ទីក្រុងឡុងដ៍ ៖ យោងតាមក្រសួង ការបរទេសបានឱ្យដឹងថា គណៈប្រតិភូមីយ៉ាន់ម៉ាបានពិភាក្សាពីវិស័យអប់រំ ធនាគារ និងថាមពល ជាមួយរដ្ឋាភិបាលអង់គ្លេស និង ក្រុមហ៊ុនអង់គ្លេស នៅសន្និសីទវិនិយោគ និងពាណិជ្ជកម្មមីយ៉ាន់ម៉ាឆ្នាំ ២០១៩ ដែលរៀបចំនៅទីក្រុងឡុងដ៍ កាលពីថ្ងៃទី១៨ ខែ មីនា។
យោងតាមក្រសួងមហាផ្ទៃបានឱ្យដឹងថា ប្រតិភូបាននិយាយផងដែរអំពីឱកាសសម្រាប់កំណើននិងភាពជាដៃគូក្នុងវិស័យ ដូចជាសំណង់ទូរគមនាគមន៍ ទេសចរណ៍ និង ធនធានធម្ម ជាតិ។ សន្និសីទនេះ រៀបចំឡើងដោយនាយកដ្ឋានពាណិជ្ជកម្មអន្តរជាតិសភាពាណិជ្ជកម្មអង់គ្លេស និងក្រុមប្រឹក្សាធុរៈអង់គ្លេស-អាស៊ាន ហើយត្រូវបានចូលរួមដោយលោក U Thaung Tun ដែលជារដ្ឋមន្ត្រីទំនាក់ទំនងវិនិយោគ និង ទំនាក់ទំនងសេដ្ឋកិច្ច និងជាប្រធានគណៈកម្មការវិនិយោគមីយ៉ាន់ម៉ា។ លោក U Set Aung អនុរដ្ឋមន្ត្រីក្រសួងផែនការ និង លោក U Bo Bo Nge ទេសាភិបាលរងនៃធនាគារកណ្តាលមីយ៉ាន់ម៉ា ក៏មានវត្តមានផងដែរ។
ដឹកនាំដោយ លោក U Thaung Tun ប្រតិភូមីយ៉ាន់ម៉ា បានគូសបញ្ជាក់ពីកំណែទម្រង់ដែលកំពុងត្រូវបានអនុវត្តនៅក្នុងនយោបាយ និង សេដ្ឋកិច្ចជាពិសេសនៅក្នុងវិស័យអប់រំ ក្នុងកិច្ចខិតខំប្រឹងប្រែង ដើម្បីធ្វើឱ្យមានការចាប់អារម្មណ៍ពីវិនិយោគិនអង់គ្លេសដែលសុទ្ធតែមានសក្តានុពល។
អ្នកផ្តល់សេវាកម្មអន្ដរជាតិអាចធ្វើការវិនិយោគនៅក្នុងសាលាអប់រំចំណេះដឹងទូទៅ សាលាបច្ចេកទេសវិជ្ជាជីវៈនិងបណ្ដុះបណ្ដាល សាលាឧត្តមសិក្សា និង សាលារៀនផ្សេងៗទៀត ដែលកំណត់ដោយក្រសួងអប់រំ។ គួរបញ្ជាក់ផងដែរថា បើយោងតាមនាយក ដ្ឋានវិនិយោគបានឱ្យដឹងថា ក្រុមហ៊ុនអង់គ្លេស ជាវិនិយោគិនធំបំផុតទី៥ នៅមីយ៉ាន់ម៉ា ដោយមានទុនជាង ៤.៥ពាន់លានដុល្លារ គិតមកដល់ខែកុម្ភៈឆ្នាំ២០១៩៕
ចែករំលែកព័តមាននេះ