ហុងកុង៖ ភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃអាទិត្យ កន្លងមកថា កង្វល់បរិយាកាសកំពុងតែប៉ះពាល់ដល់ក្រុមហ៊ុនក្នុងទ្វីបអាស៊ីក្នុងការទាក់ទាញបុគ្គលិកថ្នាក់ខ្ពស់ៗ ។
អ្នកជំនាញបានព្រមានមកថា កង្វល់ពីសុខភាពកំពុងតែប៉ះពាល់ដល់អ្នកដែលធ្លាប់តែចាប់អារម្មណ៍លើឱកាសសេដ្ឋកិច្ចដែលមានកាន់តែច្រើនឡើងក្នុងទ្វីបអាស៊ី ដូច្នេះក្រុមហ៊ុនកំពុងតែជួបឧបសគ្គក្នុងការស្វែងរក និងរក្សាបុគ្គលិកដែលមានជំនាញដែលពួកគេត្រូវកា រ។
យោងទៅតាមកម្មវិធីបរិស្ថានរបស់អង្គការសហប្រជាជាតិបានឲ្យដឹងថាប្រមាណ ៩២%នៃប្រជាជនក្នុងតំបន់អាស៊ីប៉ាស៊ីហ្វិកជួបប្រទះនឹងបញ្ហាកង្វក់បរិស្ថានដែលបង្កហានិភ័យដល់សុខភាពយ៉ាងធ្ងន់ធ្ងរ ។
ដូច្នេះអាជីវកម្មត្រូវផ្តល់អត្ថប្រយោជន៍ជាច្រើនដើម្បីទាក់ទាញបុគ្គលិកសម្រាប់តំណែងខ្ពស់ៗក្នុងក្រុមហ៊ុន ។
លោក Lee Quane ដែលជាប្រធានផ្នែកប្រឹក្សាយោបល់ប្រចាំទ្វីបអាស៊ីនៅ ECA International បាននិយាយថា ក្នុងនោះរួមមានផ្តល់ប្រាក់បៀវត្សន៍សម្រាប់ការឈប់សម្រាកដោយមូលហេតុកង្វល់ខ្យល់អាកាសប៉ុន្មានខែ ឬអនុញ្ញាតឲ្យមានការធ្វើការពីកន្លែងដែលមិនមានកង្វក់បរិយាកាសជាដើម ។
លោកបានបន្តទៀតថា ក្នុងតំបន់ដែលមានកម្រិតកង្វល់បរិយាកាសខ្ពស់ អ្នកនឹងមើលឃើញយើងផ្តល់ប្រាក់បៀវត្សន៍ខ្ពស់ជាងប្រាក់បៀវត្សន៍មធ្យមប្រមាណពី១០ទៅ២០%ឯណោះ ។
កាលពីឆ្នាំ ២០១៤ ក្រុមហ៊ុន Panasonic បានប្រកាសឲ្យដឹងថាពួកគេនឹងផ្តល់អត្ថប្រយោជន៍សម្រាប់អ្នកដែលធ្វើការឲ្យក្រុមហ៊ុនក្នុងប្រទេសចិន ខណៈដែលសារព័ត៌មានបានឲ្យដឹងថាក្រុមហ៊ុន Coca Cola បានផ្តល់ប្រាក់លើកទឹកចិត្តប្រមាណ ១៥%សម្រាប់បុគ្គលិកដែលធ្វើការនៅទីនោះផងដែរ។
តាំងពីពេលនោះមក ប្រទេសចិនបានចេញវិធានការជាច្រើនដើម្បីបង្កើនគុណភាពខ្យល់អាកាស ប៉ុន្តែប្រទេសចិននិងទីប្រជុំជនដទៃទៀតក្នុងអាស៊ីខាងត្បូងដូចជាញូវដេលីតែងតែមានកម្រិតកង្វក់បរិស្ថានខ្ពស់ជាងកម្រិតសុវត្ថិភាពរបស់អង្គការសុខភាពពិភពលោក។
ជាលទ្ធផល លោក Quane បានព្រមានថាតំបន់ទាំងនេះកំពុងជួបប្រទះកង្វះបុគ្គលិកដែលមានជំនាញគ្រប់គ្រាន់ឲ្យក្រុមហ៊ុនត្រូវបង្ខំចិត្តផ្តល់ការងារដល់អ្នកដែលមិនមានជំនាញគ្រប់គ្រាន់ ៕
ចែករំលែកព័តមាននេះ