រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រី បានប្រកាសឲ្យលោកលឺ ឡាយស្រេង អតីតឧបនាយករដ្ឋមន្ត្រីចូលប្រទេសវិញឲ្យឆាប់ ដោយមិនចាប់ខ្លួនទេ បន្ទាប់ពីលោកស្នើសុំកុំឲ្យចាប់ខ្លួន…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រី បានប្រកាសឲ្យលោកលឺ ឡាយស្រេង អតីតឧបនាយករដ្ឋមន្ត្រីចូលប្រទេសវិញឲ្យឆាប់ ដោយមិនចាប់ខ្លួនទេ បន្ទាប់ពីលោកស្នើសុំកុំឲ្យចាប់ខ្លួន ។
ក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដានាព្រឹកថ្ងៃទី១ ខែមេសា ឆ្នាំ២០១៩ សម្តេចតេជោហ៊ុន សែន បានប្រកាសឲ្យលោកលឺ ឡាយស្រេង ចូលស្រុកវិញដោយមិនចាំបាច់ធ្វើជាលិខិតនោះទេ ។
សម្តេចតេជោហ៊ុន សែន ថ្លែងថា «អ្វីៗដែលលោកលឺ ឡាយស្រេង ធ្វើនោះគឺជាកំហុសដែលប្រមាថដល់ព្រះមហាក្សត្រសុទ្ធតែមាន់គ្រៀវ ។ សូមតាឯងមកវិញទៅ គ្មានអ្នកណាចាប់ទេ ប៉ុន្តែសុំកុំធ្វើអ្វីដែលខុសទៀត ។ សូមកុំធ្វើជានយោបាយទៀត ចាស់ហើយល្មមចូលវត្តហើយ ។ តាឯងប្រហែលជាមិនស្លាប់ចោលឆ្អឹងស្រុកគេទេ ។ តាប្រហែលជាបានមើលហ្វេសប៊ុកខ្ញុំហើយ អញ្ចឹងចូលមកស្រុកមក ។
គ្មានអ្នកណាដេញតាឯង ! ម៉េចមិនមកស្រុកមក អញ្ជើញមកលោកតា គ្មានអ្នកណាគេចាប់ទេ ហើយខ្ញុំក៏មិនចាំបាច់ធ្វើសំបុត្រលើកលែងទោសឲ្យតាឯងដែរ ។ តាឯងអ្នកនិយាយ ឥឡូវខ្ញុំនិយាយទៅវិញ ។ ហើយឥឡូវបើកឲ្យលឺ ឡាយស្រេង ចូលស្រុកវិញមក ខ្ញុំបក់ដៃហៅមក តាឯងមើល តាអើយតា ត្រឡប់មកវិញមក ហើយសុំកុំឡប់តទៅទៀត ។ កុំហៅព្រះមហាក្សត្រសុទ្ធតែមាន់គ្រៀវ ។ នេះជាការប្រមាថ សុំតែប៉ុណ្ណឹងទេ » ។
សម្តេចតេជោនាយករដ្ឋមន្ត្រីថ្លែងថា«គ្មានចាប់លោកលឺ ឡាយស្រេង យកទៅណានោះទេ សុំមកឲ្យលឿនទៅ ។ ខ្ញុំដឹងហើយតាឯងនោះ បើថាប្រជុំអញ្ចឹង អង្គុយមិនបានយូរទេ តិចៗទៅនោម ។
បើនៅអង្គុយជាមួយធ្វើល្អណាស់ ប៉ុន្តែក្រោយមក និយាយដើមរហូត ។ ឥលូវមកតាអញ្ជើញមក ពីដើមខ្ញុំហៅគាត់តែ ល្បងៗ ។ គាត់ហៅព្រះកូណាសុទ្ធតែជាមាន់គ្រៀវ ។ ពាក់ព័ន្ធគេកាត់ទោសជាប៉ុន្មាន តែឥឡូវមិនចាំចាប់ទេ ។ ម៉ោះ! ម៉ោះ! ខ្ញុំបក់ដៃ ហៅអញ្ចឹង»។
កុំចាប់តាហ្នឹង ឲ្យតាហ្នឹងចូលស្រុក ឲ្យគាត់មកចូលឆ្នាំមក ។ តិចបើហៅប៉ុណ្ណឹងហើយនៅញ៉េះញ៉ោះទៀត ហើយបើនៅជេរបញ្ចោរទៀត នឹងមានរឿងទៀត ។ តែកុំខូចទៀត! តែឥលូវឮថាតាំងខ្លួនជាអព្យាក្រឹតហើយ តែកុំធ្វើខុសទៀត» ។
សម្តេចតេជោហ៊ុន សែន ថ្លែងថា«កុំតាំងខ្លួនធ្វើជាព្រឹទ្ធាចារ្យនយោបាយឲ្យសោះ ។ បើធ្វើអព្យាក្រឹត ត្រូវតែអព្យាក្រឹត ហើយបើធ្លាប់ ធ្វើកូនចៅហ៊ុន សែន តាំងខ្លួនជាព្រឹទ្ធាចារ្យនយោបាយផេះ ! គ្រាន់តែអ្នកឯងអាយុចាស់ ប៉ុណ្ណឹងទេ តែកុំតាំងខ្លួនជាព្រឹទ្ធាចារ្យនយោបាយសូមកុំតាំងខ្លួនអី ។ ធ្វើតែលឺ ឡាយស្រេង អតីតឧបនាយករដ្ឋមន្ត្រីមួយដែរ» ។
កាលពីពេល ថ្មីៗកន្លងមកលោកលឺ ឡាយស្រេង បានស្នើសុំសម្តេចតេជោហ៊ុន សែន ចូលស្រុកវិញ ដោយបានលើកឡើងថាលោកចាស់ ហើយ រស់នៅក្រៅប្រទេសគ្មានសាច់ញាតិទេ ៕
ចែករំលែកព័តមាននេះ