ខេត្តកំពង់ធំ ៖ បុរសម្នាក់ខឹងម្តាយរបស់ខ្លួនក៏ចង.ក ធ្វើអត្តឃាតសម្លាប់ខ្លួនឯងបានបង្កការភ្ញាក់ផ្អើលកាលពីព្រឹកថ្ងៃទី០៣ ខែមេសា ឆ្នាំ២០១៩ ស្ថិតនៅក្នុងចំការស្វាយចន្ទី ក្នុងភូមិផ្ដៀក ឃុំផាន់ញើម ស្រុកប្រាសាទបល្ល័ង្ក…
ខេត្តកំពង់ធំ ៖ បុរសម្នាក់ខឹងម្តាយរបស់ខ្លួនក៏ចង.ក ធ្វើអត្តឃាតសម្លាប់ខ្លួនឯងបានបង្កការភ្ញាក់ផ្អើលកាលពីព្រឹកថ្ងៃទី០៣ ខែមេសា ឆ្នាំ២០១៩ ស្ថិតនៅក្នុងចំការស្វាយចន្ទី ក្នុងភូមិផ្ដៀក ឃុំផាន់ញើម ស្រុកប្រាសាទបល្ល័ង្ក ខេត្តកំពង់ធំ ។
សមត្ថកិច្ចប្រាប់ថា សពជនរងគ្រោះឈ្មោះ យឺ យ៉ាង ភេទប្រុស អាយុ២២ឆ្នាំ បើយោងតាមការបំភ្លឺរបស់ឈ្មោះ ទេព សាន់ ភេទស្រី អាយុ៥៨ឆ្នាំ ត្រូវជាម្ដាយបង្កើតរបស់សពប្រាប់ថា កូនរបស់គាត់ធ្លាប់បានប៉ងធ្វើអត្តឃាតចង.ក សម្លាប់ខ្លួនរួចម្ដងមកហើយ តែត្រូវបានបងប្អូនក្នុងភូមិជួយទាន់ ហើយគាត់ក៏បាននាំកូនទៅស្រោចទឹកកាត់គ្រោះចេញ និងបានចូលស្តីដណ្ដឹងប្រពន្ធឲ្យវារួចហើយថា នឹងរៀបការឲ្យវានៅឆ្នាំក្រោយ តែវាបានសុំខ្ញុំរៀបការក្នុងឆ្នាំនេះ តែគាត់មិនយល់ព្រមតាមវាទេ ដោយលើកហេតុផលថា ឆ្នាំនេះមិនសូវល្អ ហើយក៏មិនទាន់មានប្រាក់គ្រប់គ្រាន់ទៀតផង ។
នៅមុនពេលកើតហេតុ កាលពីថ្ងៃទី០២ ខែមេសា ឆ្នាំ២០១៩ ក្មួយៗរបស់គាត់បានវិលត្រឡប់មកពីធ្វើការនៅឯប្រទេសថៃវិញក៏បាននាំគ្នាទិញស្រាមកផឹក កូនរបស់គាត់ក៏បានចូលរួមផឹក និងគេដែរ រហូតដល់ម៉ោងប្រហែល២១យប់ ពួកគេនៅមិនទាន់ឈប់ផឹកទៀតគាត់ក៏ឡើងលើផ្ទះដេកមុនបាត់ទៅលុះព្រឹកឡើងថ្ងៃទី០៣ មេសានេះ ស្រាប់តែមានបងប្អូនក្នុងភូមិមកប្រាប់គាត់ថា ពួកគេឃើញកូនប្រុសគាត់បានចង.ក និងដើមស្វាយចន្ទីខាងត្បូងផ្ទះចម្ងាយប្រហែល១៥០ម៉ែត្រស្លាប់បាត់ទៅហើយ មិនដឹងស្លាប់តាំងពីពេលណានោះទេ លឺដូច្នេះគាត់ និងបងប្អូនក្នុងភូមិឯទៀតបាននាំគ្នាទៅមើល ហើយក៏ស្រាយចំណងទម្លាក់សពមកដី និងកាប់រំលំដើមចន្ទីនោះចោលយកសពមកផ្ទះ ។
ក្រោយទទួលបានព័ត៌មាននេះ កម្លាំងជំនាញនគរបាលស្រុក និងប៉ុស្ដិ៍នគរបាលផាន់ញើម អាជ្ញាធរឃុំបានចុះដល់កន្លែងកើតហេតុ និងពិនិត្យសពឃើញថា តាមការស្រាវជ្រាវ ពិនិត្យវិភាគកន្លែងកើតហេតុ យើងសន្និដ្ឋានបានថា ការស្លាប់នេះពិតជាស្លាប់ដោយសារធ្វើអត្តឃាតចង.ក ដោយខ្លួនឯងប្រាកដមែន ។ មូលហេតុស្រវឹងស្រា ខឹងនឹងម្ដាយក្ររៀបការប្រពន្ធឲ្យ ក្រោយមកសពបានប្រគល់ជូនក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