រាល់១០ផោននៃទម្ងន់ដែលអ្នកបាត់បង់ ឬស្រកនោះប្រមាណជាជិត៤គីឡូក្រាមត្រូវបានបញ្ចេញទៅក្នុងខ្យល់ ហើយនៅសល់ទាំងអស់ត្រូវបំលែងទៅជាញើស, ទឹកភ្នែក, ទឹកនោម និងសារធាតុរាវដទៃទៀតចេញរាងកាយ ។ ការស្រកទម្ងន់មិនត្រឹមតែធ្វើឱ្យតែក្បាលពោះមានភាពប្រែប្រួលប៉ុណ្ណោះទេ ប៉ុន្តែគឺចំពោះរាងកាយទាំងមូលតែម្ដងដែលជួបប្រទះការផ្លាស់ប្ដូរជាច្រើន ។…
រាល់១០ផោននៃទម្ងន់ដែលអ្នកបាត់បង់ ឬស្រកនោះប្រមាណជាជិត៤គីឡូក្រាមត្រូវបានបញ្ចេញទៅក្នុងខ្យល់ ហើយនៅសល់ទាំងអស់ត្រូវបំលែងទៅជាញើស, ទឹកភ្នែក, ទឹកនោម និងសារធាតុរាវដទៃទៀតចេញរាងកាយ ។ ការស្រកទម្ងន់មិនត្រឹមតែធ្វើឱ្យតែក្បាលពោះមានភាពប្រែប្រួលប៉ុណ្ណោះទេ ប៉ុន្តែគឺចំពោះរាងកាយទាំងមូលតែម្ដងដែលជួបប្រទះការផ្លាស់ប្ដូរជាច្រើន ។ តើអ្នកធ្លាប់ឆ្ងល់ទេថានឹងមានអ្វីកើតឡើងចំពោះរាងកាយ ក៏ដូចជាខួរក្បាលទៅនៅពេលអ្នកស្រកទម្ងន់ ៖
១. អ្នកឈប់ស្រមុក ៖ ការសិក្សាស្រាវជ្រាវជាច្រើនបានរកឃើញថា ការស្រកទម្ងន់យ៉ាងហោចណាស់៥ ភាគរយអាចជួយឱ្យអ្នកគេងលក់បានស្រួលស្កប់ និងយូរជាងមុននៅពេលយប់ ។ សូម្បីតែការស្រកទម្ងន់ត្រឹមតែបន្តិចបន្តួចក៏ដោយ ក៏វាអាចជួយកាត់បន្ថយទម្ងន់ដែលលើសនៅជុំវិញករបស់អ្នកដែលជាញឹកញយរារាំងផ្លូវដង្ហើមខាងលើ ហើយធ្វើឱ្យរោគសញ្ញានៃការគេងមិនដកដង្ហើម និងស្រមុកកាន់តែធ្ងន់ ។
២. ចំណង់អាហាររបស់អ្នកកើនឡើង ៖ នៅពេលអ្នកស្រកទម្ងន់ វាការកត់បន្ថយកម្រិតនៃអ័រម៉ូន leptin ដែលបញ្ចេញដោយកោសិកាខ្លាញ់បញ្ជូនសញ្ញាទៅខួរក្បាលថាអ្នកឆ្អែត ។ ខណៈដែលរាងកាយព្យាយាមធ្វើឱ្យកម្រិតអ៊័រម៉ូន leptin ត្រឡប់មកធម្មតាវិញ គឺវាអាចនាំឱ្យចំណង់អាហាររបស់អ្នកកើនឡើង និងឃ្លានទទួលទានអាហារសម្បូរទៅដោយជាតិខ្លាញ់ និងកាឡូរីខ្ពស់ ប៉ុន្តែកុំឆាប់ចុះចាញ់ ក៏ព្រោះការឃ្លានទាំងនេះនឹងបាត់ទៅវិញដោយឯកឯងនៅពេលរាងកាយស៊ាំនឹងរបបអាហរ ក៏ដូចជារបៀបនៃការរស់នៅថ្មីរបស់អ្នក ។
៣. ការចងចាំប្រសើរឡើងជាងមុន ៖ ខួរក្បាល គឺជាសរីរាង្គមួយទៀតដែលទទួលបានអត្ថប្រយោជន៍ពីការស្រកទម្ងន់ ។ ការសិក្សាស្រាវជ្រាវមួយចំនួនបានបង្ហាញឱ្យដឹងថា ការស្រកទម្ងន់ ឬបាត់បង់នូវជាតិខ្លាញ់ដែលលើសអាចបង្កើនសមត្ថភាពនៃការចងចាំរបស់ខួរក្បាល រួមទាំងការរៀបចំគម្រោង, បង្កើតយុទ្ធសាស្ត្រ និងរៀបចំអ្វីមួយ ។ ក្រោយស្រកទម្ងន់នោះខួរក្បាលរបស់អ្នកក៏ប្រែជាសកម្មជាងមុននៅពេលរក្សាទុកនូវការចងចាំ ថ្មីៗ។
