ប្រទេសតួកគី ៖ គណបក្សរបស់ប្រធានាធិបតីតួកគីលោករីស៊ីបតៃយ៉ីបអ័រដូហ្គាន កាលពីថ្ងៃទី២មេសា បានធ្វើការតវ៉ាជាផ្លូវការចំពោះលទ្ធផលនៃការបោះឆ្នោតក្រុង នៅក្រុងអុីស្តង់ប៊ុលនិងក្រុងអង់ការ៉ា ជាទីក្រុងធំ២ដែលតាមលទ្ធផលបណ្ដោះអាសន្នថា គណបក្សប្រឆាំងជាអ្នកឈ្នះ។ បណ្ដាអ្នកទទួលខុសត្រូវរបស់គណបក្សយុត្តិធម៌និងការអភិវឌ្ឍន៍ AKP…
ប្រទេសតួកគី ៖ គណបក្សរបស់ប្រធានាធិបតីតួកគីលោករីស៊ីបតៃយ៉ីបអ័រដូហ្គាន កាលពីថ្ងៃទី២មេសា បានធ្វើការតវ៉ាជាផ្លូវការចំពោះលទ្ធផលនៃការបោះឆ្នោតក្រុង នៅក្រុងអុីស្តង់ប៊ុលនិងក្រុងអង់ការ៉ា ជាទីក្រុងធំ២ដែលតាមលទ្ធផលបណ្ដោះអាសន្នថា គណបក្សប្រឆាំងជាអ្នកឈ្នះ។
បណ្ដាអ្នកទទួលខុសត្រូវរបស់គណបក្សយុត្តិធម៌និងការអភិវឌ្ឍន៍ AKP របស់ប្រធានាធិបតីគូសបញ្ជាក់ថា បានដាក់ការតវ៉ាដល់អាជ្ញាធរបោះឆ្នោត ដោយអះអាងពីការកត់សម្គាល់ឃើញភាពមិនប្រក្រតីជាក់ស្ដែងនានា ។
យោងតាមលទ្ធផលបណ្ដោះអាសន្ននៃការបោះឆ្នោតក្រុង ដែលប្រព្រឹត្តទៅកាលពីថ្ងៃទី៣១មីនា ពេលប្រទេសកំពុងជួបប្រទះការលំបាកនានាខាងសេដ្ឋកិច្ចថា ប្លុកពួកប្រឆាំងនៃគណបក្សសាធារណរដ្ឋរបស់ប្រជាជន CHP និងគណបក្ស BON PARTI ស្ដាំនិយមដណ្ដើមបានជ័យជម្នះ នៅក្រុងអង់ការ៉ានិងក្រុងអុីស្តង់ប៊ុល។ នោះជាការវាយបកមួយសម្រាប់លោកអ័រដូហ្គាន។
បេក្ខជនអភិបាលក្រុងអីុស្តង់ប៊ុលខាងក្រុមប្រឆាំង លោកEKREM IMAMOGLU ទទួលបានសំឡេងនាំមុខ៤៨,៧៩% ទល់នឹង៤៨,៥២% សម្រាប់បេក្ខជនរបស់គណបក្សAKP លោកBINALI YILDIRIM។ នេះជាលទ្ធផលមិនផ្លូវការចេញផ្សាយកាលពីថ្ងៃទី២មេសា។ ចំណែកនៅក្រុងអង់ការ៉ាបេក្ខជនរបស់គណបក្សប្រឆាំង លោកMANSUR YAVASទទួលបានសំឡេងនាំមុខ៥០,៩៣% ទល់នឹង៤៧,១២%សម្រាប់បេក្ខជនគណបក្ស AKP ។
ប្រសិនបើលទ្ធផលនោះត្រូវបានអះអាង ការបាត់បង់ក្រុងអង់ការ៉ានិងក្រុងអីុស្តង់ប៊ុល ជាទីក្រុងត្រួតត្រា ចាប់តាំងពី២៥ឆ្នាំមកហើយ ដោយគណបក្សAKP តំណាងឲ្យបរាជ័យដ៏ធ្ងន់មួយសម្រាប់លោកអ័រដូហ្គាន ដែលបានដុតដៃដុតជើងខ្លាំងក្នុងយុទ្ធនាការឃោសនាដើម្បីឲ្យគណបក្សលោកដណ្ដើមបានជោគជ័យ៕
ចែករំលែកព័តមាននេះ