សេអ៊ូល ៖ ភ្នាក់ងារសារព័ត៌មាន Yonhap បានរាយការណ៍មកកាលពីថ្ងៃអាទិត្យកន្លងមកថា ប្រទេសកូរ៉េខាងត្បូងនឹងផ្អាកការសាងសង់គម្រោងសាធារណៈប្រសិនបើមានកម្រិតធូលីខ្ពស់។ ក្រសួងហិរញ្ញវត្ថុរបស់កូរ៉េខាងត្បូងបាននិយាយកាលពីថ្ងៃអាទិត្យថាពួកគេនឹងចេញសេចក្តីណែនាំសម្រាប់ភ្នាក់ងាររដ្ឋទាំងអស់ដើម្បីឲ្យធ្វើតាមច្បាប់ថ្មី។
ពួកគេបានបន្តថាប្រសិនបើសេចក្តីព្រមានពីកម្រិតធូលីត្រូវបានចេញ ហើយស្ថានការទាំងអស់តម្រូវឲ្យមានការចេញសកម្មភាពដើម្បីជួយសម្រាលដល់ប្រជាជន អង្គការរដ្ឋាភិបាលដែលបានចាប់ផ្តើមការសាងសង់អាចបញ្ឈប់ដំណើរការ។ ក្នុងករណីនេះ អ្នកសាងសង់មិនតម្រូវឲ្យបង់ថ្លៃខូចខាតសម្រាប់ការព្យាពេលឡើយ។
ក្រសួងនេះបានបន្តទៀតថា អង្គការរដ្ឋា ភិបាលត្រូវបានតម្រូវឲ្យធានាថាអ្នកសាងសង់ធ្វើតាមវិធានទាំងអស់ដែលទាក់ទិននឹងការកាត់បន្ថយកម្រិតធូលីតូចៗ និងចេញសកម្មភាពដើម្បីការពារដល់កម្មករផងដែរ។
ពួកគេបានបន្ថែមថា “ការផ្លាស់ប្តូរទាំងនេះនឹងជួយដល់ការខិតខំប្រឹងប្រែងទូទាំងប្រទេសក្នុងការដោះស្រាយបញ្ហាធូលី និងការពារសុខភាពកម្មករសំណង់ជាដើម”។
គួរបញ្ជាក់ផងដែរថា ក្នុងពេលប៉ុន្មានឆ្នាំថ្មីៗនេះ កូរ៉េខាងត្បូងបានជួបប្រទះនឹងបញ្ហាធូលី ដោយមានរដ្ឋាភិបាលទទួលបានការរិះគន់ថាមិនបានចេញវិធានការដែលមានប្រសិទ្ធិភាពគ្រប់គ្រាន់ក្នុងការឆ្លើយតបនឹងស្ថានការនេះ។
ធូលីទាំងនេះអាចជ្រាបចូលទៅក្នុងស៊ួតរបស់ប្រជាជនបានងាយ ហើយធូលីតូចៗថែមទាំងអាចជ្រាបចូលទៅក្រុងសរសៃឈាមផ្ទាល់ដែលបង្កហានិភ័យសុខភាពធ្ងន់ធ្ងរថែមទៀត ៕
ចែករំលែកព័តមាននេះ