ក្រុមហ៊ុន ហ៊ិននីគែន ខេមបូឌា ផ្តល់ជូនផ្ទះថ្មី និងក្តីសង្ឃឹមដល់ប្រជាជនភៀសសឹកនៅខេត្តឧត្តរមានជ័យ
- ភ្នំពេញ
រាជធានីភ្នំពេញ, ថ្ងៃទី ៣០ ខែតុលា ឆ្នាំ ២០២៥ ៖ ក្រុមហ៊ុន ហ៊ិននីគែន ខេមបូឌា…
រាជធានីភ្នំពេញ, ថ្ងៃទី ៣០ ខែតុលា ឆ្នាំ ២០២៥ ៖ ក្រុមហ៊ុន ហ៊ិននីគែន ខេមបូឌា ដោយសហការ ជាមួយរដ្ឋបាលខេត្តឧត្តរមានជ័យ បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា (MoU) ដើម្បីពង្រីកគម្រោង «ផ្ទះថ្មី ក្តីសង្ឃឹមថ្មី» ក្នុងការគាំទ្រដល់ប្រជាជនភៀសសឹក ដែលរងផលប៉ះពាល់ដោយសារជម្លោះព្រំដែននាពេលថ្មីៗនេះនៅប្រទេសកម្ពុជា ។
តាមរយៈកិច្ចព្រមព្រៀងថ្មីនេះ ក្រុមហ៊ុន ហ៊ិននីគែន ខេមបូឌា នឹងផ្តល់ជំនួយជាផ្ទះចល័តថ្មីចំនួន៣០ ខ្នង សម្រាប់គ្រួសារប្រជាពលរដ្ឋដែលរងផលប៉ះពាល់ដោយជម្លោះព្រំដែន ។ បន្ថែមពីលើការចុះអនុស្សរណៈនៃការយោគយល់គ្នា (MoU)នេះ ក្រុមហ៊ុនក៏បានផ្ដល់អំណោយ ជាសម្ភារប្រើប្រាស់ប្រចាំថ្ងៃ ដើម្បីជួយបំពេញតម្រូវការជាបន្ទាន់របស់ប្រជាជនភៀសសឹកប្រមាណជាង ៣០០ គ្រួសារ ដែលកំពុងស្នាក់នៅក្នុងជំរំ ភៀសសឹកក្នុងខេត្តឧត្តរមានជ័យ ។
ការចុះអនុស្សរណៈនៃការយោគយល់គ្នា (MoU)នៅខេត្តឧត្តរមានជ័យនេះ គឺជាផ្នែកមួយនៃគម្រោងរបស់ក្រុមហ៊ុន ហ៊ិននីគែន ខេមបូឌា ក្នុងការផ្តល់ ជំនួយជាផ្ទះចល័តថ្មី ចំនួន ៥០ ខ្នង និងជួសជុលផ្ទះដែលរងការខូចខាតធ្ងន់ធ្ងរចំនួន ៥០ ខ្នងផ្សេងទៀត សម្រាប់គ្រួសារប្រជាពលរដ្ឋកម្ពុជាដែលរងផលប៉ះពាល់ដោយជម្លោះព្រំដែននាពេលថ្មីៗនេះ ។
ពិធីចុះហត្ថលេខានេះ ធ្វើឡើងនៅខេត្តឧត្តរមានជ័យ ដោយមានការចូលរួមពីសំណាក់ ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ ព្រមទាំងតំណាងជាន់ខ្ពស់មកពី ក្រុមហ៊ុន ហ៊ិននីគែន ខេមបូឌា និងអាជ្ញាធរមូលដ្ឋានជាច្រើនរូប ។ ពិធីនេះបានធ្វើឡើងដោយផ្ទាល់នៅជំរំជនភៀសខ្លួន ដែលផ្ដល់ឱកាសឱ្យតំណាងក្រុមហ៊ុន និងមន្ត្រីរដ្ឋាភិបាលជួបជាមួយគ្រួសារដែលរងផលប៉ះពាល់ ដើម្បីយល់កាន់តែច្បាស់អំពីស្ថានភាព និងតម្រូវការរបស់ពួកគាត់ ។
ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យបានមានប្រសាសន៍ថា ៖ «ជម្លោះព្រំដែននាពេលថ្មីៗនេះ បានប៉ះពាល់យ៉ាងខ្លាំងដល់គ្រួសារប្រជាពលរដ្ឋខ្មែរជាច្រើន ដែលពួកគាត់មិនត្រឹមតែត្រូវបង្ខំចិត្ដចាកចេញពីផ្ទះសម្បែងនោះទេ ប៉ុន្តែថែមទាំងទទួលការរំខានលើផ្នែកសន្តិសុខ និងស្ថិរភាពផងដែរ ។ តាមរយៈភាពជាដៃគូដ៏មានអត្ថន័យ ជាមួយក្រុមហ៊ុន ហ៊ិននីគែន ខេមបូឌា នេះ យើងមិនត្រឹមតែកំពុងផ្តល់ទីជម្រកឱ្យពួកគាត់ប៉ុណ្ណោះទេ ប៉ុន្តែយើងក៏កំពុងស្ដារក្តីសង្ឃឹម ស្ថិរភាព និងកម្លាំង ដើម្បីកសាងជីវិតរបស់ពួកគាត់ឡើងវិញ ។ កិច្ចសហការនេះគឺជាគំរូដ៏ល្អនៃការរួបរួមគ្នារវាងរាជរដ្ឋាភិបាល និងវិស័យឯកជន ក្នុងការធ្វើការរួមគ្នាដើម្បីឈរជាមួយប្រជាជនកម្ពុជា និងគាំទ្រពួកគាត់ក្នុងដំណើរឆ្ពោះទៅកាន់អនាគត ល្អប្រសើរ» ។
លោកស្រី Sophie Goodall នាយិកាផ្នែកកិច្ចការសាជីវកម្មនៃក្រុមហ៊ុន ហ៊ិននីគែន ខេមបូឌា បានមានប្រសាសន៍ថា ៖ «ក្រុមហ៊ុន ហ៊ិននីគែន ខេមបូឌា ជឿជាក់ថា នៅពេលដែលសហគមន៍មួយត្រូវបានប៉ះពាល់ វាប៉ះពាល់ដល់យើងទាំងអស់គ្នា ។ ក្នុងនាមជាក្រុមហ៊ុនដែលបានចាក់ឫស យ៉ាងជ្រៅនៅកម្ពុជាអស់រយៈពេល ៣០ ឆ្នាំមកហើយនោះ យើងមើលឃើញថា យើងមានទំនួលខុសត្រូវរួមគ្នាក្នុងការឈរជាមួយប្រជាពលរដ្ឋខ្មែរក្នុងគ្រាលំបាក ។ តាមរយៈគម្រោងផ្ទះថ្មី ក្តីសង្ឃឹមថ្មី យើងមានគោលបំណងផ្ដល់ស្ថិរភាព និងក្តីសង្ឃឹមឡើងវិញ ដល់ក្រុមគ្រួសារប្រជាពលរដ្ឋ ដែលសមនឹងទទួលបានទីសុវត្ថិភាពមួយជាផ្ទះរបស់ខ្លួន ។ កម្មវិធីនេះមិនមែនគ្រាន់តែជាការសាងសង់ផ្ទះប៉ុណ្ណោះទេ ប៉ុន្តែជាការកសាងជីវិតឡើងវិញ ស្ដារស្ថិរភាព និងបង្កើតឱកាសសម្រាប់ឱ្យគ្រួសារប្រជាពលរដ្ឋទាំងនោះបានរីកចម្រើនសារជាថ្មី ។ គ្រប់ផ្ទះថ្មីទាំងអស់គឺតំណាងឱ្យនូវការជឿជាក់របស់យើងសម្រាប់ការយកចិត្តទុកដាក់ចំពោះមនុស្ស និងភពផែនដី ហើយនាំមកនូវភាពរីករាយនៃការជួបជុំគ្នា ហើយនេះជាគុណតម្លៃដែលជួយជំរុញក្រុមហ៊ុន ហ៊ិននីគែន ខេមបូឌា ឱ្យបន្ដកសាងអនាគតដ៏ល្អប្រសើរសម្រាប់ប្រទេស និងប្រជាជនកម្ពុជា» ។
