ទំនាស់ជាង១០ឆ្នាំហើយនៅតែមិនទាន់ស្រេចទៀត ព្រោះម្ខាងគេមានខ្សែធំ
- ភ្នំពេញ
រាជធានីភ្នំពេញ ៖ ម្ចាស់ផ្ទះអ្នកលក់ និងម្ចាស់អ្នកទិញមានទំនាស់នឹងគ្នាអស់រយៈពេលជាង១០ឆ្នាំមកហើយ មិនទាន់ដោះស្រាយចេញ ដោយសារម្ចាស់ផ្ទះអ្នកលក់មិនព្រមយកទូរកុងតឺន័រចេញពីមុខផ្ទះបែរជាយកឡេះថា គាត់លក់តែផ្ទះតែមិនបានលក់មុខផ្ទះនោះទេរហូតទាល់តែមានការយករថយន្តមកបិទផ្លូវថែមទៀតផង ហេតុការណ៍នេះដែរបានបង្កអោយមានការភ្ញាក់ផ្អើលឡើង កាលពីវេលាម៉ោង៨យប់ថ្ងៃទី០១ ខែមេសា ឆ្នាំ២០១៩ នៅចំនុចផ្ទះល្វែងមួយកន្លែង ស្ថិតក្នុងភូមិដំណាក់ធំ៥ ផ្លូវលូប្រាំ សង្កាត់ស្ទឹងមានជ័យ៣ ខណ្ឌមានជ័យ ។
ម្ចាស់ផ្ទះអ្នកទិញមានឈ្មោះ ត្រឹង សុកកៅ ភេទប្រុស អាយុ៤១ឆ្នាំ មុខរបរលក់ដូរ ។
ចំនែកភាគីខាងអ្នកលក់មានឈ្មោះ ហាំង គង់ ភេទប្រុស មានតួនាទីជាមន្ត្រីប៉េអឹម ។
ក្នុងករណីនេះដែរ បើតាមឈ្មោះ ត្រឹង សុកកៅ ដែលជាភាគីខាងទិញផ្ទះបានអោយដឹងថា ផ្ទះនេះគាត់បានទិញ ពីឈ្មោះ ហាំង គង់ តាំងពីឆ្នាំ២០០៣ មកម្លេះ ក្នុងតម្លៃជាង២ម៉ឺនដុល្លារ ក្នុងទំហំ៤គុណ និង១៦ម៉ែត្រ ហើយនៅពេលដែលទិញដាច់ស្រេចហើយ រូបគាត់បានជួលផ្ទះនេះអោយបងប្អូនប្រជាពលរដ្ឋសម្រាប់ស្នាក់នៅ តែនៅពេលដែលបងប្អូនប្រជាពលរដ្ឋស្នាក់នៅខាងឈ្មោះ ហាំង គង់ តែងបង្កសំឡេងរំខាន ហើយបានយកទូតឺកុងន័រមកដាក់ចំពីមុខផ្ទះតែម្តង ធ្វើអោយពួកគាត់ពិបាកចេញចូល និងរកស៊ី ហើយបែរជានិយាយថា គាត់លក់តែផ្ទះ តែមិនបានលក់មុខផ្ទះនោះទេ ហើយរឿងនេះគាត់ខាងភាគីអ្នកទិញ បានប្តឹងទៅខាងសាលាខណ្ឌមានជ័យ ។
សាលាខណ្ឌមានជ័យក៏បានធ្វើលិខិតមួយ ចុះនៅថ្ងៃទី៤ ខែមករា ឆ្នាំ២០១៨ ដើម្បីអោយភាគីខាងអ្នកលក់ផ្ទះ យកទូរតឺកុងន័រចេញរយៈពេល១សប្តាហ៍ ចាប់ពីថ្ងៃជូនដំណឹង តែមកដល់យប់ថ្ងៃទី០១ ខែមេសា ឆ្នាំ២០១៩ នេះខាងភាគីអ្នកលក់នៅតែមិនព្រមយកទូរកុងតឺន័រចេញដដែល ហើយនៅយប់នេះដែរ រូបគាត់ជាភាគីខាងអ្នកទិញ បានយកឡានស្ទូចមកស្ទូចយកទូរកុងតឺន័រចេញពីមុខផ្ទះ ស្រាប់តែភាគីខាងអ្នកលក់ បានបញ្ជាអោយកូនចៅមើលរថយន្ត សណ្តោង ពណ៌ត្រេអ៊ី ពាក់ស្លាកលេខ ខម មកឃាំងមិនអោយរថយន្តស្ទូចចូលកើតនោះទេ ធ្វើឲ្យជម្លោះដ៏រាំរ៉ៃ អស់រយៈពេលជាង១០ឆ្នាំកន្លងមកនេះ គឺគ្មានដំណោះស្រាយនោះទេ គឺដោយសារតែភាគីខាងអ្នកលក់មានខ្សែធំ ។ ក្នុងករណីនេះដែរភាគីខាងអ្នកលក់ឈ្មោះ ហាំង គង់ គឺមិនទាន់បានចេញមុខមកបកស្រាយ រឿងហេតុដំបូងយ៉ាងម៉េចនោះទេ ៕
ចែករំលែកព័តមាននេះ