ខេត្តកណ្តាល ៖ នគរបាលស្រុកស្អាងបានចាប់ឃាត់ខ្លួនយុវជនម្នាក់ បន្ទាប់ពីទទួលពាក្យបណ្តឹងពីឪពុកក្មេងស្រីថា បានចាប់រំលោភកូនស្រីគាត់ កាលពីថ្ងៃទី៣០ ខែមីនាកន្លងទៅ វេលាម៉ោង៧និង៣០នាទីយប់ នៅឃុំត្រើយស្លា ស្រុកស្អាង ។ ក្មេងស្រីរងគ្រោះទើបមានអាយុ១៦ឆ្នាំ ចំណែកជនសង្ស័យឈ្មោះ អៀង ភារិទ្ធ អាយុ១៦ឆ្នាំដែរ មានទីលំនៅក្នុងឃុំត្រើយស្លា ស្រុកស្អាង ជាសិស្សសាលា ។
តាមប្រភពព័ត៌មានឱ្យដឹងថា នៅវេលាម៉ោងប្រមាណ៧និង៣០នាទីយប់ថ្ងៃទី៣០ ខែមីនា ខណៈក្មេងស្រីកំពុងបត់ជើងតូចនៅខាងលិចផ្ទះរបស់ខ្លួនប្រហែល២០ម៉ែត្រ ស្រាប់តែឈ្មោះ អៀង ភារិទ្ធ ស្ទុះទៅចាប់នាងរំលោភទាំងកំរោលតែម្តង ។ បន្ទាប់ពីរំលោភហើយ ទើបឪពុកក្មេងស្រីមកដល់បំភ្លឺភ្លើងពិលទូរស័ព្ទ ឯឈ្មោះ អៀង ភារិទ្ធ ក៏បានគេចខ្លួនពីកន្លែងកើតហេតុភ្លាមៗដែរ ។
ក្នុងពេលនោះ បុរសជាឪពុកបានសួរនាំកូនស្រីទើបនាងប្រាប់ថា ត្រូវឈ្មោះ អៀង ភារិទ្ធ ចាប់រំលោភ ។
ក្រោយពេលទទួលបានព័ត៌មានខាងលើ នគរបាលប៉ុស្គិ៍ត្រើយស្លា បានឃាត់ខ្លួនឈ្មោះ អៀង ភារិទ្ធ នាំមកប៉ុស្ដិ៍សាកសួរ និងបញ្ជូនបន្តទៅអធិការដ្ឋាននគរបាលស្រុកស្អាង ដើម្បីចាត់ការតាមនីតិវិធី។
ចែករំលែកព័តមាននេះ