គម្រោង «ផ្ទះថ្មី ក្តីសង្ឃឹមថ្មី» គឺជាផ្នែកមួយនៃការបន្តប្តេជ្ញាចិត្តរបស់ក្រុមហ៊ុន ហ៊ិននីគែន ខេមបូឌា ក្នុងការកសាងសហគមន៍ឱ្យរីកចម្រើន និងមានភាពធន់ ។ ចាប់តាំងពីគម្រោងនេះចាប់ផ្តើម ក្រុមហ៊ុន ហ៊ិននីគែន ខេមបូឌា បានផ្តល់ផ្ទះចំនួន ១១ ខ្នងនៅខេត្តឧត្តរមានជ័យ ព្រះវិហារ សៀមរាប កំពង់ធំ តាកែវ និងរាជធានីភ្នំពេញ ដែលជួយក្រុមគ្រួសារប្រជាពលរដ្ឋកសាងជីវិតជាថ្មីជាមួយក្តីសង្ឃឹម សុវត្ថិភាព និងស្ថិរភាព ។
តាមរយៈការសហការគ្នាជាមួយអាជ្ញាធរខេត្ត និងសហគមន៍មូលដ្ឋាន ក្រុមហ៊ុន ហ៊ិននីគែន ខេមបូឌា បន្តជួយជំរុញការផ្លាស់ប្តូរ និងភាពធន់យូរអង្វែង ដោយជួយគាំទ្រដល់ប្រជាជនខ្មែរមិនត្រឹមតែក្នុងឱកាសសប្បាយរីករាយប៉ុណ្ណោះទេ ប៉ុន្តែជាពិសេសនៅពេលដែលពួកគាត់ជួបការលំបាក ត្រូវការជំនួយ និងការគាំទ្រខ្លាំងបំផុត ។
អំពីក្រុមហ៊ុន ហ៊ិននីគែន ខេមបូឌា
ក្រុមហ៊ុន ហ៊ិននីគែន ដែលជាក្រុមហ៊ុនផលិតស្រាបៀរឈានមុខគេនៅលើពិភពលោក ដែលជាក្រុមហ៊ុនស្រាបៀរ និងក្រុមហ៊ុនវិនិយោគបរទេសដំបូងគេនៅកម្ពុជាតាំងពីឆ្នាំ ១៩៩៤ ។ ជាមួយគោលបំណងបង្កើតការរួបរួមគ្នាជាធ្លុងមួយ ដើម្បីជំរុញពិភពលោកមួយកាន់តែប្រសើររ ក្រុមហ៊ុនហ៊ិននីគែន ហ៊ិននីគែន ខេមបូឌា មានម៉ាកយីហោស្រាបៀរចំនួន ៥ រួមមាន ស្រាបៀរ Heineken ® ស្រាបៀរ Tiger ស្រាបៀរ ABC ស្រាបៀរ Anchor និងស្រាបៀរ Gold Crown ។ ក្រុមហ៊ុនមាននិយោជិតប្រមាណ ៧០០ នាក់ និងផ្តល់ការងារដោយប្រយោលជូនប្រជាជនកម្ពុជាចំនួន ៦៦,០០០ នាក់នៅទូទាំងសង្វាក់ផលិតកម្មរបស់ខ្លួន ។ តាមរយៈយុទ្ធសាស្ដ្រ «ធ្វើឱ្យប្រទេសកម្ពុជាកាន់តែប្រសើរ» ក្រុមហ៊ុន ហ៊ិននីគែន ខេមបូឌា ប្ដេជ្ញាចិត្ដចូលរួមនិរន្ដរភាពបរិស្ថាន និង ព្រមទាំងសង្គម និងការពិសាប្រកបដោយការទទួលខុសត្រូវ។ សម្រាប់ព័ត៌មានបន្ថែម សូមចូលទៅកាន់វេបសាយ ៖ heinekencambodia.com ៕ អត្ថបទសហការ
ចែករំលែកព័តមាននេះ