រាជធានីភ្នំពេញ ៖ កម្លាំងនគរបាលកម្លាំងផ្នែកសណ្តាប់ធ្នាប់ចរាចរណ៍ និងកម្លាំងនគរបាលផ្នែកអន្តរាគមន៍នៃអធិការដ្ឋានខណ្ឌដង្កោបានធ្វើការឃាត់ខ្លួនជនសង្ស័យជាអ្នកជួញដូរគ្រឿងញៀន២នាក់ ព្រមទាំងដកហូតបានថ្នាំញៀន១កញ្ចប់ ក្នុងខណៈពេលសមត្ថកិច្ចដាក់គោលដៅត្រួតពិនិត្យច្បាប់ចរាចរណ៍ផ្លូវគោក ។ ការចាប់ខ្លួននោះបានធ្វើឡើងកាលពីវេលាម៉ោង២និង៣០នាទីរសៀលថ្ងៃទី១ ខែមេសា ឆ្នាំ២០១៩…
រាជធានីភ្នំពេញ ៖ កម្លាំងនគរបាលកម្លាំងផ្នែកសណ្តាប់ធ្នាប់ចរាចរណ៍ និងកម្លាំងនគរបាលផ្នែកអន្តរាគមន៍នៃអធិការដ្ឋានខណ្ឌដង្កោបានធ្វើការឃាត់ខ្លួនជនសង្ស័យជាអ្នកជួញដូរគ្រឿងញៀន២នាក់ ព្រមទាំងដកហូតបានថ្នាំញៀន១កញ្ចប់ ក្នុងខណៈពេលសមត្ថកិច្ចដាក់គោលដៅត្រួតពិនិត្យច្បាប់ចរាចរណ៍ផ្លូវគោក ។
ការចាប់ខ្លួននោះបានធ្វើឡើងកាលពីវេលាម៉ោង២និង៣០នាទីរសៀលថ្ងៃទី១ ខែមេសា ឆ្នាំ២០១៩ នៅតាមផ្លូវ២១៧ ត្រង់ចំណុចមុខឃ្លាំងការ៉ូ ស្ថិតនៅក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
ជនសង្ស័យទាំង២នាក់ ក្នុងនោះម្នាក់ឈ្មោះ ជួង វិសាល ភេទប្រុស អាយុ២៥ឆ្នាំ មុខរបរកម្មកររោងចក្រ មានទីលំនៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ និងម្នាក់ទៀតឈ្មោះ សុខ សុភាព ភេទប្រុស អាយុ២៥ឆ្នាំ មុខរបរមិនពិតប្រាកដ មានទីលំនៅភូមិស្រុកធំ ឃុំជើងកើប ស្រុកកណ្ដាលស្ទឹង ខេត្តកណ្ដាល ។ កម្លាំងនគរបាលដកហូតវត្ថុតាងរួមមាន ម្សៅក្រាមពណ៌សថ្លាសង្ស័យថាជាថ្នាំញៀន១កញ្ចប់តូច និងម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ភ្នំពេញ ១HP-៨០៦៩។
លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោបានប្រាប់ឲ្យដឹងថា កាលពីវេលាម៉ោង២រសៀលថ្ងៃទី១ ខែមេសា ឆ្នាំ២០១៩ កម្លាំងផ្នែកសណ្តាប់ធ្នាប់ចរាចរណ៍ ដឹកនាំដោយលោកអនុសេនីយ៍ឯក ម៉ាង សំរិទ្ធ និងកម្លាំងផ្នែកអន្តរាគមន៍ លោកអនុសេនីយ៍ត្រី សុន សុភ័ណ្ឌ បានដាក់គោលដៅត្រួតពិនិត្យច្បាប់ចរាចរណ៍នៅ ត្រង់ចំណុចមុខឃ្លាំងការ៉ូខាងលើ។
លោកអធិការនគរបាលខណ្ឌដង្កោបានបន្តថា លុះដល់វេលាម៉ោង២និង៣០នាទីរសៀលថ្ងៃដដែល ក៏ស្រាប់តែឃើញជនសង្ស័យទាំង២នាក់ខាងលើនោះជិះម៉ូតូមួយគ្រឿងមកដល់ចំណុចគោលដៅត្រួតពិនិត្យចរាចរខាងលើ ដោយមានការសង្ស័យ កម្លាំងនគរបាលខាងលើក៏បានឃាត់ឲ្យឈប់ និងធ្វើការត្រួតពិនិត្យឆែកឆេររកឃើញម្សៅក្រាមពណ៍សថ្លាសង្ស័យជាថ្នាំញៀនចំនួន១កញ្ចប់ ហើយពេលនោះជនសង្ស័យឈ្មោះ ជួង វិសាល បានទម្លាក់ចោលទៅលើដី ទើបកម្លាំងសមត្ថកិច្ចបាននាំខ្លួនជនសង្ស័យទាំង២នាក់ រួមនឹងវត្ថុតាងយកទៅធ្វើការសាកសួរនៅអធិការនគរបាលខណ្ឌដង្កោតាមនីតិវិធីតែម្ដង៕
ចែករំលែកព័តមាននេះ