៤.អ្នកលែងសូវឈឺក្បាលញឹកញាប់ដូចមុន ៖ ទោះបីជាការធាត់ជ្រុលមិនបង្កឱ្យកើតមានបញ្ហាឈឺក្បាលដោយផ្ទាល់ក៏ដោយ ក៏វាបង្កើនហានិភ័យនៃអាការឈឺក្បាលប្រកាំងដល់ទៅ ៥០ភាគរយ ។ កោសិកាខ្លាញ់បង្កើនបរិមាណនៃការរលាកក្នុងរាងកាយដែលអាចបង្កជាអាការឈឺក្បាលប្រកាំង ។ ដូច្នេះហើយទើបការស្រកទម្ងន់អាចជួយកាត់បន្ថយហានិភ័យនៃបញ្ហាឈឺក្បាល ។
៥.វដ្តរដូវប្រែប្រួល ៖ កម្រិតនៃអ៊័រម៉ូន គឺមានការទាក់ទងយ៉ាងជិតស្និទ្ធទៅនឹងទម្ងន់នៃរាងកាយ ។ ដូច្នេះនៅពេលស្រក ឬកើនទម្ងន់ នោះប្រព័ន្ធអង់ដូគ្រីនរបស់អ្នកនឹងជួបប្រទះនូវភាពប្រែប្រួលជាមិនខាន ។ ការឡើង ឬធ្លាក់ចុះនូវកម្រិតនៃអ័៊រម៉ូន estrogen និង testosterone អាចបណ្ដាលឱ្យមានភាពមិនប្រក្រតីនៃការមកឈាមរដូវដូចជា ឈាមរដូវតិច ឬច្រើន និងរយៈពេលនៃការមករដូវខ្លី ឬវែង ។
៦. ឈប់ឈឺជង្គង់ទៀត ៖ ការស្រកទម្ងន់ត្រឹមតែ១ផោន បានកាត់បន្ថយសម្ពាធនៅលើសន្លាក់ជង្គង់ដល់ទៅ៤ ផោន។ លើសពីនេះទៅទៀតការស្រកទម្ងន់ ឬខ្លាញ់នៅជុំវិញក្បាលពោះច្រើនអាចកាត់បន្ថយរោគសញ្ញានៃជំងឺរលាកសន្លាក់ និងជំងឺសន្លាក់ដទៃទៀត ។
៧. ស្បែករបស់អ្នកប្រែជាស្រស់ថ្លាជាងមុន ៖ ការស្រកទម្ងន់ដែលលើសមិនត្រឹមតែធ្វើឱ្យអ្នកមានសុខភាពល្អប៉ុណ្ណោះទេ ប៉ុន្តែក៏ជួយបង្កើនសម្រស់របស់អ្នកផងដែរ ដោយជួយឱ្យស្បែកប្រែជាស្រស់ថ្លាជាងមុន និងឈប់របក, សក់ក៏ប្រែជាកាន់តែក្រាស់ ហើយក្រចកប្រែជារឹងមាំ ។
៨. ថាមពលកើនឡើង ៖ រឿងដំបូងបំផុតដែលអ្នកនឹងជួបប្រទះក្រោយពេលស្រកទម្ងន់ដែលលើសនោះ គឺការកើនឡើងនូវថាមពលរាងកាយ ។ មូលហេតុដ៏សាមញ្ញនោះ គឺទម្ងន់កាន់តែតិចធ្វើឱ្យអ្នកអាចសន្សំកម្លាំងបានច្រើនសម្រាប់ធ្វើសកម្មភាពសំខាន់ផ្សេងៗ។ ក្រៅពីនេះការស្រកទម្ងន់បង្កើនប្រសិទ្ធភាពនៃការស្រូបយកអុកស៊ីសែន ដូច្នេះអ្នកនឹងមិនជួបប្រទះបញ្ហាពិបាកដកដង្ហើមទៀតទេនៅពេលឡើងជណ្ដើរ ឬក្រោយពីរត់បន្តិច (ប្រភពពី៖ Health.com.kh) ៕
ចែករំលែកព័តមាននេះ