១៧.៧០%និងនាវាឆ្លងកាត់បានកើនឡើង១១.៩០%ប្រៀបធៀបនឹងឆ្នាំ២០១៧។ មិន តែប៉ុណ្ណោះចំណូលរបស់កំពង់ផែស្វយ័តខេត្តព្រះសីហនុក្នុងត្រីមាសទី៤ឆ្នាំ២០១៨បានកើនឡើង២០.០៥%ប្រៀបធៀបត្រីមាសទី៤ឆ្នាំ២០១៧ ហើយប្រាក់ចំណេញរបស់កំពង់ផែស្វយ័តក្រុងព្រះសីហនុក្នុងត្រីមាសទី៤ឆ្នាំ២០១៨បានកើនឡើង៤៤,៤៨% ប្រៀបធៀបត្រីមាសទី៤ឆ្នាំ២០១៧។
កំពង់ផែស្វយ័តក្រុងព្រះសីហនុគឺជាផែសមុទ្រទឹកជ្រៅតែមួយគត់ក្នុងប្រទេសកម្ពុជាស្ថិតនៅក្នុងខេត្តព្រះសីហនុ ដែលជាច្រកសេដ្ឋកិច្ចភាគខាងត្បូងរាជធានីភ្នំពេញនិងខេត្តព្រះសីហនុ។តំបន់មាត់សមុទ្រត្រូវបានអភិវឌ្ឍជាលំដាប់និងក្លាយជាតំបន់ឧស្សាហកម្ម ដែលបាននាំមកនូវផលវិជ្ជមានជាច្រើន សម្រាប់ការអភិវឌ្ឍឧស្សាហកម្មនិងសេដ្ឋកិច្ចប្រទេសកម្ពុជា។ ដើម្បីជំរុញកម្លាំងអភិវឌ្ឍនេះទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA)បានផ្តល់ហិរញ្ញប្បទានអភិវឌ្ឍផ្លូវការសម្រាប់គម្រោងស្តារឡើងវិញបន្ទាន់កំពង់ផែស្វយ័តក្រុងព្រះសីហនុនៅឆ្នាំ១៩៩៩និងគម្រោងពង្រីកបន្ទាន់កំពង់ផែស្វយ័តក្រុងព្រះសីហនុនៅឆ្នាំ២០០៤ក្នុងគោលបំណងលើកកម្ពស់ដំណើរទំនិញឆ្លងកាត់កំពង់ផែនេះ។
បច្ចុប្បន្នចំណតទំនិញទូទៅរបស់កំពង់ផែស្វយ័តក្រុងព្រះសីហនុមិនអាចបំពេញតម្រូវការដែលបានកំពុងកើនឡើងឥតឈប់ឈរនោះទេ ជាពិសេសទំនិញប្រភេទកម្ទេចឈើ អង្ករ និងធ្យូងថ្ម។ រោងចក្រផលិតក្រដាសជាច្រើនបានចាប់ផ្តើមដំណើរការឬកំពុងត្រៀមរៀបចំដំណើរការផលិតផលផលិតចេញពីកម្ទេចឈើ ដោយសារកត្តាអំណោយផលប្រភេទដីនិងស្ថានភាពអាកាសធាតុសម្រាប់ដើមឈើ (ឧទាហរណ៍ ដើមអាកាសស្យា)ក្នុងប្រទេសកម្ពុជា។ បរិមាណផលិតកម្មប្រភេទនេះនឹងកើនឡើងជាលំដាប់នាពេលអនាគត។អង្គការJICAបានលើកឡើងថារាជរដ្ឋា ភិបាលកម្ពុជាបានដាក់ចេញនូវគោលនយោបាយ លើកម្ពស់ផលិតកម្មស្រូវ និងការនាំចេញអង្គរនៅថ្ងៃទី២៥ខែកក្កដាឆ្នាំ២០១០ ដែលរំពឹងថានឹងនាំអង្ករចេញអង្ករ២.៨៩លានតោនក្នុងមួយឆ្នាំ។ កំពង់ផែស្វយ័តខេត្តព្រះសីហនុនឹងដើរតួនាទីយ៉ាងសំខាន់ក្នុងជំរុញការនាំអង្ករចេញ។
