តើអ្នកទទួលទានភេសជ្ជៈប៉ូវកម្លាំង ធ្លាប់ធ្វើតេស្តឈាមមើលជាតិស្ករដែរឬទេ? តើអ្នកមានដឹងថាមាន អ្នកទទួលទានភេសជ្ជៈប៉ូវកម្លាំងច្រើន កើតជំងឺទឹកនោមផ្អែមដែរឬទេ?
ភេសជ្ជៈប៉ួវកម្លាំងកំពុងតែវាយលុកយ៉ាងខ្លាំងនៅក្នុងទីផ្សារកម្ពុជា ។ នៅពេលដែលវាបានធ្វើអោយមនុស្សជាច្រើនមានកម្លាំងភ្លាមៗ បន្ទាប់ពីបានផឹកវានោះ វានឹងធ្វើអោយប៉ះពាល់ដល់សុខភាព ច្រើននៅពេលអនាគតជាពិេសសការកើតជំងឺទឹកនោមផ្អែម។
ឯកសារផ្លូវការមួយរបស់ក្រសួងសុខភាភិបាលដែលកោះសន្តិភាពទទួលបាននោះឱ្យដឹងថា មានមនុស្សជាង៦ម៉ឺននាក់ បានមកពិគ្រោះជំងឺទឹកនោមផ្អែម កាលពីឆ្នាំ២០១៨នៅតាមពេទ្យរដ្ឋ ។
ចំនួនអ្នកកើតជំងឺទឹកនោមផ្អែម អាចនឹងច្រើនជាងនេះដោយសារអ្នកខ្លះ មិនបានពិិនិត្យនិងអ្នកខ្លះទៀតពិនិត្យតាមគ្លីនិកនិងមន្ទីរពេទ្យឯកជន ។
ហេតុផលសំខាន់មួយ នៅពីក្រោយការកើតជំងឺទឹកនោមផ្អែម គឺការបរិភោគអាហារផ្អែមពេកនិងមិនសូវធ្វើសកម្មភាពរាងកាយ ។
អ្នកជំនាញនិយាយថា ភេសជ្ជៈប៉ូវកម្លាំង ដែលសម្បូរជាតិស្ករ និងកាហ្វេអុីនក៏អាចជាមូលហេតុមួយសម្រាប់ការកើតជំងឺទឹមផ្អែម និងបញ្ហាសុខភាពផ្សេងទៀតដែរ។
គ្រូពេទ្យព្រមានថា គេមិនត្រូវផឹកភេសជ្ជៈប៉ូវកម្លាំងច្រើនពេកទេ បើសិនជាមិនចង់មានបញ្ហាសុខភាព និងការកើតជំងឺទឹកនោមផ្អែមនៅពេលអនាគត ។
ចែករំលែកព័តមាននេះ