រាជធានី​ភ្នំពេញ ៖ នៅ​ផ្សារ​ទំនើប អ៊ី​អន​ម៉​ល សែន​សុខ (AEON 2) កាលពី​ថ្ងៃ​ទី ៣១ ខែតុលា ឆ្នាំ ២០២៥ មកនេះ ក្រុមហ៊ុន​ទឹក​ពិសា ហា​យ​-​ធិ​ច បាន​រៀបចំ​ពិធី​សប្បុរសធម៌​យុទ្ធនាការ​មូលនិធិ​គន្ធ​បុ​ប្ឆា​កម្ពុជា ក្រោម​ប្រធានបទ «១ម៉ឺន​យួរ ១ម៉ឺន​រៀល​» ដើម្បី​អបអរសាទរ​ខួប​ទី ២៥ ឆ្នាំ របស់​ក្រុមហ៊ុន​ទឹក​ពិសា ហា​យ​-​ធិ​ច ដែល​តែងតែ​ទទួល​បានការ​ជឿ​ទុកចិត្ត​ពី​សំណាក់​អតិថិជន ការ​ប្រកាន់​យក​នូវ​គោលការណ៍​គុណភាព និង​ធ្វើ​ឱ្យ​ក្រុមហ៊ុន​អាច​បន្តដំណើរ​យូរអង្វែង​ទៅ​មុខ​ទៀត ។ ក្នុង​ឱកាស​ពិធី​អបអរសាទរ​ខួប​ទី ២៥ ឆ្នាំ របស់​ក្រុមហ៊ុន​ទឹក​ពិសា ហា​យ​-​ធិ​ច ដើម្បី​សប្បុរសធម៌​ជូន​ទៅ​មូលនិធិ​គន្ធ​បុប្ផា​កម្ពុជា អញ្ជើញ​ចូលរួម​ពី​សំណាក់​ឧក​ញ្ញ៉ា លាង សាំង អគ្គនាយក​ក្រុមហ៊ុន SL HI-TECH CO,.LTD និង​លោកស្រី ខ្លឹ​ង ផ​ល្លី អគ្គ​នាយិកា​ក្រុមហ៊ុន SL HI-TECH CO,.LTD និង​បុគ្គលិក​ក្រុមហ៊ុន SL HI-TECH CO,.LTD ទាំងអស់ ។

ឧក​ញ្ញ៉ា លាង សាំង អគ្គនាយក​ក្រុមហ៊ុន SL HI-TECH CO,.LTD បាន​មាន​ប្រសាសន​ថា ក្នុង​បរិបទ​ដើម្បី​អបអរសាទរ ការ​ខិតខំ​ប្រឹងប្រែង និង​ដំណើរការ​ដ៏​ជោគជ័យ​រយៈពេល ២៥​ឆ្នាំ​របស់​ទឹក​ពិសា ហា​យ​ធិ​ច របស់​ក្រុមហ៊ុន SL HI-TECH CO,.LTD ដែល​បាន​ឈរជើង​យ៉ាង​រឹង​មាំ​ក្នុង​ប្រទេស​កម្ពុជា បាន​នាំ​អារម្មណ៍​អ្នក​ទាំងអស់​គ្នា​ដើម្បី​វិល​ត្រឡប់​ទៅ​កាន់​ទស្សវត្សរ៍​ឆ្នាំ ២០០០ តាម​រយៈ​ការ​នាំ​យក​ត្រឡប់​មក​វិញ​នូវ​ដប​ទឹក Retro ស៊េរី​ចាស់ របស់​ទឹក​ពិសា ហា​យ​ធិ​ច ដែល​ជា​ដប​ទឹក​ដំបូង​បង្អស់​របស់​យើង ។

