ប្រទេសអារ៉ាប៊ីសាអូឌីត ៖ កូនៗរបស់អ្នកកាសែតអារ៉ាប៊ីសាអូឌីត លោក JAMAL KHASHOGGI ដែលត្រូវគេធ្វើឃាត កាលពីថ្ងៃទី២តុលានៅទីក្រុងអុីស្តង់ប៊ុល អាចទទួលបានសំណងឈាមឪពុកពួកគេដ៏ច្រើនបំផុត។
តាមកាសែតអាមេរិកវ៉ាស៊ិនតោនប៉ុស្តិ៍ថា កូន៤នាក់របស់លោកKHASHOGGI អាចម្នាក់ៗទទួលបានផ្ទះមួយ នៅទីក្រុង DJEDDAH ក្នុងប្លុកអគារស្នាក់នៅមួយ។ ផ្ទះនោះអាចលក់បានក្នុងផ្ទះមួយដល់ទៅ៤លានដុល្លារ។ មានតែលោក SALAH កូនប្រុសច្បងរបស់លោកKHASHOGGI ទេ ដែលរស់នៅក្នុងទីក្រុង DJEDDAH ដោយរូបគេជាធនាគារិកម្នាក់។
កូនប្រុសច្បងរូបនោះហើយ ដែលត្រូវគេបង្ខំពេលមានវិបត្តិការទូតខ្លាំងព្រោះតែការសម្លាប់ឪពុកគេ ឲ្យចាប់ដៃជាមួយព្រះអង្គម្ចាស់រជ្ជទាយាទMOHAMMED BEN SALMANE ដែលតួកគី ព្រឹទ្ធសភាអាមេរិកនិងCIAចោទប្រកាន់ថា ជាអ្នកផ្ដល់ភ្លើងខៀវក្នុងការធ្វើឃាតឪពុកគេ។ កូន៣នាក់ទៀតរបស់អ្នកកាសែតនេះ គឺលោកABDULLAH និងប្អូនស្រីនាងណូហានិងនាងរ៉ាហ្សាន់ រស់នៅឯសហរដ្ឋអាមេរិក។
ក្រៅពីទទួលផ្ទះម្នាក់មួយ កូនទាំង៤នាក់នោះ អាចទទួលបានការផ្ដល់ប្រាក់ក្នុងមួយខែលើសពី១០០០០ដុល្លារ។ កូនៗទាំងនេះក៏អាចទទួលបានដែរប្រាក់ជាច្រើនលានដុល្លារ ក្នុងក្របខណ្ឌនៃការចរចា សម្រាប់តម្លៃឈាមឪពុកពួកគេ៕
ចែករំលែកព័តមាននេះ