រាជធានីភ្នំពេញ ៖ សេចក្តីរាយការណ៍បន្តឱ្យដឹងថា ក្រោយពីចៅក្រមស៊ើបសួរលើករណីលោកផែង វណ្ណៈ រួចហើយនោះ ក៏សម្រេចចេញដីកាបង្គាប់ឱ្យនាំខ្លួនលោកទៅឃុំនៅពន្ធនាគារព្រៃស នៅម៉ោងជិត១រសៀលថ្ងៃទី០៣ មេសា នេះ ដោយជាប់ចោទ២បទល្មើស«ញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបរិហារកេរ្តិ៍ជាសាធារណៈ» ។
សេចក្តីរាយការណ៍បន្តថា ពាក់ពន្ធ័បទល្មើសញុះញង់ឱ្យប្រព្រឹត្តបទឧក្រិដ្ឋជាអាទិ៍ គឺមានមាត្រា៤៩៤ និង៤៩៥នៃក្រមព្រហ្មទណ្ឌ «កំណត់ការផ្តន្ទាទោសដាក់ពន្ធនាគាររយៈពេលពី៦ខែ ទៅ២ឆ្នាំ និងពិន័យជាប្រាក់ពី១លានរៀល ទៅ៤លានរៀល» ។ ដោយឡែក បទល្មើសបរិហារកេរ្តិ៍ជាសាធារណៈ គឺតាមមាត្រា៣០៥នៃក្រមព្រហ្មទណ្ឌកំណត់ពិន័យជាប្រាក់ពី១សែនរៀលទៅ១០លានរៀល ។
ស្របពេលគ្នានោះដែរ បានឮលោកផែង វណ្ណៈ ប្រាប់ទៅក្រុមគ្រួសារនិងសាច់ញាតិដែលទៅសួរសុខទុក្ខនៅសាលាដំបូង មុនពេលសមត្ថកិច្ចនាំទៅឃុំខ្លួននោះថា «កម្មវិធីខួបកំណើតចៅលើកដំបូង គឺត្រូវផ្អាកចោលទាំងស្រុង ដោយមូលហេតុម្ចាស់កម្មវិធី(ជីតា)ត្រូវជាប់ពន្ធនាគារ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