ប្រទេសចិននិងរុស្ស៊ី ៖ តាមរបាយការណ៍ដែលបញ្ជូនកាលពីថ្ងៃទី៣០មីនា ឲ្យដល់ក្រុមប្រឹក្សាសន្តិសុខអ.ស.បថា ក្រុងមូស្គូបានបណ្ដេញចេញជិត២ភាគ៣នៃជនជាតិកូរ៉េខាងជើង ប្រមាណជា៣០.០០០នាក់ដែលធ្វើការនៅរុស្ស៊ីកាលពីឆ្នាំទៅមិញ។ ចំណែកចិនវិញបានបញ្ជូន ពលករកូរ៉េខាងជើងដែលធ្វើអន្តោប្រវេសន៍មកចិន ទៅកាន់ប្រទេសពួកគេវិញ ប្រមាណជាពាក់កណ្ដាល។…
ប្រទេសចិននិងរុស្ស៊ី ៖ តាមរបាយការណ៍ដែលបញ្ជូនកាលពីថ្ងៃទី៣០មីនា ឲ្យដល់ក្រុមប្រឹក្សាសន្តិសុខអ.ស.បថា ក្រុងមូស្គូបានបណ្ដេញចេញជិត២ភាគ៣នៃជនជាតិកូរ៉េខាងជើង ប្រមាណជា៣០.០០០នាក់ដែលធ្វើការនៅរុស្ស៊ីកាលពីឆ្នាំទៅមិញ។ ចំណែកចិនវិញបានបញ្ជូន ពលករកូរ៉េខាងជើងដែលធ្វើអន្តោប្រវេសន៍មកចិន ទៅកាន់ប្រទេសពួកគេវិញ ប្រមាណជាពាក់កណ្ដាល។ ចិនពុំបានបញ្ជាក់ពីចំនួនពួកអ្នកទាំងនេះទេ។
យោងតាមទណ្ឌកម្មដែលអនុម័តកាលពីខែធ្នូឆ្នាំ២០១៧ ដើម្បីឲ្យកូរ៉េខាងជើងកាន់តែដាច់ប្រាក់ មកពីការបន្តកម្មវិធីនុយក្លេអ៊ែរនិងបាលីស្ទិក គ្រប់ប្រទេសទាំងអស់ដែលមានពួកពលករកូរ៉េខាងជើងទៅធ្វើការ ត្រូវបញ្ជូនពួកគេមកស្រុកវិញយ៉ាងយូរត្រឹមដំណាច់ឆ្នាំ២០១៩។
សហរដ្ឋអាមេរិកបានប៉ាន់ប្រមាណថា ក្រុងព្យុងយ៉ាងទទួលបានប្រាក់៥០០លានដុល្លារក្នុងមួយឆ្នាំ តាមរយៈការបញ្ជូនពលករចេញទៅធ្វើការនៅបរទេស ក្នុងនោះប្រមាណជា៥០.០០០នាក់នៅចិននិងជាង៣០.០០០នាក់នៅរុស្ស៊ី។
ក្នុងរបាយការណ៍សម្ងាត់មានមួយទំព័រដែលរ៉យទ័រអាចឃើញ រុស្ស៊ីប្រកាសថាចំនួនជនជាតិកូរ៉េខាងជើង ដែលទទួលការអនុញ្ញាតឲ្យធ្វើការ មានការចុះថយពីចំនួន៣០.០២៣នាក់មកនៅត្រឹម១១.៤៩០នាក់ក្នុងឆ្នាំ២០១៨។ ចំណែកចិនវិញអះអាងថា បានធ្វើមាតុភូមិនិវត្តន៍ជាងពាក់កណ្ដាលនៃជនជាតិកូរ៉េខាងជើងដែលមកធ្វើការនៅចិន៕
ចែករំលែកព័តមាននេះ