ចម្លើយសារភាពក្រុមឃាតករ ករណីសម្លា.ប់ស្ត្រីភេ.ទទី៣ និងអ្នករត់តាក់ស៊ី យកសពញាត់ចូលលូ នៅព្រែកលៀប
- ភ្នំពេញ
រាជធានីភ្នំពេញ ៖ ឃាតករដែល រិតកនិងវាយសម្លាប់ស្ត្រីភេទទី៣និងអ្នករត់តាក់ស៊ីយកទៅកប់រួមគ្នានៅព្រែកលៀបត្រូវបានកម្លាំងនគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញបង្ហាញមុខជាសាធារណៈនៅព្រឹកថ្ងៃទី៣ ខែមិថុនាឆ្នាំ២០២៦។ គួររំលឹកថា ឃាត់ខ្លួនជនជាតិចិន ៤នាក់ ពាក់ព័ន្ធករណីឃា.តកម្មសម្លា.ប់ស្ត្រីភេ.ទទី៣ និងអ្នករត់តាក់ស៊ី យកស.ពទៅញាត់ក្នុងលូ នៅជ្រោយចង្វា
ឃាតកម្មដ៍សាហាវនេះជាករណីចាប់ជំរិតទាប្រាក់មិនបានសម្រេចគឺ សង្ស័យជាជនជាតិចិននិងខ្មែរចំនួន ៤នាក់ដែលត្រូវបានចាប់ខ្លួនបានចាប់ជនរងគ្រោះទាំងពីរនាក់យកទៅឲ្យជនជាតិភូមាចំនួន ៤នាក់នៅផ្ទះមេខ្លោងនៅព្រែកលៀប។នេះបើតាមចម្លើយសារភាពរបស់ជនសង្ស័យចំនួន ៤នាក់ដែលត្រូវចាប់ខ្លួន។
ករណីចាប់ជំរិតទារប្រាក់ និងអំពើឃាតកម្ម គិតទុកជាមុន នេះបានប្រព្រឹត្តនៅចំណុចផ្ទះសំណាក់១៦៨D ផ្លូវបេតុង ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញកាលពីថ្ងៃទី២៣ ខែឧសភា ឆ្នាំ២០២៦ វេលាម៉ោង២៣ និង ៣០ នាទីយប់។
ជនសង្ស័យដែលបង្ហាញមុខ ១-ឈ្មោះ សុខា ដានី ភេទប្រុស អាយុ២៧ឆ្នាំជនជាតិ ខ្មែរ,២-ឈ្មោះ យុន គឹមហ៊ន ភេទប្រុស អាយុ៤០ឆ្នាំ ជនជាតិខ្មែរ ,៣-ឈ្មោះ WONG YENLONG ភេទប្រុសអាយុ៣១ ជនជាតិចិន និង៤-ឈ្មោះ YU WEIMING ភេទប្រុស អាយុ២៦ ជនជាតិចិន ។ចំណែកជនរងគ្រោះ១-ឈ្មោះ តាំង សុីម៉េង ហៅឡីឡីភេទប្រុស (ភេទទីបីកែទៅស្រីរួច) អាយុ៣៥ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន ស្នាក់នៅ ភូមិ៦ សង្កាត់អូរឫស្សីទី២ ខណ្ឌ៧មករា រាជធានីភ្នំពេញ និង២-ឈ្មោះ អែម គីមស្រ៊ុន ភេទប្រុស អាយុ ៣៨ឆ្នាំ ជនជាតិខ្មែរ បុខរបរ បេីកបររថយន្តតាក់សុី ស្នាក់នៅភូមិជ្រោយអំពិល សង្កាត់ក្បាលកោះ ខណ្ឌ ច្បារអំពៅ រាជធានីភ្នំពេញ ។
លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាលបានឲ្យដឹងថាដោយមានបទបញ្ជាពីឯកឧត្តម ឧត្តមសេនីយ៍ឯក ជួន ណារិន្ទអគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ,និងមានការដឹកនាំបញ្ជាផ្ទាល់ លោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារនគរបាលព្រហ្មទណ្ឌ និងបញ្ហាដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកំរិតស្រាល នៅថ្ងៃទី ០១ ខែមិថុនា ឆ្នាំ២០២៦វេលាម៉ោង ១៥និង១០នាទី រសៀល ការិយាល័យព្រហ្ម កំរិតស្រាលបាន សហការជាមួយកម្លាំងនៃអធិការដ្ឋាននគរបាលខណ្ឌ ច្បារអំពៅ បានស្រាវជ្រាវឈានទៅឃាត់ខ្លួនជនសង្ស័យជាបន្តបន្ទាប់ចំនួន ០៤នាក់រួមនិងវត្ថុតាង។ ក្រោយការឃាត់ខ្លួនជនសង្ស័យទាំង ០៤ នាក់ខាងលើ បានឆ្លើយសារ ភាព ពួកខ្លួនបានចាប់ជនរងគ្រោះទាំងពីរខាងលើ មកប្រគល់ឲ្យជនជាតិ ភូមា ០៤ នាក់ នៅចំណុចផ្ទះគ្មានលេខ ផ្លូវបេតុង ភូមិបាក់ខែង សង្កាត់ព្រែក លៀប ខណ្ឌជ្រោយចង្វារ រាជធានីភ្នំពេញ ។