ទន្ទឹមនឹងនេះកន្លែងរក្សាស្តុកទុកប្រេងនិងឧស្ម័នក៍អាចមានទីតាំងនៅជិតកំពង់ផែគឺមានភាពចាំបាច់នាពេលអនាគត។ ហេតុផលទាំងនេះទើបតម្រូវឲ្យមានការសាងសង់ចំណតផែពហុបំណងក្រុងព្រះសីហនុ។យោងតាមកាលៈទេសៈខាងលើJICAបានពិនិត្យលទ្ធភាពសម្រាប់គម្រោងអភិវឌ្ឍចំណតផែពហុបំណងក្រុងព្រះសីហនុស្ថិតក្របខណ្ឌជំនួយពិសេសរបស់អង្គការJICAនៅឆ្នាំ២០០៩ដោយផ្អែកទស្សនៈចាំបាច់និងការយកចិត្តផ្នែកសេដ្ឋកិច្ចនិងហិរញ្ញវត្ថុ។ លោកថៃ ឬទ្ធី អនុប្រធានកំពង់ផែស្វយ័តខេត្តព្រះសីហនុបានថ្លែងថាផែនេះមានតួនាទីសំខាន់ក្នុងការលើកដាក់ទំនិញនិងសម្រាប់អោយនាវាចេញចូលទំនិញទូទៅ។ លោកថាក្នុងឆ្នាំ២០១៩នេះមាននាវាដឹកទំនិញទូទៅដែក សម្ភារៈសំណង់ ធ្យូងថ្ម និងសម្ភារៈនានាមកកាន់ទីនេះ ខណៈពេលដែលការសាងសង់នៅកម្ពុជាមានការកើនឡើងនិងមានតម្រូវការយ៉ាងខ្លាំង។
លោកបន្តថា៖ប្រសិនបើគ្មានកំពង់ផែពហុបំណងទេ យើងមិនបម្រើឲ្យសេចក្តីត្រូវការនិងមានការកកស្ទះ។ផែនេះកំពុងនេះមានជម្រៅទឹក១៣ម៉ែត្រអាចអនុញ្ញាតឲ្យនាវាធំៗដឹកទំនិញចំណុះបី៤ទៅ៥ម៉ឺនតោនចូលចត។លោកសង្ឃឹមថានៅពេលនាវាធំៗចូលចតនៅទីនេះការដឹកជញ្ជូនតាមសមុទ្រអាចចុះថោក។លោកថាបើសិនជាប្រើតែកំពង់ផែមានជម្រៅទឹក៩ម៉ែត្រដូច្នេះមានតែនាវាប្រមាណ១៨%នៅអាស៊ីអាចចួលចតបានតែប៉ុណ្ណោះ។
លោកបន្តថាពេលនេះយើងដោះស្រាយបញ្ហាបានដោយអនុញ្ញាតឲ្យនាវាធំៗចូលចតនៅកំពង់ផែពហុបំណងដែលបានដាក់សម្ពោធឲ្យប្រើប្រាស់កាលពីខែមិថុនា ឆ្នាំ២០១៦។កំពង់ពហុបំណងនេះមានទំហំជាង៥០០ម៉ែត្រមុខកាត់។កប៉ាល់កុងតេន័រចូលចតប្រមាណ១៣ក្នុងមួយសប្តាហ៍(ផែពហុបំណង)និងនាវាទំនិញទូទៅនិងនាវាទេសចរណ៍ចូលចតបាន។ សមត្ថភាពសេដ្ឋកិច្ចមានការកើនឡើងក៍ដូចកំណើនវិស័យ សេដ្ឋកិច្ច។ដោយមានការជួយដល់ពីជប៉ុនការកសាងផែនេះ៕
ចែករំលែកព័តមាននេះ