ដោយសារ​មានការ​គាំទ្រ​យ៉ាង​ពេញទំហឹង​ពី​សំណាក់​អតិថិជន និង​ប្ដេជ្ញា​ចិត្ត​ខ្ពស់​ពី​ថ្នាក់ដឹកនាំ​ក្រុមហ៊ុន​នោះ ក្រុមហ៊ុន​បាន​ផ្តោត​ការ​យកចិត្តទុកដាក់​សំខាន់​ទៅ​លើ​គុណភាព​នៃ​ផលិតផល​ជា​ចម្បង ដូច្នេះ​ហើយ​ទើប​គ្រប់​ផលិតផល​របស់​ក្រុមហ៊ុន​ទឹក​ពិសា ហា​យ​-​ធិ​ច តែងតែ​ទទួល​បានការ​ជឿ​ទុកចិត្ត​ពី​សំណាក់​អតិថិជន ការ​ប្រកាន់​យក​នូវ​គោលការណ៍​គុណភាព និង​ធ្វើ​ឱ្យ​ក្រុមហ៊ុន​អាច​បន្តដំណើរ​យូរអង្វែង​ទៅ​មុខ​ទៀត​ដោយ​ទាំងនេះ​ស្តែង​ចេញពី​ភាព​ឧស្សាហ៍​ព្យាយាម សុចរិត​ភាព និង​គំនិត​ច្នៃប្រឌិត របស់​ក្រុមហ៊ុន​ក្នុង​ប្រតិបត្តិការ​អាជីវកម្ម​របស់​ខ្លួន ។

លោក​អគ្គនាយក​ក្រុមហ៊ុន SL HI-TECH CO,.LTD បាន​បន្ត​ថា ថ្ងៃនេះ​ក្រុមហ៊ុន SL HI-TECH CO,.LTD បាន​នាំ​យក​កាដូ​ពិសេស​មួយ​ជូន​មន្ទីរ​គន្ធ​បុប្ផា ក្រោម​ប្រធានបទ «១ ម៉ឺន​យួរ ១ ម៉ឺន​រៀល​» ដែល​ជា​ព្រឹត្តិការណ៍​សប្បុរសធម៌​របស់​ក្រុមហ៊ុន ចំពោះ​ថវិកា​នៃ​ការ​លក់​ទឹក​ពិសា ហា​យ​ធិ​ច ចំនួន ១ ម៉ឺន​យួរ​ស្មើនឹង ១០០ លាន​រៀល​ប្រគល់​ជូន​មន្ទីរ​គន្ធ​បុប្ផា​សម្រាប់​ក្មេង​ៗ​ដែល​មក​សម្រាក​ព្យាបាល​មន្ទីរ​គន្ធ​បុ​ប្ឆា និង​ជា​ការ​ចូលរួម​សង្គម​ជាតិ​បែប​មនុស្សធម៌ ។ កម្មវិធី​របស់​យើង​នឹង​ធ្វើការ​ប្រារព្ធ​ឡើង​រយៈពេល ៣ ថ្ងៃ​ពេញ​គឺ​ចាប់ពី​ថ្ងៃ​ទី ៣១ តុលា ដល់​ថ្ងៃ​ទី​២ វិច្ឆិកា ចាប់ពី​ម៉ោង ១០ ព្រឹក ដល់​ម៉ោង ៩ យប់ ។

ក្នុង​រយៈ​ពេក ៣​ថ្ងៃនេះ​ដែរ ក៏​មាន​សកម្មភាព​ពិសេស​ៗ​កំពុង​រង់ចាំ​អ្នក ដូច​ជា ជួប​ជាមួយ លោកតា ព្រហ្ម ម៉ា​ញ ដែល​ជា​សិល្បករ​កំពូល​នៃ​សិល្បៈ​អា​យ៉ៃ​, លោក ម៉ួ​ន ម៉ា​រ៉ា និង​លោក ចាន់ សម័យ ដែល​ជា​សិល្បករ​ដ៏​មាន​ប្រជាប្រិយភាព​ក្នុង​ទស្សវត្សរ៍​ឆ្នាំ ២០០០ នៅ​ថ្ងៃ​ទី ៣១ ខែតុលា ឆ្នាំ ២០២៥ ។

