អ្វីដែលអ្នកគួរដឹងអំពីជំងឺហឺត
ជំងឺហឺតត្រូវបានគេចាត់ទុកថា ជាជំងឺធ្ងន់ និងត្រូវតាមដានឲ្យបានជាប់លាប់ ដើម្បីការពារគ្រោះថ្នាក់ ឬផលវិបាកនានា ។ អ្នកជំងឺប្រភេទនេះ ច្រើនតែរងទុក្ខ ឬត្រូវប្រើប្រាស់ថ្នាំពេញមួយជីវិតតែម្តង ។…
ជំងឺហឺតត្រូវបានគេចាត់ទុកថា ជាជំងឺធ្ងន់ និងត្រូវតាមដានឲ្យបានជាប់លាប់ ដើម្បីការពារគ្រោះថ្នាក់ ឬផលវិបាកនានា ។ អ្នកជំងឺប្រភេទនេះ ច្រើនតែរងទុក្ខ ឬត្រូវប្រើប្រាស់ថ្នាំពេញមួយជីវិតតែម្តង ។ ជំងឺនេះហាក់ដូចជាកើតឡើងច្រើន មិនថាចំពោះមនុស្សធំ ឬកូនក្មេងឡើយ ពីព្រោះតែការរលាករ៉ាំរ៉ៃ ទៅលើផ្លូវដង្ហើមទៅកាន់សួត ។
រោគសញ្ញាចំបង ៖ • ពិបាកដកដង្ហើម • ហត់ • ដកដ្ហើមលឺសូរ • ក្អក • តឹងណែនក្នុងទ្រូង • ដកដង្ហើមបាន ខ្លីៗ។
មូលហេតុចំបង ដែលបណ្តាលឲ្យកើតជំងឺហឺត ៖
១-ខ្យល់ពុល ធូលីដី ឬអាកាសធាតុមិនអំណោយផល
២-បញ្ហាប្រព័ន្ធដកដង្ហើម ដូចជាការឆ្លងមេរោគលើបំពង់ករ៉ាំរ៉ៃ ជំងឺផ្តាសាយធំ ជំងឺរលាកច្រមុះ និងជំងឺរលាកសួតជាដើម ។
៣-កត្តាអាកាសធាតុ ដែលមានការផ្លាស់ប្តូរភ្លាមៗ ជាពិសេស ក្នុងខែមានខ្យល់ស្ងួត ។
៤-ការប្រឹងបញ្ចេញអារម្មណ៍ក្នុងចិត្តខ្លាំងពេក ដូចជា សើច រំភើប ខឹង ឬស្រែក ដែលធ្វើឲ្យប៉ះពាល់ដល់ការដកដង្ហើម ។
៥-សារធាតុអាលែកស៊ី ដូចជា ធូលី រោមសត្វ សារធាតុគីមី ។
៦-កត្តា ផ្សេងៗទៀត ដូចជា ការប្រើប្រាស់ថ្នាំមួយចំនួន (ប្រភពពី៖ Health.com.kh) ៕
ចែករំលែកព័តមាននេះ