ពរទាំង៨ប្រការដែលព្រះដ៏មានបុណ្យលើកតម្កើងប្រទានដល់ព្រះអានន្ទត្ថេរគឺតំណែងជាឧបដ្ឋាកជាអ្នកបម្រើផ្ទាល់របស់ព្រះអង្គមានតែមួយអង្គគត់ក្នុងព្រះពុទ្ធសាសនា ។
១-បពិត្រព្រះអង្គដ៏ចម្រើន សូមព្រះអង្គកុំប្រទានចីវរ ដែលព្រះអង្គបានមក ដល់ខ្ញុំព្រះអង្គ ។
២-សូមព្រះដ៏មានបុណ្យកុំប្រទានបិណ្ឌបាតដល់ខ្ញុំព្រះអង្គ ។
៣-សូមព្រះអង្គកុំប្រទានការនៅក្នុងព្រះគន្ធកុដិតែមួយជាមួយនឹងខ្ញុំព្រះអង្គ ។
៤-សូមព្រះភគវាកុំយកខ្ញុំព្រះអង្គទៅកាន់ទីនិមន្តដ៏ចាំបាច់ជាមួយព្រះអង្គ។
៥-សូមព្រះដ៏មានព្រះភាគយាងទៅកាន់ទីនិមន្តដែលខ្ញុំព្រះអង្គបានទទួល ។
៦-ប្រសិនបើខ្ញុំករុណានាំបរិស័ទដែលមកអំពីទីជនបទចូលទៅគាល់ព្រះអង្គ ខ្ញុំព្រះអង្គនឹងបានប្រាស្រាយជាមួយបរិស័ទទាំងនោះ។
៧-សេចក្ដីសង្ស័យនឹងកើតឡើងដល់ខ្ញុំព្រះអង្គក្នុងកាលណា ខ្ញុំព្រះអង្គនឹងបានដើម្បីចូលគាល់សួរព្រះមានព្រះភាគក្នុងខណៈនោះ។
៨-បើព្រះភគវាសម្ដែងធម៌ណាក្នុងទីកំបាំងរបស់ខ្ញុំព្រះអង្គ លុះនៅពេលយាងមកវិញ សូមទ្រង់សម្ដែងធម៌នោះដល់ខ្ញុំព្រះអង្គសណ្តាប់ ។
ព្រះដ៏មានព្រះភាគក៏បានយល់ព្រមហើយទ្រង់ប្រកាសតែងតាំងព្រះអានន្ទក្នុងឋានៈជាឧបដ្ឋាករបស់ព្រះអង្គផ្ទាល់ ។ ចាប់តាំងអំពីពេលនោះមក ព្រះអានន្ទក៏បានជាអ្នកឧបដ្ឋាកជាប់ជានិច្ច អស់រយៈ២៥ឆ្នាំ ។
ចែករំលែកព័តមាននេះ