ខេត្តបន្ទាយមានជ័យ ៖ កម្លាំងនគរបាលប៉ុស្តិ៍សង្កែនៃវរសេនាតូចការពារព្រំដែនគោកលេខ៨១៥ ចំនួន២នាក់ បានដើរល្បាតតាមខ្សែបន្ទាត់ព្រំដែនក្នុងភូមិសាស្ត្រ ស្រាប់តែប្រទះឃើញជនសង្ស័យចំនួន២នាក់កំពុងបណ្តើរម៉ូតូ១គ្រឿង ម៉ាកវ៉េវ ពណ៌ខ្មៅ ឆ្លងដែនពីប្រទេសថៃចូលមកក្នុងទឹកដីខ្មែរ ដោយមានការសង្ស័យក៏ចាប់ឃាត់ខ្លួនកាលពីវេលាម៉ោង១និង៣០នាទីថ្ងៃទី៣១…
ខេត្តបន្ទាយមានជ័យ ៖ កម្លាំងនគរបាលប៉ុស្តិ៍សង្កែនៃវរសេនាតូចការពារព្រំដែនគោកលេខ៨១៥ ចំនួន២នាក់ បានដើរល្បាតតាមខ្សែបន្ទាត់ព្រំដែនក្នុងភូមិសាស្ត្រ ស្រាប់តែប្រទះឃើញជនសង្ស័យចំនួន២នាក់កំពុងបណ្តើរម៉ូតូ១គ្រឿង ម៉ាកវ៉េវ ពណ៌ខ្មៅ ឆ្លងដែនពីប្រទេសថៃចូលមកក្នុងទឹកដីខ្មែរ ដោយមានការសង្ស័យក៏ចាប់ឃាត់ខ្លួនកាលពីវេលាម៉ោង១និង៣០នាទីថ្ងៃទី៣១ ខែមីនា ឆ្នាំ២០១៩ ត្រង់ចំនុចភូមិភ្នំរូង ឃុំបឹងបេង ស្រុក្រម៉ាឡៃ ខេត្តបន្ទាយមានជយ័ ។
លោកវរសេនីយ៍ឯក សួង សៅ មេបញ្ជាការ នគរបាលការពារព្រំដែនគោកលេខ៨១៥ បានឲ្យដឹង ថា ជនសង្ស័យទាំង២នាក់ខាងលើ ក្នុងនោះម្នាក់ឈ្មោះដួង រដ្ឋា ភេទប្រុស អាយុ២៧ ឆ្នាំ រស់នៅភូមិអូរចោទ ឃុំស្រុកភ្នំព្រឹក ខេត្តបាត់ដំបង និងម្នាក់ទៀតឈ្មោះពេជ្រ ខ្យង ភេទប្រុស អាយុ១៩ឆ្នាំ រស់នៅភូមិម្កាក់ ឃុំម្កាក់ ក្រុងសេរីសោភ័ណ ខេត្តបន្ទាយមានជយ័។
លោកមេបញ្ជាការបានបន្តថា មុនពេលចាប់ឃាត់ខ្លួនជនសង្ស័យទាំង២នាក់នេះ គឺកម្លាំងនគរបាល ប៉ុស្តិ៍សង្កែបានដើរល្បាតតាមខ្សែបន្ទាត់ព្រំដែនក្នុងភូមិសាស្ត្រដែលខ្លួនទទួលខុសត្រូវ ក៏ប្រទះឃើញជនសង្ស័យទាំង២នាក់កំពុងតែបណ្តើរម៉ូតូ១គ្រឿងម៉ាកវ៉េវ ពណ៌ខ្មៅ-ស ស៊េរីឆ្នាំ២០១៨ ឆ្លងដែនពីប្រទេសថៃ ចូលមកខ្មែរ ដោយមានការសង្ស័យក៏ឃាត់សួរនាំ និងឆែកឆេររកឃើញម៉ូតូបាក់សោ.ក និងរកឃើញសោសម្រាប់កាច់កម៉ូតូចំនួន១៣មុខ និងទូរស័ព្ទដៃមួយគ្រឿង ។
ក្រោយពីឃាត់ខ្លួននិងធ្វើការសាកសួរ ជនសង្ស័យបានសារភាពថា ពួកគេពិតជាបានលួចកាច់សោ.ក យកម៉ូតូពីដីថៃប្រាកដមែន ។ ក្រោយពីទទួលបានចម្លើយសារភាព និងមានវត្ថុតាងខាងលើ កម្លាំងនគរបាលវរសេនាតូចការពារព្រំដែនគោកបានប្រគល់ជនសង្ស័យទាំង២នាក់ រួមទាំងវត្ថុតាងទៅកម្លាំងជំនាញអធិការដ្ឋាននគរបាលស្រុកម៉ាឡៃ ដើម្បីរៀបចំសំណុំរឿងបន្តតាមនីតិវិធី ៕
ចែករំលែកព័តមាននេះ