រាជធានីភ្នំពេញ៖ ក្រោយពីការខិតខំប្រឹងប្រែងរបស់ថ្នាក់ដឹកនាំក្រុមហ៊ុន ក៏ដូចជាងបុគ្គលិកក្រុមហ៊ុនសម្រស់ធម្មជាតិ ឯ.ក ក្នុងការធ្វើទីផ្សារចែកចាយនូវផលិតផលថ្មីដែលជាប្រភេទឱសថបំប៉នសុខភាព ដែលមានឈ្មោះថា សារ៉ាយសមុទ្រឃូស៊ី (Coosea Premium Spirulina) មួយរយៈពេលមក ក្រុមហ៊ុននេះទទួលបានការគាំទ្រពីសំណាក់អតិថិជន ក៏ដូចជា Fans ទាំងចាស់ ទាំងក្មេង យ៉ាងច្រើនលើសលុបទូទាំងប្រទេស និងក្រៅស្រុក។
ជាក់ស្តែងទំព័រ Facebook របស់ក្រុមហ៊ុននេះ (សម្រស់ធម្មជាតិ – Natural Beauty និង ស្រីអូន សម្រស់ធម្មជាតិ) មាន Followers សរុបរហូតដល់ទៅជាង 800,000 នាក់ឯណោះ។ វីដេអូខ្លះដែលបង្ហោះចេញពីទំព័រ Facebook របស់សម្រស់ធម្មជាតិ មានអ្នកមើលលើសពី 1,000,000 ដងទៅទៀត។
ក្រៅតែពីការលក់ផលិតដែលមានគុណភាពលេខ១ ស្តង់ដាពិភពលោក ដល់ប្រជាជនកម្ពុជា ក្រុមហ៊ុនមួយនេះក៏ល្បីល្បាញខ្លាំងណាស់ដែរ ក្នុងការធ្វើជំនួយមនុស្សធម៌ជួយអ្នកខ្វះខាតនៅក្នុងប្រទេសកម្ពុជា។
លោក ឈាង រ័ត្ន សហស្ថាបនិក និងជាទីប្រឹក្សាជាន់ខ្ពស់របស់ក្រុមហ៊ុន បានមានប្រសាសន៍ថា ក្រុមហ៊ុនបានកំណត់ទស្សនវិស្ស័យយ៉ាងមុតស្រួចថា «ក្រុមហ៊ុននឹងធ្វើអោយប្រជាជនកម្ពុជាមានសុខភាពល្អប្រសើរជាងមុន និងអាចរស់បានយូរជាងមុន ១០ឆ្នាំបន្ថែមទៀតនៅឆ្នាំ ២០៣០» ហើយលោកថា ដើម្បីសម្រេចបានទស្សនវិស្ស័យនេះ ក្រុមហ៊ុនសម្រស់ធម្មជាតិ មានបេសកកម្មជាច្រើនត្រូវធ្វើដូចជា ការអប់រំប្រជាជនអោយចេះថែទាំងសុខភាពតាមបែបធម្មជាតិ និងតាមបែបវិទ្យាសាស្ត្រ ការចំរាញ់ផលិតផលលេខ១ និងការបង្កើតរោងចក្រផលិតឱសថបំប៉នសុខភាពនៅកម្ពុជា ជាដើម។
បន្ទាប់ពីឃើញការខិតខំប្រឹងប្រែងរបស់ក្រុមហ៊ុន សម្រស់ធម្មជាតិមួយរយៈ និងទទួលបានការកុម្ម៉ង់ទិញឥតឈប់ឈរពីក្រុមហ៊ុន រោងចក្រផលិតឱសថបំប៉នសុខភាពដែលមានទីតាំងនៅរដ្ឋហាវ៉ៃ សហរដ្ឋអាមេរិក តាមរយៈក្រុមហ៊ុនតំណាងរបស់ខ្លួនប្រចាំតំបន់អាស៊ីប៉ាស៊ី ដែលមានការិយាល័យកណ្តាលនៅប្រទេសសិង្ហបុរី ឈ្មោះថា ក្រុមហ៊ុន Sainhall Nutrihealth Ltd Pte. ក៏បានសម្រេចផ្តល់សិទ្ធិផ្តាច់មុខដោយឥតស្ទាក់ស្ទើរដល់ក្រុមហ៊ុនសម្រស់ធម្មជាតិ ឯ.ក តែម្តង។
