រាជធានីភ្នំពេញ ៖ កម្លាំងព្រហ្មទណ្ឌកំរិតស្រាលនៃសង្នការដ្ឋានរាជធានីភ្នំពេញបានធ្វើការដេញចាប់ឃាត់ខ្លួនបានជនសង្ស័យម្នាក់ ដែលសង្ស័យថា ពាក់ព័ន្ធនឹងករណីឆក់ទូរស័ព្ទដៃម៉ាក iPhone X ពីជនជាតិចិននៅម្តុំស្ពានតិចណូ ហេតុការណ៍នេះបានកើតឡើង កាលពីវេលាម៉ោង៩យប់…
រាជធានីភ្នំពេញ ៖ កម្លាំងព្រហ្មទណ្ឌកំរិតស្រាលនៃសង្នការដ្ឋានរាជធានីភ្នំពេញបានធ្វើការដេញចាប់ឃាត់ខ្លួនបានជនសង្ស័យម្នាក់ ដែលសង្ស័យថា ពាក់ព័ន្ធនឹងករណីឆក់ទូរស័ព្ទដៃម៉ាក iPhone X ពីជនជាតិចិននៅម្តុំស្ពានតិចណូ ហេតុការណ៍នេះបានកើតឡើង កាលពីវេលាម៉ោង៩យប់ ថ្ងៃទី០១ ខែមេសា ឆ្នាំ២០១៩ តាមបណ្តោយផ្លូវ១០៧ នៅចំណុចម្តុំអាហារបាត់ដំបង ស្ថិតនៅក្នុងសង្កាត់អូរឬស្សី៤ ខណ្ឌ៧មករា ។
តាមប្រភពព័ត៌មានពីកម្លាំងព្រហ្មទណ្ឌកំរិតស្រាលបានអោយដឹងថា មុនពេលកើតហេតុមានជនរងគ្រោះជាជនជាតិចិន២នាក់ គាត់កំពុងតែជិះម៉ូតូឡាំម៉ាតាមួយគ្រឿង មកតាមបណ្តោយផ្លូវសហព័ន្ធរុស្សីក្នុងទិសដៅពីលិចទៅកើត ខណៈពេលជិះមកដល់ចំណុចកើតហេតុខាងលើនេះម្តុំស្ពានតិចណូ ជនរងគ្រោះយកទូរស័ព្ទដៃមកចុចម៉ាក iPhone X ក៏ស្រាប់តែលេចមុខជនសង្ស័យប្រហែលជា៦នាក់ ជិះម៉ូតូ៣គ្រឿងមិនស្គាល់ម៉ាកបានជិះមកជិត រួចធ្វើសកម្មភាពឆក់ទូរស័ព្ទដៃបាន ហើយក៏ជិះរត់គេចខ្លួនបាត់ស្រមោលភ្លាមៗនោះ ដែលជនរងគ្រោះបានទៅដាក់ពាក្យបណ្តឹងនៅប៉ុស្តិ៍ទឹកល្អក់១ ក៏ផ្អើលទៅដល់ខាងកម្លាំងព្រហ្មទណ្ឌកំរិតស្រាលនៃសង្នការដ្ឋាននគរបាលរាជធានីភ្នំពេញបានធ្វើការស្រាវជ្រាវមើលតាមប្រព័ន្ធអ៊ីនធើណេតក៏ឃើញសញ្ញាបញ្ជាក់ថា ជនសង្ស័យកំពុងតែនៅម្តុំផ្លូវសុខហុក ក្នុង Net មួយកន្លែង ។
ភ្លាមៗនោះដែរគ្រាន់តែកម្លាំងព្រហ្មទណ្ឌកំរិតស្រាលចូលទៅឃើញជនសង្ស័យមានឈ្មោះ ញ្ញៀន ចាន់តារា ភេទប្រុស អាយុ១៨ឆ្នាំ ស្នាក់នៅផ្ទះជាន់ទី១ សង្កាត់អូរឬស្សី៤ ខណ្ឌ៧មករា កំពុងតែអង្គុយលេងក្នុង Net នោះ លុះពេលឃើញសមត្ថកិច្ចភ្លាមក៏រត់ចេញក្រៅទៅសំដៅក្នុងផ្ទះរបស់ប្រជាពលរដ្ឋនៅម្តុំនោះផ្អើលឃាត់ខ្លួនបានយកទៅសួរនាំនៅប៉ុស្តិ៍អូរឬស្សី៤ ដោយសួរនាំដឹងរឿងទៅក៏បញ្ចូនជនសង្ស័យទៅកាន់ប៉ុស្តិ៍ផ្សារដេប៉ូ៣វិញ ដើម្បីធ្វើតាមនីតិវិធី ។
ក្រោយពេលកើតហេតុជនរងគ្រោះបានដាក់ពាក្យបណ្តឹងនៅប៉ុស្តិ៍ផ្សារដេប៉ូ៣ ដើម្បីអោយសមត្ថកិច្ចកសាងសំណុំរឿងបញ្ចូន់ទៅកាន់តុលាការដើម្បីចាត់ការទៅតាមនិតិវិធី ៕
ចែករំលែកព័តមាននេះ