រាជធានីភ្នំពេញ ៖ ជនសង្ស័យម្នាក់ជាប្អូនប្រុសបង្កើតបានយកម៉ូតូបងប្រុសបង្កើតខ្លួនឯងទៅបញ្ជាំអស់២ដង ហើយត្រូវបងប្រុសបង្កើតក្តៅចិត្តក៏ចាប់ចងដៃចងជើង រួចប្រគល់ទៅឱ្យសមត្ថកិច្ច បង្កឱ្យមានការភ្ញាក់ផ្អើលកាលពីម៉ោង11និង10នាទីយប់ ថ្ងៃទី៣១ ខែមីនា ឆ្នាំ២០១៩ តាមបណ្តោយផ្លូវព្រះមុនីវង្ស នៅចំណុចការាសសាំងកាលតិចស្តុបពេទ្យចិន ស្ថិតក្នុងសង្កាត់ចតុមុខ ខណ្ឌដូនពេញ ។
តាមប្រភពពីជនរងគ្រោះសុំមិនបញ្ចេញឈ្មោះបានឱ្យដឹងថា មុនពេលកើតហេតុ ប្រមាណជា១ខែមុន ប្អូនប្រុសបង្កើតរបស់គាត់បានលួចយកម៉ូតូមួយគ្រឿងមិនស្គាល់ម៉ាកយកទៅដាក់បញ្ចាំបានលុយចំនួន600$ លើកទី២ចំនួន400$ យកទៅលេងល្បែងចាញ់អស់ លុះពេលម៉ូតូដែលដាក់បញ្ចាំត្រូវបានលួសយកមកវិញហើយ ។
ជនរងគ្រោះបន្តថា ក៏ប៉ុន្តែដោយសារតែគាត់ខឹងថា ហេតុអីបានជាយកម៉ូតូរបស់គាត់ទៅដាក់បញ្ចាំដល់ទៅ២ដង ហើយនៅតែមិនរៀង ក៏តាមរកចាប់បាននៅចំណុចកើតហេតុខាងលើនេះតែម្តង រួចចងដៃចងជើងជាប់នឹងម៉ូតូកង់បីរង់ចាំសមត្ថកិច្ចប៉ុស្តិ៍ចតុមុខមកយកទៅប៉ុស្តិ៍ ប៉ុន្តែដោយសារតែសួរនាំដឹងរឿងទៅ ទើបដឹងថា យកម៉ូតូចេញមកពីម្តុំផ្លូវវជាសុផារ៉ា ទើបដឹកយកទៅប៉ុស្តិ៍ទួលសង្កែ២ ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងដើម្បីឱ្យសមត្ថកិច្ចចាត់ការតាមនីតិវិធី ៕
ចែករំលែកព័តមាននេះ