លោក យៀប តឹក ចឹង (Yeap Tech Cheong) តំណាងរោងចក្រផលិតឱសថបំប៉នសុខភាព បានមានប្រសាសន៍ថា មូលហេតុដែលក្រុមហ៊ុនរបស់លោកសម្រេចផ្តល់សិទ្ធិផ្តាច់មុខដល់ក្រុមហ៊ុនសម្រស់ធម្មជាតិនៅប្រទេសកម្ពុជា ព្រោះតែថ្នាក់ដឹកនាំ សម្រស់ធម្មជាតិ ឯ.ក មានទស្សនវិស្ស័យវែងឆ្ងាយ និងច្បាស់លាស់ ហើយស្រដៀងគ្នានឹងទស្សនវិស្ស័យរបស់ក្រុមហ៊ុនលោកផងដែរ។
លោកបន្តទៀតថា លោកសូមកោតសរសើរពីស្នាដៃនៃការក៏សាងអតិថិជន ការជួយដល់សង្គម និងការលក់របស់ក្រុមហ៊ុនមួយនេះ។ លោកថា ពិតជាមិនគួរអោយជឿទាល់តែសោះថា ក្រុមហ៊ុនមួយនេះដែលមានបុគ្គលិកត្រឹម ២០នាក់ ហើយទើបតែបង្កើតឡើងដោយសហគ្រិនវ័យក្មេងអាចធ្វើបានរឿងដ៏អស្ចារ្យជាច្រើនបែបនេះ។
លោក យៀប បន្ថែមទៀតថា ត្រឹមតែរយៈពេលមិនដល់១ឆ្នាំផង ក្រុមហ៊ុនសម្រស់ធម្មជាតិ ទទួលបានការគាំទ្រ និងលក់បានយ៉ាងច្រើនដែលមានចំនួនប្រហាក់ប្រហែល និងលើសប្រទេសមួយចំនួនទៀតនៅតំបន់អាស៊ីអាគ្នេយ៍បាត់ទៅហើយ។ លោកក៏បានបន្ថែមថា ថ្នាក់ដឹកនាំ សម្រស់ធម្មជាតិ មានវ័យក្មេងៗប៉ុន្តែពោរពេញដោយភាពឆ្លាតវ័យ និងមហិច្ចតាក្នុងការធ្វើអាជីវកម្ម។
លោក យៀប ក៏បាននិយាយបន្តទៀតថា លោកបានមកធ្វើទស្សនកិច្ចកម្ពុជាកាលពី១៥ឆ្នាំ ប៉ុន្តែពេលនោះលោកមើលមិនឃើញពីទីផ្សារឱសថបំប៉នសុខភាពនៅក្នុងប្រទេសកម្ពុជាទេ ហើយលោកក៏រកដៃគូអាជីវកម្មនៅកម្ពុជាមិនបានដែរនៅពេលនោះ។ លោក យៀប ថា លោកមានការភ្ញាក់ផ្អើលយ៉ាងខ្លាំងនៅពេលលោកមកដល់ទីក្រុងភ្នំពេញ កាលពីថ្ងៃទី ៣០ មីនា ២០១៩ ហើយឃើញការរីកចំរើនរបស់កម្ពុជា។
ចុងក្រោយលោក យៀប ដែលជាតំណាងរោងចក្រ ក៏បានសន្យាថា លោកនឹងជ្រោមជ្រែងអោយអស់ពីសមត្ថភាពដើម្បីជួយក្រុមហ៊ុន សម្រស់ធម្មជាតិ បង្កើតរោងចក្រផលិតឱសថបំប៉នសុខភាពនៅប្រទេសកម្ពុជា ដើម្បីអោយថ្លៃដើមទាប និងដើម្បីបង្កើតការងារជូនប្រជាជនកម្ពុជាផងដែរ៕ ដោយសហការ
ចែករំលែកព័តមាននេះ