បន្ទាប់ពីមានចម្លើយសារភាពរបស់ជនសង្ស័យខាងលើ ការិយាល័យ បានសហការជាមួយខណ្ឌ ច្បារអំពៅ និងខណ្ឌជ្រោយចង្វារ បាន រកឃើញសាកសពជនរងគ្រោះទាំងពីរខាងលើ កប់ក្នុងរណ្តៅលូ មានចាក់បេតុងពី នៅចំណុចផ្ទះគ្មានលេខ ផ្លូវបេតុង ភូមិបាក់ ខែង សង្កាត់ព្រែលៀប ខណ្ឌជ្រោយចង្វារ រាជធានីភ្នំពេញ របស់មេក្លោងឈ្មោះ លី វ៉ៃតា ភេទប្រុស ឆ្នាំកំណើត ១៩៨៣ សញ្ជាតិ ខ្មែរ (គេចខ្លួន)។
គួបញ្ជាក់ថា ស្ត្រីភេទទី៣និងជាបុគ្គលិកខារ៉ាអូខេនិងអ្នករត់តាក់ស៊ី ត្រូវបានឃាតករ រិតកចងដៃ ចងជើង និងវាយសម្លាប់ហើយយកសពទៅកប់រួមគ្នា នៅក្នុងដីឡូតិ៍មួយកន្លែងនៅសង្កាត់ព្រែកលៀប ដោយចាក់បេតុងពីលើហើយ យករថយន្តទៅប្លង់ចោលនៅព្រែកឯក ខណ្ឌច្បារអំពៅ។
ឃាតកម្មដ៏ព្រៃផ្សៃនេះបង្កឲ្យមានការភ្ញាក់ផ្អើលនៅវេលា រសៀល ថ្ងៃ០១ ខែមិថុនា ឆ្នាំ២០២៦នៅចំណុចដីឡូតិ៍គ្មានលេខ តាមផ្លូវបេតុងក្បែរស្ពានលេខ៤ក្នុងភូមិបាក់ខែង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញហើយសមត្ថកិច្ច គាស់សពត្រួតពិនិត្យទាំងយប់។ការឈានទៅរកឃើញសាកសពជនរងគ្រោះពីរនាក់បន្ទាប់ពីសមត្ថកិច្ចនគរបាលការិយាល័យព្រហ្មទណ្ឌ នៃស្នងការនគរបាលរាជធានីភ្នំពេញស្រាវជ្រាវឃាត់ខ្លួនបានជនសង្ស័យជាជនជាតិចិននិងខ្មែរចំនួន ៤នាក់។ បន្ទាប់ពីភ្ញាក់ផ្អើលសមត្ថកិច្ចក៏បានគាស់យកសាកសពត្រួតពិនិត្យ។
តាមការត្រួតពិនិត្យសមត្ថកិច្ច រកឃើញពូថៅដងឈើ១,ដំបងដែកវាយកូនបាល់១,ស្លាបព្រាបៀកស៊ីម៉ង់ត៍១,ថង់កៅស៊ូសថ្លា,ខ្សែភ្លើង និងជ័ររិតដែលបានកប់ជាមួយសពជនរងគ្រោះនៅក្នុងរណ្ដៅអណ្ដូងលូដោយចាក់បេតុងពីលើ។
តាមការពិនិត្យ សាកសពឈ្មោះ អែម គឹមស្រ៊ុន ភេទប្រុសមានស្នាមរបួសដាច់រយះនៅកន្លាក់ជើងខាងឆ្វេង ជំរៅដល់ឆ្អឹង ដាច់សសៃឈាម។
ចំណែកសាកសពឈ្មោះតាំង ស៊ីម៉េង ហៅឡីឡីភេទស្រី (ប្រុសកែភេទស្រី) ត្រូវឃាតករ យកខ្សែភ្លើងចងព័ទ្ធជុំវិញ ក,កំភួនដៃខាងឆ្វេងនិងជើងទាំង២ ចងរិតខ្សែជ័រ។
បន្ទាប់ពីត្រួតពិនិត្យយ៉ាងល្អិតល្អន់លោក ឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមតុលាការរាជធានីភ្នំពេញបានសន្និដ្ឋានបានថា សាកសពឈ្មោះ អែម គឹមស្រ៊ុន ភេទប្រុស ស្លាប់ដោយ របួសកាប់ដាច់សសៃឈាមទាំងអស់នៅកន្លាក់ជើងខាងឆ្វេង និងសាកសពឈ្មោះ តាំង ស៊ីម៉េង ភេទស្រី (ប្រុសកែភេទស្រី) ស្លាប់ដោយ រិត ក សម្លាប់ ជាករណីឃាតកម្ម។
បច្ចុប្បន្នជនសង្ស័យខាងលើត្រូវបានកម្លាំងការិយាល័យព្រហ្មទណ្ឌកំរិតស្រាល កំពុងស្រាវជ្រាវ រកបក្ខពួកសេសសល់ និងកសាងសំណុំរឿងតាមនិតិវិធី ៕
ចែករំលែកព័តមាននេះ