សម្តេចតេជោព្រមានឲ្យផ្តាច់ភ្លើងអ្នកវិភាគថា ការដាច់ភ្លើងដោយសារចង់បង្កើតវារីអគ្គិសនីបន្ថែម
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានព្រមានឲ្យផ្តាច់ភ្លើងចំពោះអ្នកវិភាគដែលនិយាយថា មូលហេតុដាច់ភ្លើង ដោយសារតែរាជរដ្ឋាភិបាលចង់បង្កើតវារីអគ្គិសនីបន្ថែមទៀត ។ ថ្លែងក្នុងពិធីសម្ពោធដាក់ឱ្យដំណើរការជាផ្លូវការនូវប្រព័ន្ធផ្គត់ផ្គង់ទឹកស្អាតខេត្តកំពត សាងសង់ឡើងក្រោមជំនួយរបស់រដ្ឋាភិបាលជប៉ុន នាព្រឹកថ្ងៃទី០២ មេសានេះ ។
យ៉ាងដូច្នេះថា«មានអាចង្រៃអ្នកវិភាគមួយវាបានវិភាគថា លោក ហ៊ុន សែន ធ្វើឲ្យដាច់ភ្លើង ដើម្បីយកឡេះ បង្កើតវារីអគ្គិសនីបន្ថែមទៀត ។ ចុះបើហ្អែងវិភាគអីចឹងៗ ហ្ហែងមិនខ្លាចរន្ទះបាញ់ទេអី0x017d7 គេកំពុងដោះស្រាយបញ្ហាភ្លើងឯងថា ហ៊ុន សែន ធ្វើឲ្យដាច់ភ្លើង ដើម្បីបង្កើតឡេះធ្វើវារីអគ្គិសនីថ្មី ! ប្រយ័ត្នរន្ទះបាញ់ ។ អាឡូវរន្ទះល្បីណាស់ ។ និយាយមកវាខុសទំនង អ្នកនិយាយមូលបង្កាច់ខ្ញុំអត់មានអីនិយាយជាមួយទេ ភ្នាល់ក៏មិនភ្នាល់ តែស្បថយកតែម្តង» ។
សម្តេចក៏បានលើកឡើងថា ក្នុងការដឹកនាំនៃប្រទេសមានការលំបាកណាស់ គិតសព្វគ្រប់ ដូចក្នុងពេលប្រជាជនខ្វះទឹកត្រូវធ្វើបែបណា ? ហើយក្នុងពេលដែលប្រជាជនខ្វះភ្លើង ត្រូវធ្វើយ៉ាងម៉េច ដើម្បីឪ្យបានប្រើប្រាស់ ។ ខ្ញុំអំពាវនាវឲ្យប្រជាពលរដ្ឋយកម៉ាស៊ីនភ្លើងចេញមកប្រើប្រាស់ ហើយអំពាវនាវកុំឲ្យលក់ម៉ាស៊ីនភ្លើងថ្លៃពេក ។ ប្រេងរបស់យើងមិនឡើងថ្លៃទេ សម្រាប់បញ្ឆេះក្នុងគេហដ្ឋានប្រើប្រាស់ ដែលមុនមិនអនុញ្ញាតឲ្យប្រើប្រាស់ដោយខ្លាចប៉ះពាល់លើបរិស្ថាន ដែលយើងមានសមត្ថភាពគ្រប់គ្រាន់ សម្រាប់ប្រើប្រាស់ ក៏ប៉ុន្តែឆ្នាំនេះការប្រែប្រួលអាកាសធាតុបានធ្វើមានការខ្វះទឹក តាមអាងស្តុបទឹកសម្រាប់ការរុញតួប៊ីនភ្លើង ។
សម្តេចក៏បានសម្តែងការសោកស្តាយចំពោះវារីអគ្គិសនីកំចាយមានការខ្វះភ្លើង ដោយមានចំនួន៥៤មេហ្កាវ៉ាត់ លើក១៩៤មេហ្កាវ៉ាត់ ដែលបានផ្កត់ផ្គង់ភ្លើងតែ៦ម៉ោង ។ យើងត្រូវបាត់ភ្លើងអស់១៤៤មេហ្គាវ៉ាត់ ដែលរត់បានតែ៦ម៉ោងក្នុងរយៈពេល១ថ្ងៃ ។ សម្តេចបញ្ជាក់ថា«អីអញ្ចឹងទេ អាអ្នកវិភាគហ្អែងប្រយ័ត្នរន្ទះបាញ់ អាញ់ប្រឹងណាស់ ស្ថានភាពនេះដោយសារតែវារីអគ្គិសនីនេះបាត់១៤៤មេហ្កាវ៉ាត់ហើយ ។ អីញ្ចឹងបើវារីអគ្គិសនីទាំងអស់បាត់ខ្លះ៥០មេហ្គាវ៉ាត់ ខ្លះ១០០មេហ្គាវ៉ាត់យ៉ាងដូច្នេះ វាបាត់៤០០មេហ្កាវ៉ាត់» ។
ជាមួយគ្នានោះដែរសម្តេចក៏បានលើកឡើងថា នៅរដូវវស្សាអគ្គិសនីបាននៅសល់ តែដល់ខែប្រាំងមានបញ្ហា ដូច្នេះជាការបើកឲ្យមានការវិនិយោគកម្លាំងព្រះអាទិត្យ ។ សម្តេចថា កុំនិយាយឡើងនិយាយថា ហ៊ុន សែន អាក្រក់រហូតដល់ដូច្នេះប្រយ័ត្នរន្ទះបាញ់ ។ ខ្ញុំមិនចង់និយាយទេ តែវាចេះមកវិភាគបែបនេះ ។ អាឡូវចេះ បើយើងស្គាល់វា អាផ្ទះមួយនឹងយើងទៅកាត់ភ្លើងតែម្តងឲ្យវាដុតចន្លុះ ។ មើលអាអ្នកវិភាគនឹងទៅកាត់ភ្លើងវាមើល ដើម្បីឲ្យហ្ហែងដឹង ថា វាខ្វះអគ្គិសនីមិនមែនយកហេតុផល ដើម្បីធ្វើវារីអគ្គិសនី ។
ចង្រៃ! វាថាយើងធ្វើឲ្យដាច់ ដើម្បីបង្កើតវារីអគ្គិសនីវាអយុត្តិធម៌ ។ មើលពួកហ្អែងសម្លឹងមកយើង ឲ្យមានពាក់វែនតាឲ្យស្មើភាពតិចមើល កុំអាក្រក់ជូជាតិពេក ។ ដោយសារតែពួកក្អែកអាក្រក់នឹងហើយបានវាអីចឹញ្ចឹង វាមិនដែលឈ្នះ និងតែងតែចាញ់ ហើយចាញ់ហើយបង្កហេតុតែមួយគេនឹង ។ រួចហើយដល់គេធ្វើថា គេផ្តាច់ការចុះបើហ្អែងធ្វើអីញ្ចឹង បើធ្វើបែបនឹង» ។ សម្តេចក៏បានលើកឡើងថា យប់មិញខ្ញុំមើលអត្ថបទខ្លះ ហើយបញ្ហាផ្ទៃក្នុងបែរជាវាវិភាគរឿងដាច់ភ្លើងជាឡេះចង់បង្កើតវារីអគ្គិសនី ៕
ចែករំលែកព័តមាននេះ