ជនជាតិចិនទាំង១៦៤នាក់ត្រៀមបណ្តេញពីខេត្តសៀមរាប…លួចបើកល្បែងស៊ីសងតាមប្រព័ន្ធអ៊ីនធឺណេត(មានវីដេអូ)
- សៀមរាប
ខេត្តសៀមរាប ៖ នាវេលាម៉ោង២១និង០០នាទីយប់ ថ្ងៃទី២៩ មីនា ឆ្នាំ២០១៩ កម្លាំងការិយាល័យស៊ើបអង្កេត និងអនុវត្តនីតិវិធីសម្របសម្រួលដោយលោក សំរឹទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាបបានបញ្ជូនជនជាតិចិនចំនួន១៦៤នាក់ ដែលសមត្ថកិច្ចយើងចុះបង្ក្រាបបាន កាលពីថ្ងៃទី២៨ មីនា ២០១៩ ស្ថិតនៅភូមិវិហារចិន សង្កាត់ស្វាយដង្គំ ក្រុង-ខេត្តសៀមរាប ទៅមណ្ឌលត្រៀមបណ្តេញចេញពីខេត្តសៀមរាប ។
លោកឧត្តមសេនីយត្រី ជា គឹមសាន្ត ស្នងការរងទទួលផែនអន្តោប្រវេសន៍ខេត្តបន្ទាប់ពីមានព័ត៌មានពីនគរបាលប៉ុស្តិ៍សង្កាត់ស្វាយដង្គំថា មានករណីលួចបើកល្បែងស៊ីសងតាមប្រព័ន្ធអ៊ីនធឺណែត នៅក្នុងភូមិគ្រឹះសំរិទ្ធ អង្គរអាផាតមិន ដែលមានទីតាំងស្ថិតនៅភូមិវិហារចិន សង្កាត់ស្វាយដង្គំ ក្រុង-ខេត្តសៀមរាបនោះទើបលោកបានឱ្យប្រធានការិយាល័យជំនាញចុះទៅនាំខ្លួនយកមកសួរនៅការិយាល័យជំនាញ រួចបញ្ជូនទៅមណ្ឌលត្រៀមបណ្តេញចេញរបស់នាយកដ្ឋានស៊ើបអង្គេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ប្រចាំខេត្តសៀមរាប ដើម្បីដេញចេញពីស្រុកខ្មែរ ។
សូមបញ្ជាក់ផងដែរថា ជនបរទេស (ជនជាតិចិន) ប្រុសស្រីទាំង១៦៤នាក់ ដែលត្រូវប៉ូលិសឃាត់ខ្លួនចោទពីបទលួចបើកល្បែងស៊ីសង ខុសច្បាប់តាមប្រព័ន្ធអ៊ីនធឺណែតនៅក្នុងភូមិគ្រឹះ សំរិទ្ធ អង្គរ អាផាតមិនដែលមានទីតាំងស្ថិតនៅភូមិវិហារចិន សង្កាត់ស្វាយដង្គំ ក្រុង-ខេត្តសៀមរាបនោះ បានបញ្ជូនទៅមណ្ឌលត្រៀមបណ្តេញចេញពីខេត្តសៀមរាបទៅនាយកដ្ឋានស៊ើបអង្គេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ប្រចាំខេត្តសៀមរាប ដើម្បីចាត់ការបន្តតាមនីតិវិធីច្បាប់នៃព្រះរាជាណាចក្រកម្ពុជា ៕
ចែករំលែកព័តមាននេះ