សម្តេចតេជោបញ្ជាឲ្យរដ្ឋមន្ត្រីបីក្រសួងប្រជុំជាបន្ទាន់លើបញ្ហាទឹកនៅខេត្តកំពត
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបញ្ហាទៅកាន់រដ្ឋមន្ត្រីចំនួនបីក្រសួង បើកកិច្ចប្រជុំជាបន្ទាន់ក្នុងការសិក្សាសាងសង់ទំបន់បង្ហៀរទឹកកុំឲ្យប្រៃហូរចូលទឹកសាបនៅក្នុងព្រែកឲ្យប្រជាពលរដ្ឋប្រើប្រាស់ ។ ថ្លែងក្នុងពិធីសម្ពោធដាក់ដំណើរជាផ្លូវការនូវប្រព័ន្ធទឹកស្អាតខេត្តកំពត នាព្រឹកថ្ងៃទី០២ ខែមេសា ឆ្នាំ២០១៩ សម្តេចតេជោហ៊ុនសែន បានលើកឡើងថា ក្រៅពីទុយយោទឹកចំនួនជាង៨៩គីឡូយើងនៅត្រូវទាញទុយយោទឹកនាំទឹកឆៅ មកកន្លែងផលិតជាង៥គីឡូទៀត ក្នុងនោះទឹកឆៅដែលទាញយកមក គឺនៅតាមតំបន់ព្រែក ។
សម្តេចបញ្ជាក់ថា «យើងត្រូវដឹងថា ព្រែករបស់យើងវានៅជាប់មាត់សមុទ្រនៅពេលទឹកឡើង(ទឹកជោរ) គឺទឹកប្រៃហូចូលដល់ពេលទឹកនាច គឺទឹកសាបធ្លាក់ចុះមក ។ អីញ្ចឹងឥឡូវនេះគម្រោងធ្វើទំនប់ទឹកបង្ហៀរដែលស្ថិតនៅក្នុងតំបន់វារីអគ្គិសនីកំចាយក្នុងទំនប់ទី១ ទំនប់ទី២ មិនទាន់ត្រូវបានសាងសង់នោះទេ ។ តែបើតាមលោក ចម ប្រសិទ្ធិ រដ្ឋមន្ត្រីក្រសួងឧស្សាហ កម្ម និងសិប្បកម្មដាទំលាក់ទៅឲ្យក្រសួងបរិស្ថាន ហើយក្រសួងបរិស្ថានទំលាក់ឲ្យក្រសួងឧស្សាហកម្ម និងសិប្បកម្ម ។ ប៉ុន្តែខ្ញុំមិនខ្វល់ថា អ្នកណាទំលាក់ឲ្យអ្នកណាទេនោះទេ គឺខ្ញុំនៅតែដឹងថា ត្រូវតែធ្វើទំនប់បង្ហៀរនេះឲ្យបាន» ។
សម្តេចបានគូសបញ្ជាក់ថា «ខ្ញុំមិនដឹងយ៉ាងណាទេ ខ្ញុំដឹងតែធ្វើទំនប់នេះឲ្យបាន បើមិនធ្វើ នោះទេ អ្នកកំពតនឹងផឹកទឹកប្រៃ នៅពេលខាងមុខនេះ ទោះបីជាមានប្រព័ន្ធទឹកស្អាតសម្រាប់កែច្នៃនេះក៏ដោយ ។ ក៏ប៉ុន្តែបើចៃដន្យថ្ងៃណាមួយនោះមានទឹកប្រៃវារុញចូល (ជោរ) ទៅក្នុងតំបន់ដែលយើងបូមទំលាក់មកនោះ អីញ្ចឹងអ្នកនៅកំពតនឹងត្រូវផឹកទឹកប្រៃហើយ» ។ សម្តេចក៏បានគូសបញ្ជាក់ថា «អីញ្ចឹងទេ ឧត្តមទេសមន្ត្រីចម ប្រសិទ្ធ ត្រឡប់ទៅវិញដឹកនាំការប្រជុំភ្លាម