ខេត្តបាត់ដំបង៖ បុរសម្នាក់ត្រូវខ្សែចរន្តអគ្គិសនីដែលខ្លួនបានដាក់ពង្រាយសម្រាប់ឆក់សត្វកណ្ដុរនៅវាលស្រែ បែរមកឆក់ខ្លួនឯងស្លាប់ទៅវិញ កាលពីវេលាម៉ោង៥ព្រឹកថ្ងៃទី០២ មេសា ស្ថិតនៅចំណុចទួលធ្មា ស្ថិតក្នុងភូមិទំពូងត្បូង ឃុំតាពូង ស្រុកថ្មគោល ខណ:ដែលបុរសនេះកំពុងដើររើសសត្វកណ្ដុរដែលងាប់តាមស្រែ។…
ខេត្តបាត់ដំបង៖ បុរសម្នាក់ត្រូវខ្សែចរន្តអគ្គិសនីដែលខ្លួនបានដាក់ពង្រាយសម្រាប់ឆក់សត្វកណ្ដុរនៅវាលស្រែ បែរមកឆក់ខ្លួនឯងស្លាប់ទៅវិញ កាលពីវេលាម៉ោង៥ព្រឹកថ្ងៃទី០២ មេសា ស្ថិតនៅចំណុចទួលធ្មា ស្ថិតក្នុងភូមិទំពូងត្បូង ឃុំតាពូង ស្រុកថ្មគោល ខណ:ដែលបុរសនេះកំពុងដើររើសសត្វកណ្ដុរដែលងាប់តាម
ស្រែ។
មន្ត្រីកងរាជអាវុធហត្ថបានឲ្យដឹងថា ជនរងគ្រោះឈ្មោះញាណ ឈឿង ភេទប្រុស អាយុ៤៧ឆ្នាំ រស់នៅភូមិ-ឃុំកើតហេតុខាងលេី។ ជនរងគ្រោះត្រូវបានគេប្រទះឃើញស្លាប់ នៅក្បែរខ្សែរចរន្តអគ្គិសនី ដែលគាត់បានដាក់ពង្រាយនៅលើទួល សម្រាប់ឆក់សត្វកណ្ដុរ ។ បើតាមមន្ត្រីជំនាញ ដែលចុះពិនិត្យបានឲ្យដឹងថា ជនរងគ្រោះត្រូវចរន្តអគ្គិសនីឆក់ស្លាប់ ពេលគាត់កំពុងដើររើសកណ្ដុរដែលងាប់ក្បែរខ្សែភ្លើង ។
អ្នកភូមិបាននិយាយថា ជនរងគ្រោះឈ្មោះញាណ ឈឿង ក៏ដូចអ្នកភូមិដទៃមួយចំនួនទៀត តែងប្រើវិធីដាក់ពង្រាយខ្សែភ្លើងតាមវាលស្រែ ឬនៅតាមទួលនានា ដើម្បីឆក់សត្វកណ្ដុរយកទៅលក់ ។ ប្រភពដដែលបានបញ្ជាក់ថា នៅព្រឹកកើតហេតុនោះ ជនរងគ្រោះបានដើររើសសត្វកណ្ដុរដែលងាប់ តែជនរងគ្រោះមិនបានពង្លត់ម៉ាស៊ីនភ្លើង លុះដើររើសភ្លាត់ស្នៀតប៉ះចំខ្សែភ្លើង ក៏ឆក់ខ្លួនឯងស្លាប់ក្បែរខ្សែភ្លើងនៅលើទួលតែម្ដង ។
សូមបញ្ជាក់ថា នេះមិនមែនជាលើកទី១ទេ ដែលប្រជាពលរដ្ឋមួយចំនួននៅស្រុកថ្មគោល ជួបគ្រោះថ្នាក់ដល់អាយុជីវិត ដោយសារប្រកបមុខរបនេះ តែប្រជាពលរដ្ឋដែលនិយមប្រកបមុខរបនេះ ហាក់មិនខ្លាចរអារទេ ។ ផ្ទុយទៅវិញ ពលរដ្ឋមួយចំនួននៅតែបន្តប្រកបមុខរបរដ៏គ្រោះថ្នាក់នេះ ដែលនាំឲ្យមានគ្រោះថ្នាក់ជាបន្តបន្ទាប់ ។
ចែករំលែកព័តមាននេះ