រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ជាថ្មីថា សម្តេចមិនអង្វរអ្នកណាទាំងអស់ដែលមានបំណងចង់សុំសិទ្ធិនយោបាយឡើងវិញ ។ ថ្លែងក្នុងពិធីប្រគល់សញ្ញាបត្រដល់និស្សិតដែលបញ្ចប់ការសិក្សានៅវិទ្យាស្ថានវ៉ាន់ដា នាព្រឹកថ្ងៃទី០១…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ជាថ្មីថា សម្តេចមិនអង្វរអ្នកណាទាំងអស់ដែលមានបំណងចង់សុំសិទ្ធិនយោបាយឡើងវិញ ។ ថ្លែងក្នុងពិធីប្រគល់សញ្ញាបត្រដល់និស្សិតដែលបញ្ចប់ការសិក្សានៅវិទ្យាស្ថានវ៉ាន់ដា នាព្រឹកថ្ងៃទី០១ ខែមេសា ឆ្នាំ២០១៩នេះ សម្តេចតេជោបានបញ្ជាក់ថា «ការប្រជុំកាលពីថ្ងៃទីសុក្រ ទី២៩ មីនា កន្លងទៅប្រហែលជាអ្នកមួយចំនួនបានស្តាប់ហើយថា ធ្វើកំណែទម្រង់របៀបម៉េច ហើយថាដួលៗមិនដួល ។
ការរងចាំអាបក្សណារស់ឡើងវិញ អាណាចេញពីគុករង់ចាំទៅរវាងការចូលរួមបោះឆ្នោតឃុំសង្កាត់ នៅខែឧសភា ឆ្នាំ២០២២ និងទទួលបានសិទ្ធិធ្វើនយោបាយវិញ នៅខែវិច្ឆិកា ឆ្នាំ២០២២ ហ្ហែងរើសទៅ» ។ សម្តេចបន្តថា «ហ៊ុន សែន អត់អង្វរអ្នកណាទាំងអស់ ហើយមិនគ្រប់លក្ខខណ្ឌ អាញ់ក៏មិនស៊ីញ៉េសុំលើកលែងឲ្យហ្ហែងដែរ ។ និយាយអីញ្ចឹងតែម្តងព្រោះពួកអានេះទាល់ តែនិយាយអីចឹង ព្រោះថា បើនិយាយស្រួលវាថា យើងអង្វរវា ។ អាញគ្មានអង្វរអាណាទាំងអស់ អាណាចង់ដាក់សុំសិទ្ធិក៏ដាក់អាណាមិនសុំទេ ក៏ហ្ហីតែប៉ុណ្ណឹង» ។
សូមជម្រាបថា ការលើកឡើងរបស់សម្តេចតេជោ ក្រោយពីអតីតមន្ត្រីគណបក្សសង្គ្រោះជាតិចំនួន៩នាក់ ត្រូវបានព្រះមហាក្សងត្រព្រះរាជទានផ្តល់សុំសិទ្ធិនយោបាយ កាលពីពេលថ្មីកន្លងមក ។ បើតាមអ្នកនាំពាក្យក្រសួងមហាផ្ទៃលោក ខៀវ សុភ័ក ធ្លាប់បានឲ្យដឹងថា នឹងមាន អតីតមន្ត្រីគណបក្សសង្គ្រោះជាតិជា២០រូបនឹងសុំសិទ្ធិនយោបាយ ៕
ចែករំលែកព័តមាននេះ