ដើម្បីដឹងថា អ្នកត្រូវទទួលបន្ទុកធ្វើ ។ តើក្រសួងឧស្សាហកម្ម ឬក្រសួងបរិស្ថានត្រូវធ្វើ0x017d7 ឲ្យច្បាស់នៅកន្លែងនឹង ហើយបើអ្នកទាំងពីរមិនត្រូវនោះទេ ខ្ញុំអនុញ្ញាតឲ្យក្រសួងឧស្សាហកម្ម និងសិប្បកម្មធ្វើផ្ទាល់ ដោយយកក្រសួងធនធានទឹក និងឧតុនិយមមកធ្វើដោយចំណាយថវិកាវិនិយោគផ្ទាល់ក្នុងករណីថវិកានោះត្រូវបានបែងចែករួចត្រូវយកមកធ្វើ ។ តែបើបែងចែករួចហើយត្រូវយកអាមិនទាន់បែងចែកមកធ្វើ ។
សម្តេចតេជោក៏បានលើកឡើងថា ចំពោះគម្រោងសាងសង់ទំបន់បង្ហៀនេះនឹងចំណាយថវិកាប្រហែល១លានដុល្លារប៉ុណ្ណោះដោយមិនត្រូវទុកស្ថានភាពឲ្យនៅពេលបែបនឹងទេ ។ សម្តេចបញ្ជាក់ថា «អីញ្ចឹងត្រឡប់ទៅវិញត្រូវដឹកនាំប្រជុំភ្លាម ។ ទាំងក្រសួងឧស្សាហកម្ម ក្រសួងបរិស្ថាន ក្រសួងរ៉ែ និងថាមពលល ក៏ដោយមិនត្រូវធ្វើឲ្យខូចមុខមាត់ដោយសារតែខ្លួន មិនបានបំពេញកាតព្វកិច្ចធ្វើទំនប់បង្ហៀរទឹកនេះទេ ។ ព្រោះថា ទំបន់បង្ហៀរនេះ ដើម្បីទុកកន្លែងបូមទឹកមកផ្តត់ផ្គង់ការផលិតទឹកស្អាតនេះ» ។ សម្តេចតេជោ ក៏បានលើកឡើងទៀតថា ផលប្រយោជន៍នៃការធ្វើទំបន់បង្ហៀរនោះ គឺដោយបូមទឹកបញ្ចូល ដើម្បីផ្តត់ផ្គង់ការផលិតទឹកស្អាត និងផលប្រយោជន៍សំខាន់មួយទៀត គឺដើម្បីទប់ទឹកប្រៃកុំចូលលាយជាមួយទឹកសាបដែលជាកន្លែងត្រូវបូមទឹក ។
សម្តេចថា«អីញ្ចឹងចំណុចទាំងនេះត្រូវមើលឲ្យអស់ ។ អីញ្ចឹងរដ្ឋមន្ត្រីទាំងប៉ុន្មានត្រូវប្រជុំដោយដឹកនាំឲ្យឯឧត្តមទេសរដ្ឋមន្ត្រីចម ប្រសិទ្ធ ឯកឧត្តមរដ្ឋមន្ត្រីស៊ុយ សែម និងឯកឧត្តមសាយ សំអាល់ បើកិច្ចប្រជុំជាបន្ទាន់ រួចហើយរាយការណ៍ឲ្យខ្ញុំ ។ ហើយលុយដាក់មកហើយក្រសួងមួយដាក់គ្នានោះឲ្យក្រសួងធនធានទឹកជាអ្នកអនុគ្រោងនេះ ព្រោះគេមានបទពិសោធន៍ក្នុង ការធ្វើ» ។ សម្តេចក៏បានឲ្យចាប់ផ្តើមសិក្សាធ្វើទំបន់បង្ហៀរចាប់ពីពេលនេះតទៅ ដើម្បីទបស្កាត់កុំឲ្យខ្វះទឹកដោយសារមិនបានតម្កល់ទុក ៕
ចែករំលែកព័តមាននេះ