ជួប​ជាមួយ​តារាចម្រៀង លោក Kwan និង​អ្នក​នាង ខាត់ សុ​ខី​ម នៅ​ថ្ងៃ​ទី ០១ ខែវិច្ឆិកា ឆ្នាំ ២០២៥ ចាប់ពី​ម៉ោង 7 យប់​តទៅ ត្រៀមខ្លួន​រាំ​ឱ្យ​កក្រើក​ឆាក នា​រាត្រី​នេះ ។

ជួប​ជាមួយ​តារា​រ៉េ​ប Tep Piseth នៅ​ថ្ងៃ​ទី ០២ ខែវិច្ឆិកា ឆ្នាំ ២០២៥ ចាប់ពី​ម៉ោង 7 យប់​តទៅ នៅ​ក្នុង​កម្មវិធី​គម្រប់​ខួប ២៥ ឆ្នាំ​ទឹក​ពិសា ហា​យ​ធិ​ច​នៅ​បរិវេណ Central Court របស់​យើង​នេះ​ផ្ទាល់ ។

យើង​ក៏​មានការ​ចែក​ជូន​ដោយ​ឥត​គិតថ្លៃ​នូវ ស្ករ​កាត់​រូប​សត្វ ដែល​ធ្វើ​ឡើង​យ៉ាង​ចំណាន ពី​សំណាក់​អ្នកជំនាញ​ជើង​ចាស់​របស់​យើង ដែល​អាច​ច្នៃ​ជា​រូប​សត្វ​ស្អាត​ៗ និង​គ្រប់​ប្រភេទ​ជូន​អ្នក​ទាំងអស់​គ្នា ។ ចំនួន​មាន​កំណត់ ។

ការ​ចែក​ជូន​ដោយ​ឥត​គិតថ្លៃ នូវ​ទឹកកក​ឈូស​បែប​ខ្មែរ នៅ​ក្នុង​សម័យ​ឆ្នាំ ២០០០ ។ ចំនួន​មាន​កំណត់ ។

បង​ៗ​អូន​ៗ ដែល​មាន​អារម្មណ៍​ថា​ក្ដៅ ឬ​ស្រេកទឹក​អាច​អញ្ជើញ​មក​យក​ទឹក​ពិសា Hi-Tech ដែល​យើង​ធ្វើការ​ចែក​ជូន​នៅ​បរិវេណ​ខាង​មុខ​នេះ​បាន​ដោយ​ឥត​គិតថ្លៃ ។ ចំនួន​មាន​កំណត់ ។

លើស​ពី​នេះ​អ្នក​ទាំងអស់​គ្នា​ក៏​អាច​ចូល​មក​ថតរូប​លេង​កម្សាន្ត​នៅ​ក្នុង​បរិវេណ​កម្មវិធី​របស់​យើង ដើម្បី​ទទួលយក​បទ​ពិសោធន៍​នៃ​ការ​វិល​ត្រឡប់​ទៅ​កាន់​អតីតកាល​ក្នុង​ទស្ស​វត្ស​ឆ្នាំ ២០០០ ហើយ​ថត​លេង​កម្សាន្ត​ជាមួយនឹង Filter របស់​យើង​ដើម្បី​ធ្វើ​ទទួលយក​បទ​ពិសោធន៍​ពិត​ៗ ។ បង​ៗ​ដែល​មានកូន​តូច​ៗ​ក៏​អាចយ​កកូន​របស់​លោក​អ្នក​មក​ចូល​លេង​ផាត់​រូប​លេង​កម្សាន្ត​នៅ​ក្នុង បរិវេណ​កម្មវិធី​របស់​យើង​ផង​ដែរ ៕ អត្ថបទ​សហការ