ខេត្តសៀមរាប ៖ ក្នុងគោលបំណងស្តារឡើងវិញហេដ្ឋារចនាសម្ព័ន្ធបុរាណ និងសម្រួលការធ្វើដំណើរទូទៅដល់ប្រជាពលរដ្ឋក៏ដូចជា ភ្ញៀវទេសចរ អាជ្ញាធរជាតិអប្សរា ទើបនឹងជួសជុលផ្លូវដីក្រហមចំនួន២ខ្សែនៅខ្នងទំនប់បារាយណ៍ខាងលិច ។ ការជួសជុលនេះគឺនៅផ្នែកខាងកើត និងផ្នែកខាងលិច…
ខេត្តសៀមរាប ៖ ក្នុងគោលបំណងស្តារឡើងវិញហេដ្ឋារចនាសម្ព័ន្ធបុរាណ និងសម្រួលការធ្វើដំណើរទូទៅដល់ប្រជាពលរដ្ឋក៏ដូចជា ភ្ញៀវទេសចរ អាជ្ញាធរជាតិអប្សរា ទើបនឹងជួសជុលផ្លូវដីក្រហមចំនួន២ខ្សែនៅខ្នងទំនប់បារាយណ៍ខាងលិច ។ ការជួសជុលនេះគឺនៅផ្នែកខាងកើត និងផ្នែកខាងលិច ដែលមានប្រវែងសរុបជិត៣គីឡូម៉ែត្រ ។
លោក មាន់ ផានិត មន្ត្រីបច្ចេកទេសនាយកដ្ឋានគ្រប់គ្រងទឹកទទួលបន្ទុកការងារនៅបារាយណ៍ខាងលិចបានលើកឡើងថា កន្លងមកផ្លូវតាមខ្នងទំនប់បានរងការខូចខាត មានជង្ហុកធំៗហើយនៅពេលមានភ្លៀងតែងមានទឹកហូរច្រោះ ដែលធ្វើឱ្យខ្នងទំនប់រងការខូចខាត ។
ការជួសជុលនេះសរុបជិត៣គីឡូម៉ែត្រ ប៉ុន្ដែការជួសជុលនាពេលកន្លងមកសរុបបានចំនួន១០គីឡូម៉ែត្រហើយ ។ អាជ្ញាធរជាតិអប្សរា នឹងបន្ដជួសជុលប្រវែង១០គីឡូម៉ែត្រទៀតដែលនៅសេសសល់ចំពោះផ្លូវនៅលើខ្នងបារាយណ៍នេះ ។ ប្រជាពលរដ្ឋដែលធ្វើដំណើរកាត់ផ្លូវទាំងនេះបានសាទរចំពោះសមិទ្ធផល និងអរគុណដល់អាជ្ញាធរជាតិអប្សរាចំពោះការអភិវឌ្ឍន៍ បង្កើតសមិទ្ធិផលថ្មីៗនៅមូលដ្ឋានរបស់ប្រជាពលរដ្ឋ ៕
ចែករំលែកព័តមាននេះ