ខេត្តកំពង់ស្ពឺ ៖ បុរសញៀនស្រាម្នាក់ ព្រោះតែខឹងនឹងអ្នកលក់មិនព្រមជឿស្រាឱ្យខ្លួនផឹកក៏វាយអ្នកលក់ស្រា បណ្តាលឱ្យខៀវភ្នែក ហើយថែមទាំងយកកាំបិតដេញកាប់ផ្អើលពេញភូមិទៀតផង បន្ទាប់ពីបង្កហិង្សា ជនដៃដល់ត្រូវសមត្ថកិច្ចឃាត់ខ្លួនភ្លាមៗផងដែរ កាលពីម៉ោង២១និង៣៩នាទីយប់ ថ្ងៃទី៣១…
ខេត្តកំពង់ស្ពឺ ៖ បុរសញៀនស្រាម្នាក់ ព្រោះតែខឹងនឹងអ្នកលក់មិនព្រមជឿស្រាឱ្យខ្លួនផឹកក៏វាយអ្នកលក់ស្រា បណ្តាលឱ្យខៀវភ្នែក ហើយថែមទាំងយកកាំបិតដេញកាប់ផ្អើលពេញភូមិទៀតផង បន្ទាប់ពីបង្កហិង្សា ជនដៃដល់ត្រូវសមត្ថកិច្ចឃាត់ខ្លួនភ្លាមៗផងដែរ កាលពីម៉ោង២១និង៣៩នាទីយប់ ថ្ងៃទី៣១ ខែមីនា ឆ្នាំ២០១៩ ស្ថិតក្នុងភូមិពាមរស់ ឃុំរស្មីសាមគ្គី ស្រុកឱរ៉ាល់ ។
ជនសង្ស័យខាងលើឈ្មោះ ង៉ែត ដូ ភេទប្រុស អាយុ៣១ឆ្នាំ មានភូមិ-ឃុំកើតហេតុខាងលើ ចំណែកជនរងគ្រោះឈ្មោះឈឺន ថា ភេទស្រី អាយុ៣១ឆ្នាំ មានទីលំនៅក្នុងភូមិជាមួយគ្នា។
ប្រភពនៅកន្លែងកើតហេតុឱ្យដឹងថា មុនកើតហេតុ ជនរងគ្រោះកំពុងនៅផ្ទះដូចសព្វដងស្រាប់តែលេចមុខជនដៃដដល់ដោយនិយាយថា ឱ្យខ្លួនជឿស្រាមួយលីត្រ ពេលនោះអ្នកលក់មិនព្រមជឿឱ្យឡើយ ព្រោះតែជននេះធ្លាប់ជំពាក់ស្រាច្រើនមកហើយមិនដែលសងនោះទេ។ ក្រោយពីស្ត្រីរងគ្រោះមិនព្រមជឿស្រាឱ្យ ស្រាប់តែជនដៃដល់វាយស្ត្រីរងគ្រោះចំផ្ទៃមុខ ក្រោមភ្នែកខាងស្ដាំ បណ្ដាលឱ្យរងរបួស និងយកកាំបិតប័ុងតោដេញកាប់ទៀតផង។
បន្ទាប់ពីធ្វើសកម្មភាពរួច ជនសង្ស័យបានរត់គេចខ្លួន តែត្រូវក្រុមប្រជាការពារក្នុងភូមិសហការគ្នាដេញចាប់បានយកមកប្រគល់ជូនសមត្ថកិច្ច ។ ក្រោយមកទទួលបានជនសង្ស័យមកធ្វើការសាកសួរនៅអធិការដ្ឋាននគរបាលស្រុកឱរ៉ាល់ ជនសង្ស័យឆ្លើយសារភាពថា ខ្លួនពិតជាបានវាយ និងយកកាំបិតប័ុងតោដេញកាប់ជនរងគ្រោះប្រាកដមែន ព្រោះខឹងជនរងគ្រោះមិនឱ្យជឿស្រាផឹក៕
ចែករំលែកព័តមាននេះ