ស្រាតចូលសភា ផ្អើលអស់ពេលកំពុងប្រជុំ
ប្រទេសអង់គ្លេស ៖ សភាអង់គ្លេស កាលពីយប់ថ្ងៃទី១ មេសា បានបោះឆ្នោតបដិសេធសេណារីយ៉ូ៤ ដែលជ្រើសរើសសម្រាំងដោយប្រធានសភា លោក JONH BERCOW…
ប្រទេសអង់គ្លេស ៖ សភាអង់គ្លេស កាលពីយប់ថ្ងៃទី១ មេសា បានបោះឆ្នោតបដិសេធសេណារីយ៉ូ៤ ដែលជ្រើសរើសសម្រាំងដោយប្រធានសភា លោក JONH BERCOW ដែលអាចនាំទៅរកដំណោះស្រាយលើផែនការ ដែលនាយករដ្ឋមន្ត្រីលោកស្រី THERESA MAY ចរចាជាមួយសហភាពអឹរ៉ុបស្ដីពីBREXIT។
សេណារីយ៉ូទាំង៤នោះ ទីមួយរក្សាទុកអង់គ្លេសក្នុងសហភាពអឺរ៉ុប។ ទី២ កិច្ចព្រមព្រៀងមួយជាមួយសហភាពអឺរ៉ុប យកគំរូតាមប្រទេសន័រវែស។ ទី៣ ការបោះប្រជាមតិមួយដើម្បីអនុម័តផែនការរបស់លោកស្រីMAY។ ទី៤ លុបចោល BREXIT ក្នុងករណីពុំមានកិច្ចព្រមព្រៀង។
ពុំមានកិច្ចព្រមព្រៀង និងពុំមានផែនការឆ្លាស់គ្នា សភាអង់គ្លេសជាថ្មីម្ដងទៀតស្ថិតក្នុងភាពទ័លច្រក។ ទោះជាសភាពការណ៍បែបនេះក្ដី តែរដ្ឋមន្ត្រី BREXIT លោក STEPHEN BARCJAY នៅតែមានជំនឿថា កិច្ចព្រមព្រៀងមួយនៅតែអាចទៅរួច ខណៈសល់ពេលតែ១១ថ្ងៃទៀតដល់ថ្ងៃកំណត់ BREXIT។
នាថ្ងៃប្រជុំរបស់សភាអង់គ្លេសផ្ដោតលើ BREXIT ស្រាប់តែលេចមុខមនុស្សមួយក្រុមនាំគ្នាស្រាត មួយចំនួននៅសល់ខោខ្លីមានប្រុសមានស្រី ធ្វើឲ្យកិច្ចប្រជុំសភាត្រូវស្ទះ។ ពួកសកម្មជនការពារបរិស្ថាន ប្រមាណជា១២នាក់នោះ បាននាំគ្នាលុកចូលក្នុងសភា បែរខ្នងទៅរកបណ្ដាសមាជិកសភា ដើម្បីធ្វើការប្រកាសអាសន្នពីការផ្លាស់ប្ដូរបរិយាកាស។
បណ្ដាសមាជិកសភាឃើញបែបនេះ នាំគ្នាសើចហើយឆ្ងល់។ ពួកគេនិយាយថា ពួកយើងបង្ខំចិត្តធ្វើបែបនេះ ព្រោះបញ្ហានោះជាបញ្ហាសំខាន់បំផុតនៃសម័យកាលយើង តែរដ្ឋាភិបាលយើងព្រមទាំងបណ្ដាសារព័ត៌មានធ្វើមិនដឹងមិនឮទៅវិញ៕
ចែករំលែកព័តមាននេះ